¹ Atthu yaanottokutta mwaha wopokohotjaya nmaaruni wa Apwiya. Apwiya aahowiiwa atthu ni aahorussiya. Vano mooro waapwiya waahopharela eriyaryaayatja ni yaahovya akhwaawe nkerekhere wonupa yanluku. ² Atthu yaahonkhuwela Mises, ni Moises aahonvekela Pwiya, ni mooro waaheemela. ³ Nipuron´ne niihaniye Tebera, kontha mooro waapharelale eriharyaatja. ⁴ Anan´mwa akhwaawe ni nikhoto nowiisrael. Ayenatja yaapheela eyoolya yomaana. Vano atthu owiisrael yaahantjera wuulumatja yiiraka: Phaapani an´hala onivaha enama wiira nikhuure? ⁵ Ninuupuwela ehopa tjaakhuureehu tjomahala weegiipitu, missiri, nitjitthu tjikhwaawe. Vano ni ootteetthya. ⁶ Hii khaninooneetthu woohikhala manaa oopheela olya. ⁷ Manaa yaari phanka epyoo yo coentro, yaalikana nipyoo yo coentro ni yaakhala phanka yossafarawu. ⁸ Atthu yaaneetta ni yaanohepa. Yaatthupuliya nraweni, yaapen'ya nssufurin`yani, ni yaanopankatja mikatthe. Yaatjiva phanka makhura ooliva makithi. ⁹ Owakathi waamora okame, ohiyu, npaani wanluku, manaa phaamoraaya. ¹⁰ Moises aanowiiwa atthu yunlaka naassimutjaaya, ni atthu ooteene yaari nmakhumenloni womapuro yaatumihatjaaya. Pwiya aahokhala ootikinihiya. Nmeethoni mwa Moises, ayenatja yaahopanka yootakhala mwaha woottokutta. ¹¹ Moises aahowiirela aPwiya: Essiyani nhu onpakaka yootahala nantekhweenhu? N'hokihiya kaakussaka atthwaala. ¹² Wala timi kaavahale nthuko atthwaala? Mi kihotthuna woopheela okihimeerya: Waateesse wakhakaatjani toko tjinonfentaa mwaamwanaa? Kaakussatje kaarweehaka elapo eluphelaleenhu waavaha atthu okhalayi? ¹³ Kinkoophwanha vayi enama yoopheela okhuura atthu ooteene? Ayenatja aritji ohoolowaka ni akiirelaka: Onivahe enama nikhuure. ¹⁴ Akinaakhwitiri atthwaala ooteene veekha. ¹⁵ Mwakipankaka tjon'mo, nkiive phiyaaru, wakhalaaka wiira tinhu n'nokeettihera, n'hulusse mahuvihwaaka. ¹⁶ Apwiya aahomwiirela Moises: Okiwiihere mahumu sapiini owiisrael. Okhalane nkupaleelo wiira mahumu ni akhulupale aatthwaala. Waawaane n'heemani wonthukumano yakhale niwe. ¹⁷ Kinaahala owa owuulumana. Kinaahala okussa n'nepa vakaani wawaa nii kinaahala waavahatja. Anaahala waakussa atthu niwe. Khun'halatho waakhalana veekha. ¹⁸ Wiirele atthwaayo: Mwiireerihe waPwiya meelo. Weekhweeli n'naahala okhuuratja enama, n'hotjukulatja ni aPwiya ahiiwa. Nhu mwiiratjale: Phaapani an'hala onivaha enama yoopheela okhuura? Weegiipitu naanaakhala ratta. Phimaana, aPwiya anaahala woovahani enama, ni n'naahala okhuuratja. ¹⁹ Khamun'hala okhuuratja enama wonihuku nimotja, wala mahuku meeli, wala mahuku mathanu, wala mahuku khuumi, wala mahuku ssiriini. ²⁰ Massi mun'hala okhuura mweeri n'motja, npaka okhumela nphulaniwinhu. En'hala okhala etthu yoohootjivelani, kontha n'nowaakhotta aPwiya, ari eriyariinhu, ntjukulaka eriyaryaawe mwiiraka: Nikhumenleni wiigiipitu? ²¹ Moises aahiira: Kiri naatthu emiya sita ekontotjene, ni nhu mwiirale: Kinaahala waalihatja enama mweeri n'motja. ²² Kin'hala wiiva mihuwo tjowaaphiyera? Kinawiiva ehopa tjooteene tjinaahala waatossa? ²³ Apwiya yaahomwiirela Moises: Ntatanaka ninookhuvyaa? Vano onaahala woona wakhalaka wiira nuulumonaka nokhweeli wala mena. ²⁴ Moises aahokhuma ni aahattonkela atthu moolumo aPwiya. Yena aahaathukumaniha mahumu ssapiini ni yaahonrukureerya heema. ²⁵ Apwiya yaahokhuruwa n'nihutteni ni yaahuuluma ni Moises. Apwiya yaahokussa nphantte won'nepa waari ni Moises ni yaahaavahatja mahumu. N'nepooyo wakhanlyaaya naayenatja, yaahantja wuulumatja, wayoole owakathyuule woohuulumatho. ²⁶ Alowana eeli yaahohala npaani wanluku. Eldade ni Medade. N'nepooyo waahokhala naayenatja. Matjinaaya yaari owantikhiya, massi ayenatja khayaakhumenlantje vate woheema. Tjitjon'mo, yaanoolumatja npaani wanluku. ²⁷ Mwaavano n'motja npaani wanluku aahotthawa ni aahonttonkela Moises: Eldade ni Medade aniira yuulumatjaka npaani. ²⁸ Josue, mwaana Naum, nonkhavihera Moises, oothanliya n'motja, aahomwiirela Moises: Funtyaaka Moises, naawaateelihatja. ²⁹ Moises aahomwiirela: Ori niihatje mwaha wawaka? Waakitjivela atthu ooteene aaPwiya akhale arumeyi ni yaavahaka n'nepa ooteene. ³⁰ Vano, Moises nimahumu ooteene owiisrael yaahohokolya. ³¹ Vano, yaahowa ephyoo yaPwiya ni yaahon'waana mwaanuni npharyaa. Yaamorelatja nipuro noothukumana, nihuku nimotja neekwaha wonphantte nkhwaawe, ni nihuku nokwaha wonphantte nkhwaawe. Yaahorukureeryatja nipuro noothukumana weephimelo piili vatjulu wovathi. ³² Atthu yaari ookutakuthyaa atthonkomanihaka nihuku nooteene, ohiyu, npaka orupossenliya. Khaavo hephale woohikhala ephimelo khuumi. Ayenatja yaanyaatjale nipuro nonthukumano. ³³ Owakathi weeraaya akhuuraka enameeyo, Apwiya yaahaaviruwelatja. Yaahaakurusselatja ekwerere yuulupale. ³⁴ Nipuron'ne niihaniye Quibrote-Taava, kontha ayenatja yaassikahle atthu yaatjivela enama. ³⁵ Atthu yaahorwaa oQuibrote-Taava oHazerote, waakhalaaya.