¹ Elapo ni tjitthu tjooteene tjaaPwiya; olumwenku naatthu ooteene anaakhala, ² kontha ayena phunpale epahari ni mwaamuro. ³ Tupani n'hala owela omwaako waaPwiya? Tupani n'hala weemela npaanimwaya? ⁴ Yoole rina matataawe ooreera ninrima wooreera; yoole hin'vahale namoona owootha ni hinpanka tjooluphela tjowootha. ⁵ Yena naahala waakhela etthuvo yaaPwiya niissariya yaNluku owoopwaawawe. ⁶ Tjitjon'mo nin'hala okhala nikhoto ninonrweela Nluku, wayaale anonrweela Nluku aJaco. ⁷ Nvusse murutjinhu, mikhora tjuulupale; nvussatje, mikhora tjoohimala, wowiira akele mwene owaarya. ⁸ Mwene owaara tupani? Apwiya, okuru ni ooweryessa; Apwiya okuru nkhottoni. ⁹ Nvusse murutjinhu, mikhora tjuulupale; nvussatje, mikhora tjoohimala, wowiira akele mwene owaarya. ¹⁰ Mwene owaarya tupani? Apwiya anakhotto; Ayena amwene owaarya.