Ekapiitulo 54
1
Nkoopole, ooh Nluku, mwantjinaninhu, ni nkiphuke mwaha wokurweenhu.
2
Mwiiwe mavekelwaaka, ooh Nluku; nviriyane moolumo on'mwaanowaka.
3
Kontha atthu oottayi ahokirukunuwela, ni atthu oohikiriri anpheela okiiva. Ayenatja khaanontafiti Nluku.
4
Nluku phimwaakihwaaka; Apwiya phankikhavihera.
5
Ayena anaahala waaliva awananiaaka ni yootakhala; nootthnawinhu, mwaakwanhulatje.
6
Kinawiivahenra, kinaahala ovaha tjoovaha; kinaahala ovaha mahala mwantjinaninhu, Apwiya, kontha phinhu ooreera.
7
Kontha n'hokikumiha nmahuvihoni ooteene; meethwaaka ahoona otthemiya waawananiaaka.