¹ Nihuku noneeraru wahaavo othelaniya o cana wo galileya, ni amamaawe Yeesu yaari vaavale. ² Yesu ni amwiithutjaawe yaahilathuliya tjitjommo wuuthelaniyaninwo. ³ Vano wamalalyaaya evinyu, amamawe Yeesu yahoomwiirela: Ayena khaarina evinyu.'' ⁴ Yeesu ahaakhula: ''Onkiweelelani mi, nthiyana? Okatyaaka kunathi ophiya''. ⁵ Amaamawe yahoowirelatja anantekwaale: ''mpanke ethu Yena enrwaawe wohimeeryani.'' ⁶ Tjahaavo myaapu sita tjaavareliya nteko munpathisoni wo ma judeu, wokula mwaapu wanheliya miloko naane ni eminya wo shiriini elitrutjene tjo matji. ⁷ Yeesu aaherelatja: Ntjarihe maatji mmamwaapunimmo''. Ni ayena yaahotjarihatja mpaka opontha, ⁸ vano yena ahoowirela anantekwaale: ''Nkumihe vaakani ni mwinvahe nkulupalyoyo'' Nitjoo yahoopankatja. ⁹ Vano n-hooleli osukuhulu walawihalyaawe maatji yaatatusiye evinywaale, (yena ohitjuwelaka waakumaaya, masi ananteko yaakumihale matjaale yahootjuwela). Yena aahomwihana namathela ¹⁰ ni aahomwirela: Ootene anvaha tokooni evinyu yomaana, ni uholon-wo evinyu yoohitjiveeyo, anamalathuliyaayo anahapalatjiye. We ohosunka evinyu yomaana mpaka nna''. ¹¹ Ola nthoonyero woopatjeroola, Yesu aapankale o Cana wo Galileia, amwaruselaka waarya wawe, ni amwiithutjaawe yaahomkupali yena. ¹² Waviralyaaya eyo, Yesu, amamaawe, asihimaawe ni arumeyaawe yahookuruwelatja o Cafarnaum ni yahookalatja wonwo mahuku vakaani. ¹³ Epascoa yo majudeu yahaathamela, vano Yesu ahoorwaa o Jerusalem. ¹⁴ Yena ahaaphwanya nkeetja ale yaatumiha emope, ekontwaa, ekuntha ni anamaturucari ntjuruku anonnkomale vaavale. ¹⁵ Yesu ahoothukaniha mikoyi, ni ahowoomolela ota wo keretja athu oteene, ni ekontwannye, emopennye, ahoomwarusela vathi ntjuruku wa namaturukari, ni aheethatja meetjayaaya. ¹⁶ Yena ahoowirela yaathumiha ekunthaale: ''Nkumihatje nnya tjithunnyava, ni mwiipanke enupa yapaapa epatjari. ¹⁷ Arumeyaale yahuupuwelela yoolepiya eniira: ''Olipihera wo nupennyu onahala okitankanya''. ¹⁸ Vavaaru, makulupale o ma Judeu yahoomwakulatja: ''Nthonyiheroni onrwaa onoonihera maana onapanka nnya tjithunnya''. ¹⁹ Yesu ahaakula: '''Ntankule ela ekeretjeela, ni wo mahuku mararu kinarwaa otekatho.'' ²⁰ ma Judeu yahiira: ''Ela ekeretjeela ehokusa myaaka arupayini na sita etekiyaka, vano we onaahala ovusa wo mahuku mararu?''. ²¹ Masi yena aatja eruthwaawe. ²² Okati wooholo , yena waavuweenlalyawe eriyari wa athu ookhwa, arumeyaawe yahuupuwelela ethu yena yuulumalyawe, ni yaahokupali tjoolepiya ni moolumo yaahimiye ni Yeesu. ²³ Okati waaryaawe yena o Jerusalem, ethapeliyaka epascoa, entji yaahokupali ntjinanawe, maana yahoona mithoonyero tjomitikiniho tjapankaawe. ²⁴ Masi Yeesu khaakuluvela ayena, maana amwaatjuwelatja oteene ²⁵ ni khampheela nthu wira anvahere osaahiti wa mwanaatamu; maana yena antjuwela ethu yaari wanrimani wamwanaatamu.