¹ Othako niithaya tjinaahala otteeliya; othako onaahala otthapa ni onaahala ophuwela miri. ² Onaahala ophuwela ventji nootthpa, yiipaka nootteeliya; waarya anaahala ovahiya; anaahala woona waarya waApwiya, n'nema naMulukweehu. ³ Nlipihere matata aatthu ootteetthyaaa nimakutha anthukumela. ⁴ Mwaahimeerye onrima ootteetthyaa. Nkhale oolipa n'hoove! Nkawehani! Mulukweenhu naahala owa niitthuvo; Naahala owa ni naahala owopolani. ⁵ Vano, meetho aatthu oohoona anaahala woona ni maaru aatthu ahiniiwa anaahala wiiwa. ⁶ Ntthu ahaakhwitiri weetta naahala otupha phanka nanteko ni nlimi noohuulumatja ninaahala wuulumatja, kontha maatji anaahala omwareela mapuro ni n'mamuro, moothakoni. ⁷ Npuussu, onpaha, nin'hala okhala ntthiya niitthaya yontthona. ⁸ Enaahala okhala eparapaara en'hala wiihaniya nttala ttakattiifu. Nvara tjoonhala khan'hala ovira wu. Onkookhala wayaale aneetta munttalani mwa Muluku, khaavo ntirikhi n'hala weetta mon'mo. ⁹ Khaavo kharamu nkookhala woowu, khiivo enama yowoopiha enkoweetta mon'mo; khan'hala ophwanhiya munttalani. ¹⁰ Ookussiya naApwiya anahala ohokoleela ni an'hala owa yiipaka oSiao, nootteeliya woohimala on'hala okhala n'murunimwaya; otteeliya on'hala okhala naayena; otjukula ni tjowoopiha tjinaahala otthawa.