Ekapiitulo 101
1
Kinaahala wiipela nfento niissariya; Apwiya kinaahala owiipelani etjipo.
2
Kinaahala weettela mittalatjinhu. N'nohala okiweela eyaakhani. Kinaahala weettela etthokwaaka ninrima wooreera.
3
Akin'hala otthuniha wiira ekhumenle yootakhala wameethoniwaka; okikassiri makhalelo aatthu oohitthuna etthu; eyo khin'hala okiphwanha.
4
Akikhale ottayi ntthu oohiphiyeratja nrima; akin'hala wiitakanihera yootakhala.
5
Kinaahala on'maaliha yoole nonromolatja mwaattaman'nuaawe. Akin'hala onlevenla ntthu n'hala okhalana nrima woohiloka.
6
Meethwaaka an'hala okhala naatthu owaamini wiira akhale nimiivano. Yoole neetta munttalani wooreera naahala okhala nimi.
7
Atthu owootha khan'hala okhala npaanimwaka; owootha khan'hala okhala wameethoniwaka.
8
Khula owitjissu kinaahala waakwanhula ontuniyani; kinaahala weemessenra atakhali ooteene epooma yaApwiya.