Ekapiitulo 149
1
Mwiipele Apwiya. Mwiipele nintjipo nophiyaaru; mwiipele ntjipo munthukumanoni mwaattakattiifu.
2
Ntthapeke, aIsrael, wayoole wunpaleni; ntteeliyeke, assaana oSiao, wamweneenhu.
3
Nttottopeleke ntjinanawe nitjowiina; mwiipeleke niwaattottopela nitjooruma.
4
Kontha Apwiya ahaana n'nema naatthwaaya; Ayena anaamoopola owiiyeviha.
5
Owaamini atthapeke mootthemani; yiipeke nootteeliya n'mikoriniwaya.
6
Etjipo tjaNluku tjikhaleke mwaanomwaya, ni ekatana yomalimi meeli n'matatanimwaya,
7
wiira amalihe ohuva waatthu nlaponi.
8
Ayena anaahala waatthuka mamwenyaaya nuunholo naanantekwaaya naalutjeema oyuuma.
9
Ayenatja anaahala othoonhera nlamulo nantikhiye. En'hala okhala nttittimiho waamwaaminyaaya ooteene. Mwiipele Apwiya!