¹ Hiimena, Apwiya, hiimena, massi ntjinaninhu nikhale nowaarya, mwaha wonfentweenhu ninkhaviherweenhu. ² Atthu yaahala wiirelani: Nlukwaayooyo rivayi. ³ Nlukweehu ri wiirimu; Ayena anpanka tjinaatjivela. ⁴ Attontto onlaponi ewooru niiparatha, miteko tjon'matatani tjaatthu. ⁵ Attontto yaayo ahaana malaku , massi khaanuuluma; ahaana meetho, massi khaanoona; ⁶ ahaana maaru, massi khaaniiwa; ahaana ephula, massi khaanoona onukha; ⁷ ahaana matata, massi khantjuwelela; ahaana metto, massi khaaneetta, wala khaanuuluma nimalakwaayaayo. ⁸ Yaayo anaapankaayo ari phanka yaayo, tjitjon'mo phanka ooteene anaakhuluvela. ⁹ Israel, naakhuluvela Apwiya; Ayena mwaakuvelwaaya ninkhikitjerwaara. ¹⁰ Etthoko ya Aarao, anaakhuluvela Apwiya; Ayena mwaakuvelwaaya ninkhikitjerwaaya. ¹¹ Nhu n'naattittimiha Apwiya, mwaakhuluvele; Ayena mwaakiherweenhu ninkhaviherweenhu. ¹² Apwiya an'nonuupuwelaka ni anaahala onireeriha. Ayena anaahala oreeriha etthoko ya Israel, anaahala oreeriha etthoko ya Aarao. ¹³ Ayena anaahala waareeriha yaale anaattittimiha, amwaavano hata mitjee. ¹⁴ Apwiya awintjiviheni ventji, nhu naassimutjeenhu. ¹⁵ Nreerihiye naApwiya, yunpale erimu niitthaya. ¹⁶ Erimu phiyaApwiya, massi etthaya yaapinaatamu. ¹⁷ Atthu ookhwa khaanaavuwiha Apwiya, wala yaale ankhuruwa oomaala; ¹⁸ massi hiivano ninaahala waattottopela Apwiya, okhuma n'na npakha khalayi. Mwiipele Apwiya!