Ekapiitulo 112
1
Mwiipele Apwiya. Ooreeriya ntthu niiwelela Apwiya, neettela ekettelotjaya.
2
Assimutjaawe anaahala okhala oowerya nlaponi; assimutjaaya anassariya anaahala oreerihiya.
3
Mihakhu tjiri owanuwaya; essariyaaya khin'malatho.
4
Nthuko onaarya mwiipiphini waanassariya; Ayena phomahala okiriri ni ossariya.
5
Ootteeliya ntthu nmaleliya ni nkakophaka nssurukhu, neettihera tjootumihatjawe niihissima.
6
Kontha yena khan'moratho; ntthu ossariya nawuupuweliya woohimala.
7
Yena khanoova moolumo oohikhala; nkhala oolipa, kontha naakhuluvela Apwiya.
8
Nrimaawe onkhala wookhalelana ni khanoova, nphakha wanaatthemaawe awananyaawe.
9
Yena nawaavaha amassikhini; essariyaawe khin'malatho; yena naahala ottittimihiya.
10
Oohiloka naahala woona ni naahala orussiya; yena naahala okhuura meenwaawe ni naahala otthawa; tjootthuna tjaatthu oohiloka tjinaahala orimeela.