Ekapiitulo 1
1
Ooreerihiya ntthu hineetta nkanoni mwaatthu ootakhala, khankhala naanamattheka, wala khanookoma naanamahanhuriha.
2
Massi otteeliyawawe ori nketteloni mwaaPwiya, ni nketteloniwaya, naakhalana othana noohiyu.
3
Yena n'hala okhala phanka nri wowaaliya nkurukuru muro, oniima mihokorokho khula okathi ni mataakhurwaaya khaanuuma. Yena naahala woona ratta wakhula etthu en'halaawe ovara.
4
Owiitjeetta kahi tjon'mo. Ankhala phanka oohiitthu ankussiya niiphyoo.
5
Phimaana, atthu owiitjeetta khan'hala okhala oweemela omilattuni, wala anamakossa wootakanihiya anassariya.
6
Kontha Apwiya anaalawiha nttala waanassariya, massi nttala waatthu owiitjeetta onaahala orimeela.