Ekapiitulo 52
1
Essiyani okumiihatjaka epokoho, owiitjoona wiira ohaana ekuru? Kontha nfento wanluku wowaataana khun'mala.
2
Nliminaa nintthonkomaniha okwanhula, phanka elaamina, ovaraka nteko niwootha.
3
We onfenta tjinene yootakhala woovirikana yooreera, wootha, woohuuluma yokhweeli.
4
Onfenta moolumo ookwanhulatja, ntthu owootha.
5
Nluku naahala wookwanhula woomalela. Ayena anaahala owoomola n'heemanimwaa ni anaahala owoomola nlaponi mwaatthu.
6
Anassariya anaahala woona ni anaahala woova; anaahala onthyaa ni anaahala wiira:
7
Nkawehani! Ola phinlopwana hinkhalihale Nluku ntthawenlwaawe; khalayi, aakhuluvela mihakhutjawe ni iilipiherale waakwanhula akhwaawe.
8
Massi miivano kiri phanka nri nkithi npaani mwaNluku; kin'hala okhuluvela nfento waNluku, womahuku ooteene ni woohimala.
9
Kinaahala owiipelani woohimala, ooh Nluku, woyeele evaraleenhu. Kinaahala wanriiha mwantjinaninhu, kontha nooreera, ohoolo waamuuminiinhu.