Ekapiitulo 42
1
Tjitjon'mo tjinkhala ekuru tjomaatji, phirinaaka niNhu, Nluku.
2
Kiri nintthona naNluku, Nluku nkumi. Kin'hala orwaa eyaakhani wala wiithoonha ohoolo waNluku?
3
Meethoryaaka ankhala phiyoolyaaka othana noohiyu, massi awananyaaka an'noolumatja yiiraka: Nlukwaa rivayi?
4
Erohwaaka enawunla, kuupuwelaka tjeettaaka naatthu, kiweettiheraka atthu enupa yaNluku, nimatjuu oohakalala niitjipo, atthu entji atthapenlaka essukuhuulu.
5
Eroohwaaka, essiyani okhalaka oohuvahuva? Essiyani okhalaka ookutakuthyaa nmirimanimwaka? Omwanriihe Nluku, kontha nanlelo kinaahala omwiipela. Ayena wopwaawaka.
6
Nlukwaaka, erohwaaka enkhala yoohuva nmirimanimwaka; phimana, kinawoowiihera muupuwelelo onlaponi mwa Jordao, maloootho oomararu oomwaako Hermom ni mwaako Mizar.
7
Ekuru tjomaatji tjiniihana ekuru tjikhwaaya; mawinpyaaya ooteene yaahokiweela.
8
Nanlelo tjitjon'mo, Apwiya anaahala oruma nfentwaaya wokhweeli nihuku nooteene, ohiyu, ntjiponaya nin'hala okhala nimiivano, mavekelo mamotja waNluku eekumyaaka.
9
Kinaahala owiirela Apwiya, mwalaaka: Nkiliyalenleni? Kineettelani ootjukulatja mwaha wookoomolaniha n;wanani?
10
Woolikana niikatana nmakhuvaniwaka awananyaaka phunkiruwanaaya, ankikohaka: Nlikwaa rivayi?
11
Eroohwaaka, essiyani okhalaka oohuvahuva? Essiyani okhalaka ookutakuthyaa nmirimanimwaka? Omwanriihe Nluku, kontha kinaahala owiipela. Ayena woopwaawaka ni Nlukwaaka.