¹ Pwiya aahomwiirela Moises. ² Waahimeerye atthu ooteene owiisrael, wiiraka: Nlopwana wala nthiyana ootthapenliya ni Pwiya wayoothanliya yooreeressa ya Nazireu, ³ n´hala opheela okhala ottayi noniphaa. Khan´hala ovurya yoonhuunha wala nipha noohapala. Khan´hala ovurya wanakhala nkwaratati wo uuva, wala khan´hala olya uuva makithi wala owuuma. ⁴ Womahuku ooteene an´halaawe okihiya, khan´hala olya etthu yoopankiya ni uuva, wootakaneela tjooteene tjoopankiya niitthaka. ⁵ Owakathi wooteene woothanliya wookawanyaa, khan´hala okassa ekhararitjawe npaka wan´maliheraawe mahukwaawe wa Pwiya. Yena naahala wiivahenra waPwiya. Yena naahala wiivahenra wa Pwiya, ni naahala ohiya ekhararitjawe tjuunuwaka n´muruniwawe. ⁶ Owakathi wooteene on´haleenhu okhala ookawanyaa ni Pwiya, n´haattamenle nrutthu. ⁷ Yena khan´hala okhala oohilokaloka, hata wankhalaaya athumwaane, anumwaane, assun´nawe, yakhwavale. Phimaana yena nookawanyaa niMuluku, toko ooteene tjinoonaaya, mwaha wokhararitjawe tjuulupale. ⁸ Owakathyaawe wooteene wowiikawaniha, yena n´hala okhala ttakattiifu, ahalaka wa Pwiya. ⁹ Ntthu akhwakavale wowakuvyaatja wonphanthyaa ni ephiyaka munthukumanoniwaa, vano yena naahala okassa ekhararitjaa nihuku nooreerihiya, nihuku nonassaapa. ¹⁰ Nihuku nonanaane, yena hana awaanaka matjiya meeli ni khuntta piili wanamukutho, omakeleloni wa etenda Yaathukumaniya. ¹¹ Namukutho naahala onvaha mwaanuni ntoko yoovahenra etampi ni nkinakuuyo ntoko woopahiya. Yaala phinkela olivela, kontha athekale nlatto wookhala wakhiviru niiruthu yookhua. Yena naahala wiithapela tho nihuku nen'no. ¹² Yena naahala wivahenra waa Pwiya owakathi woothapeliya. Haana awaanaka epwittipwithi yo mwaakha m'motja yoolivela nlatto. Mahuku ahinaaya wiinanariha khan'hala waalikeleliya, kontha othanliyawinyun'wo ohonanarihiya. ¹³ Eela phiikettelo ya nazireu, wo wiira yaphiyera mahuku ohathussiya. Yena naahala owaaniya omakhumenloni ootenda Woothukumaniya. ¹⁴ Naahala othoonyera yoovahiya waa Pwiya. N'haana ovaha epwittipwithi yomwaakha m'motja yoohirakalatja. Owaanetho epwittipwithi ohirakalatja ntoko yoovahiya yooreerela. ¹⁵ Owaane ecesto yophaau tjoopakiya woohiferementu, eboolu tjo phepa yooreera yootakanihiya ni makhura, ephaau tjohiferementu tjowoossiya ni makhura, nkhayi ni tjovahatjinyu tjooliya ni tjoowuriya. ¹⁶ Namukutho naahala othoonyera ohoolo wa Pwiya. Yena naahala ovaha tjovaha tjolivela etampi ni tjoovaha tjoopahiya. ¹⁷ Ecesto tjo phaau tjohiferementu, yena naahala ovaha nkutho epwittipwithi, ntoko yovaha wooreerela waa Pwiya. Namukutho nahaala othoonyera tjoovaha tjooliya ni tjoowuriya. ¹⁸ Nazireu naahala ometha muruawooyo othonyeraka omwalanatja ni Muluku, omakhumenloni ootenda wo Nthukumano. Yena naahala okussa ekharari tjawe orihela wa mooroni ori vathiwaya wo mukutho woovahiya woomalelya. ¹⁹ Namukutho naahala okussa mphantti omakhata owapen'ya opwittipeithi, ebolu tjohimiropo tjoncestu ni phaawu tjohimiropo. Yena naahala onvaha m'matatani wa nazireu, namethaleene ekharari tjawe othoonyeraka omwalanatja. ²⁰ Namukutho naahala okussa, othoonyera ntoko yoovaha ohoolo wa Pwiya; eyo eyoolya yeettakattiifu, yinsaatheriye anamukutho, niitherema niitara ethoonyeriye. Yavirakavale, nazireu nawaantja ovurya evinyu. ²¹ Ekettelo ya nazireu, nompaka natiri woovaha woomwalana wawe wa Pwiya. Wohikhala ethu ekhuaawe yoopheela ovaha, yena haana akhalaka ni natiri mpankalyaawe, wiira akhale huluveliho othonyeriye niikettelo wa nazireu. ²² Tootho Pwiya huuluma ni Moises, iiraka: ²³ ''Wuulume ni Arao ni assaana. Wiire: Mwaareerihe apoovo oo Israel manan'naala: ²⁴ Wiira Pwiya oreerihe ni ossunkeni. ²⁵ Apwiya akhale owaarya ohoolowinyu ni akhale oreera ninyuu. ²⁶ Apwiya ooweheni wooreerela ni oovaheni nrettele. ²⁷ Phumanan'na yaala ayena an'halaaya waavaha ntjinanaka apoovo oo Israel. Vano, Kinaahala waareeriha''.