¹ Wamalalyaya nnha ethunnha, Yesu ahorwaa o Galileia mana kaaphela wethela o Judeia mana ma Judeu yaphelaa omwiva. ² Esukuhulu yo ma Judeu yahathamela. ³ Asunnawe, vano yahomworelatja: ''Okume opurola ni orwee o Judeia wo wira arumeyaa yoone ethu tjinpakaa. ⁴ Kontha kuvo onpanka ethu nsirini aphelaka woniya waathuni. Wakala wira onapanka nnha tjithunnha withonhihereke wa tuniyani.'' ⁵ Mana hataa asunnawe yayo kayankupali yena. ⁶ Vano Yesuaheerelatja: ''Okatyaka kunaphiya, masi okatinnhu orii wophiyene. ⁷ Etuniya kinnanariya ninhuu, masi ni minnhano enanariya mana kinatonhihera wira mitekotjaya ti tjonanara. ⁹ Nrwaatjeke nhu osukuhuluninn'wo. Minnhano nkinrwaa kontha okatyaka kuphiyera'' . ⁸ Onamalihale wahimertja nnha ethunnha, Yena ahokala o Galileia wen'we. ¹⁰ Mothenenmo, asunnawe anarwatjale osukuhuluni, yena tjitjanmo ahorwaa, wohikala waathuni masi nsirini. ¹¹ Ma Judeu yanontholathola wasukuhuluni, yeratjaka: Yena ori vayi?''. ¹² Wathunivale yavavo mananna mentji ohimiya wayena; Akinakwayo yera: ''Yena nlopwana omana''. akina yera: ''Mena, yena onamwathepakatja athu. ¹³ ''Hata tjonmo kavo amuluma yena wowonya mwaha wowoviya ma Judeu. ¹⁴ Esukuhulu yeettelaka eriyariru, Yeesu aahokela nkeretja ni ahopatjera osomiha. ¹⁵ Vano, ma Judeu yaahokhala otikinihiya, ni yeera: Ontjuwela tjani ola nlopwanola ohinatoko withutjihiya''. ¹⁶ Yeesu aahowakhulatja: ''Yosomihaaka kahiyena ya waka, masi yawawe ole okiruale. ¹⁷ Nthu apheela ovara othunawawe, onahala otjuwela tjosomihatjawe.yakhala wira ela enkhuma wa Nluku, walani nineetjulumela minnhano. ¹⁸ Yoole onitjuulumela omphelatja waryawawe, masi ole onrwela warya wa yoole onrumale, yooyo teekhweli,ni kiivo ohisariya mo yena. ¹⁹ Kahiyena Moses oovahaleni eworti? masi kavo onakala mmotja onthariha? ²⁰ Athwayo yahoomwakhula: Ohana sotwanni. Tipani ompheela owiiva wee?'' ²¹ Yeesu aahowakhulatja ni aheerelatja: Minnhano kivarale mwirira mmotja pahi, ni nyu othene motikinihiya niyeela ethwiila. ²² Moises ohovani wulihana. kahii woowa wa Moses, masi waathu olupale okhalayi ni ntivela nnaamuulihiya nlopwana. ²³ Oolihiyaka nlopwana nihuku nontivela, wo wira eworti tja Moses tjihihanhurihiye, vano mwinrusiyani mi kanvoniha nthu ntivela? ²⁴ Muhihukumu nuuwehatjera, masi ni ekhweeli. ²⁵ Akina o Jerusalem yeera: Kahii yoola anomphelatjaya omwiiva? ²⁶ Ni yena onawuluma sanene ni kivo enulumeliyawe. Pooti anawortyayo anatjuweleeha wira yena weekhweli Cristo? ²⁷ Ninaatjuwela onkumawe yena, masi cristo awaaka, kaavo onrwaa otjuwela onkumaawe''. ²⁸ Vano Yesu ahovusa ntjunawe nkeretja asomihaka ni eeraka: ''Nyu nnakitjuwela ni nnatjuwela onkumaaka; akinkuma wa minnhano, masi ole okirumale teekhweli, ni nyu kannontjuwela. ²⁹ Minnhano kinantjuwela kontha kinkuma oryaawe, ni yena tikirumale''. ³⁰ Vano ayena yaaphelatja onthuka, masi kaavo ankwanhale mana okatyawe waarii ohinaphiya. ³¹ Masi tjitjammo athu entji yanonkupali. Ayena yeera: Cristo awaaka, onahala opanka mithonhero tjintji tjovika nnha tjimpamkawe ola nlopwanola?'' ³² Ma fariseu yahowiwa athwale yamulumelatjera Yesu nnha tjithunnha, ni ahooleli anamukutho ni ma fariseu yahaaruma atoropa wira yanthuke. ³³ Vano Yeesu aaherelatja: ''nanlelo kirii wamotja ninyuu okati vakani, vano karweeke oryaawe ole okirumale. ³⁴ Nyuu mwinrwaa okiweela , masi kamwin'hala okiphwanha; ni onrwaaka, nyuu kamwinkitiri orwaa. ³⁵ Nlathu wo yeela esariyeela, ma judeu yoolumatja yayooru: On'hala orwaa vayi ola nlopwanola, nihinrweehu okitiri ompwanha? Yena on'hala onrwaa omwarelatjalyaya ma Grego wira aasomihe? ³⁶ Nin'himya esiyani nna nulumo nulumalyawenna: Nyuu mwinrwaa okiwe, masi kamwinrwaa okiphwanha; onrwaaka, kamwinkitiri orwaa?''. ³⁷ Ninaphiyale nihuku noomalela, nihuku nuulupale no sukuhulu, Yeesu ahon'wa ni ntjuu nuulupale eerelatjaka: Akalana nthu nthona akiweele ni awurye. ³⁸ Ole onkikupali ntoko tjihimalyaya yoolepiya, N'hinawawe tjinahala okala myuro tjomaatji makumi''. ³⁹ Yena ooluma mwaha wonnepa waarwaya waakela ale yaarwaa onkupali; nnepa waarii ohinawaniya kontha Yeesu aarii ohinavahiya waaryawawe. ⁴⁰ Athu akinaku winwalyaya ala molumwala, yaahera: ''Ola weekhweli namaloha''. ⁴¹ Akina yeera: ''Ola ti Cristo''. Masi akina yeera: '' Onari Cristo arwaa okhuma o Galileia? ⁴² Yoolephiya kineera wira Cristo on'hala oweela nikhoto na Davi, o Belem, wo nikhoto naaryawe Davi? ⁴³ Vano, wahopatjera okawanihiya athwayo nlathu wawawe yena. ⁴⁴ Akinakwaya yaaphela onthuka, masi kavo ankwanhale ni ntata. ⁴⁵ Vano, atoropa yaahowatja mpaka waahooleli aanamakutho, ni ma fariseu ni yaayo yahaakohatja: N'hiwanenleni? ⁴⁶ Atoropa yahaakula: Kavo otokale wuuluma ntoko yena. ⁴⁷ Pimana ma fariseu yahowakulatja: ''Ni nyuu tjitjammo moothepatjiya? ⁴⁸ Ohavo mmotja waaholelin'wo walaa nfariseu onkupanli yena? ⁴⁹ Masi athu ahintjuwela eworti tonanarihiya'' ⁵⁰ Nicodemos, nfariseu mmotja amonannale Yeesu mahuku othuli, aheerelatja: ⁵¹ Ewortitjihu tjinanlamula nthu wohimwiiwa toko hataa otjuwela empamkawe yena?''. ⁵² Ayena yahaakulatja: ''We tjitjammo ngalileu? Ohelatje ni owehe wira kavo hata namalalya mmotja okumale o galileia.'' ⁵³ Vani, othene yahohokolelatja mmathokoniwaya.