Ekapiitulo 14
1
Ntirikhi, ninawuulumatja, wanrimaniwaya: Nluku khaavo. Oohiloka mirima anpanka tjitthu tjoohikhala; khaavo npanka yooreera.
2
Apwiya mwaawehe assaana aatthu wowiira moone akhala ntthu niiwa, anrweelaka Nluku.
3
Ahohuluwatja ooteene, ooteene ahotakhalatja mirima; khaavo n'motjaaya npanka yooreera!
4
Okhaleke wiira khiivo entjuwelaaya, yaala anvara tjoohiloka, anaakussatja atthwaaka phanka nkhuura ephaawu, ahinkokhorelaka Nluku?
5
Ayenatja anawoova, kontha Nluku nkhala naanassariya!
6
Nhu n'nopheelatja omoonihatja ehaaya massikhini. Massi Apwiya phuntthawelweenhu.
7
Woopwaa wowiisrael onawaale oSiao! Apwiya anaahokolosale atthwaaya mootthukiyani, vano, Jaco ananrweela Israel ni aanaahakalala!