Ekapiitulo 13
1
N'nokookiliyala, Apwiya, npakha eyaakhani? N'nokookivitha ekhoveenhu, npakha eyaakhani?
2
Npakha eyaakhani, wan'halaaka okutakuthyaa nookhalana nlemelelo wanrimaniwaka nihuku nooteene? Npakha eyaakhani n'wananyaaka wan'halaawe okitthema?
3
Nkiwehe ni nkaakhule, Apwiya, Nlukwaaka! Nmwaleele meethwaaka wala kinaahala orupa ekhove tjowuukhwani.
4
N'haahiye awananyaaka yiiraka: Kihontthema; awananyaaka ahiire: Kihonkhwitiri n'wananyaaka. Woovirikana, ayenatja anaahala otthapa kamora.
5
Massi mikinaakhuluvela waataanawinhu; Nrimaaka onaatteeliya okoopolawinhu!
6
Kinaahala owiipela Apwiya kontha Ayna anaakivaraka ratta.