¹ Nihuku nopatjera nosumana, onaripenle, Maria Madalena ahoorwa omahiiye ni ohoona wiira nlukuno nahorunusiya. ² Vano yena ahon'thawelela Simao Pedro n'rumeyi n'kina wayole Yesu anfentaliyawe, ni ahommuirela: "ahokumihiya apwiyayo n'mahiye, nihin'yano khanitjuwela nipuro yesiyaya. ³ Vano Pedro muithutjihi n'kinaku yaahokhumatja yahoorwa omahiyenwo. ⁴ Oyeliwaya yahothawatja n'khayi; muithutjihi n'kinaku ahothawa ventji ovinkana Pedrol, arii opatjera ophiya omahiyen'wo. ⁵ Oromaka, ahoona ekuwo tjahin'ye vavale, massi khakenle. ⁶ Vano, ahoowa Simao Pedro hinathi yena, ahokela n'hina mahiye, ni ahoona ekuwo tjakhuneliyawe mwenmwe n'mahiyenmwe. ⁷ Ni ekuwo tjari n'muruwawe, yeele yahaahin'ye ekuwonyo massi tjapinthiye n'phanthi n'khuawe. ⁸ Vano, muithutjihi n'kina, apatjenre ophiya, tjitjamo ahokela n'mahiyeni; yena ahoona ni ahothuna. ⁹ Okhumelo wo wakathi, ayenatja khayatjuwelenle molumo yahimiyanyo, wira Yesu ahana ovuwelela n'hina mukhuani. ¹⁰ Vano marumeyi yahohokolela tootho arwatjaka owani. ¹¹ Vano, Maria akhalale otta womahiye unlaka. N'lakano ahemela ahoweha n'hina mahiye. ¹² Ahoona malaikha meli othela anon'komale vavale nariya n'ruthu na Yesu yahomomolatja, n'motjoyo wiimoro n'kinoyo wimwetho. ¹³ Ayenatja yahonhimeryatja, "n'thiana, onun'lelani"? Yena ahakhula: Muatjisatjenreni apwiyakayo, miyan'no akintjuwela mwesatjalenhu". ¹⁴ Vano wulumatjaliya yahoweha ohoolowaya yahomona Yesu nemenle vaavale, massi ayena khayatjuwela wira Yesu. ¹⁵ Yesu ahomuirela: "n'thiyana, onunlelani? Ononwehaweha pani?". Yena upuwelw wira oyoo arii namakhalenla, vano yena aholuma: "N'lopwana, wakhala wira n'hokumiha, nkihimuirhe nipuro mwesalenhu, nimi kinahala Okussa". ¹⁶ Yesu aahiira: Maria! Yena, arukunuwaka, aahiira: Pwiya. ¹⁷ Ahiira yesu: N'hikikwanhe; Kontha akinaaya owela waathumwanaka, orwee waassun'naka, ni owiirele: Kinaawela waathumwanaka, ni waathumwaninhu: Wanlukwaaka, ni wanlukweenhu. ¹⁸ Aahowa Maria Madalena, ni aahaahimeeryatja arumeyi, wiira en'hala owa waapwiya, nitjitthun'nha naahala ohimya. ¹⁹ Nihuku noopatjera nossumana otjootjilo, arumeyi anatthukatjale mikhora, mwaha woowoova majudeu, yesu aahoowa, ni aahokhala eriyaryaayatja, ni aahowiirelatja: Nrettele okhale ninhu! ²⁰ Ni uulumaka tjon'mo, aahaattoonhera matataawe, nimphantte. Vano arumeyi yaahotteeliya, waawehawaya apwiya. ²¹ Ni yesu ahaahimeeryatja tootho: Nkhalane n'rettele! Toko athumwanaka akiveleelihale, tjitjon'mo kinawoovelelihani. ²² Wiiraawe uulumaka tjon'mo, aahaavutjenlatja, ni aahowiirelatja: Mwaakhenle n'nepa nttakattiifu. ²³ Wa yoole npheela olevenliya tjootthekatjawe, naahala olevenliya. ²⁴ Tome, n'motjaaya aarumeyi khuuminayeeli, iihaiya Didimo, khaari naayenatja, wawalyaawe yesu. aahohimeeriya naarumeyi akhwaawe. Nihoona apwiya. ²⁵ Vano yena aahaahimeerytja: Weehikhale nthoonhero n'matataniwawe, ni woohihela nikokhonaka mwatjookhomeliya, ni woohihela ntatanaka waaryaawe, akin'hala waamini mena. ²⁶ Anavirale mahuku naane, arumeyi yaahaakulela mapni, ayenatja ni Tome; Ni aahowa yesu, mikhora tjinatthukiye, ni aahokhala eriyari, ni aahiira: N'khalane n'rettele! ²⁷ Aahomwiirela Tome: Ohele nikokhonaava, ni woone matataaka; Ni owaane ntatanaa, ni okikwanhe; Ohikhale oohikupali, massi waamini. ²⁸ Ahaakhula Tome iiraka: Pwiya, n'lukhwaaka. ²⁹ Yesu aahiira: Kontha ohokoona, Tome, ohaamini; Ooreeriya taale ahoonale ni ahaamini. ³⁰ Yesu aahopanka mithoonhero tjintji ohoolo waarumeyaawe, tjihantikhiye n'liivuruni. ³¹ Vano tjiri tjowantikhiya, wiira mwaamini yesu kristu, mwaana amuluku; Wiira mwamwaamini, nkhalane ekumi mwantjinanawe.