¹ Ni, ninopoliyene, nihotjuwela wira ethikiile yihaniyaka Malta. ² Athu oyareliya wen'we ahonitafiti ni maani; ayena yahopahatja nipuhe ni ahonilattula n'lattu wo pula nuuririya. ³ Paulo alokotha ekwakwalikhwa wira ahele wa moroni, evili yahokhuma n'lattu wo nttukutha ni yahonvilikela m'mononiwawe. ⁴ Wonaliaya athwale enweele enivilikelale m'mononiwawe, yirelana yayoru: "Khweli ola n'lopwanoola nan'nhatha thiawale ophareya, ni essariya kinthuniherale okhala nkumi". ⁵ Vano enweele ahotathela wa moroni ni khiyamwirihale ethu. ⁶ Ayena yacontari wira anahala winpa ni febre wala omorela vathi okweene. Massi, wawehen'raliaya owakathi vakani ni, ahonaka okhumen'la ethu, yahopittikula mupuweloaya ni yahantja wira yena ari n'luku. ⁷ Nipuro nowattameen'la vavale, yahavo ethaiya yari ya n'lopwana n'holeli ethikiile, ni ihaniya Publio. Yena honakhen'la ni mani ni ahonivaha nipuro nokhala mahuku mararu. ⁸ Ni vano apapawe Publio yanawerein'ya efebre ni mwankokho. Vano Paulo warwaliyawe vavale, ahovekela ni awessenraka matata ni ahavoniha. ⁹ Wiranialiaya, vano athwale yaweren'yaale yanawa ni yanavonihiya. ¹⁰ Athuwaale yahonona ni nttithimiho. Vano withenkatjehu para okhuma, ayena yahonihimeriatja tjen'nhe tja phelaya. ^{11 12} Tjinavirale mweri miraru, nahonkela paketi o Alexandria, wahovira owakathi woririya othikini; ¹³ Wen'we, nahetta ni nahophiya epoma yo Regio. Ninavirale nihuku nimotja, ettikhiyaka ephio, nihuku nonayeli, nihophiya epoma yo Puteoli. ¹⁴ Won'wo, nahaphwanha assun'nehu akhwawe ni naholattuliya okhala na yena mahuku sapa. Tjoo, nihophiya n'paka o Roma. ¹⁵ Wen'we, assun'naale, anin'waleni wa hivano, yahoniphwanha opatjari yo Apio ni mothumihatjiya mararu. Paulo wawonaliawe assun'naale, ahonsukhuru Muluku, ahorwa walipihera. ¹⁶ Wakelalehu o Roma, Paulo ahothuniheriya okhala vekhawe aveleliyaka ni toropa m'motja on'khalen'la. ¹⁷ Vano, waviraliaya mahuku mararu, ahowihana alopwana anari aholeli o majudeu. Wawatjaliaya, ahowirela: "Assun'na, okhala wira akipnkale yonhala wa athwaala wala ekhapila tja an'napapehu okhalayi, kihowaniya n'toko namathukiya kikhumaniyaka o Jerusalem m'paka m'matatani wo maromano. ¹⁸ Kinakohakohiyene, yahophela okithukula, kon'tha kayonale essariya yophela okihukhumu m'paka okhwa. ¹⁹ Massi, majudeu wikelakelihaliaya, ahokhanhen'rihiya on'himeriya Cesar, okhala wira akirina tjowotheriya ethu we elapoaka. ²⁰ Phimana, kiholattulani wira kiwoneni mopaka mwaha, n'wo phiri owehen'ra wa Israel ethukiyaka nula onholoola. ²¹ Vano, ayena ahomwirela: "Khanakhen'lale niwarakha no Judeia nowuhimiatja we; wala khawale mun'na ophela ohimiya thu yonhala yawa. ²² Massi hi nim'phela owin'wa we enupuwelaa, ko'ntha ninatjuwela wira enawulumeliya mwaha wa yela n'phan'tti wotene". ²³ Ayena ya hohimia nihuku wira ekhale ni Paulo, athu en'tji yahorwa omona owan'nha. Yena ahathonhera ni hokhalela ossahiti mwaha omwene wa Muluku. Ni ahomananiha ottonka mwaha wa Yesu, hata wa ekettelo tja Moises, hata ni maprofeta, okhumela owitjissu n'paka ohiyu. ²⁴ Akhwawe yahokhuitiriya wa yele yena yahimiawe, akhwawe khayathunale. ²⁵ Ni khayinwanana yayoru, yahokhumatja, Paulo nahimalieene ala molumwaala: N'nepa Nttakattifu ohuluma nan'napapehu eriyari ya profeta Isaia, ²⁶ Iraka: orwe wathuaala, ni wire, wekhweli n'narwa win'wa, ni kamwin'hala otjuwelela; wekhweli n'nahala woona, n'hirwe otepana. ²⁷ Kontha mirima tjathuaala tjiri tjolipa, marwaaya anin'wa ni tafaauti, ni menthoaaya ari othukiya; wowira ahone ni menthoaaya, wala ahin'we ni marwaaya, ni ahitjuwelele ni mirimatjaya, ni arukunusee mirimatjaya, ni mi kavonihe. ²⁸ Phimana ehana etjuweliyaka ni nhu wira wopoliya wa Muluku ohowaniya wa malapo; ni ayena anawinwa. ²⁹ --- ³⁰ Ni Paulo ahokhala mwakha mili owan'nhawe yowatjimiya; ni anowakhenla otene yale yawa omonan'na; ³¹ Alaliaaka o Mwene wa Muluku, ni assomihaka nu rerela ekttelo ya Pwiya Yesu Kristu, wo hikhikitjeriya ²⁷ Kon'tha mirima tjathuala tjiri jholipa, ni ahin'wa nimarwaya ni khathunale ni men'thowaya yahottiela; ayena yanahala wona ni men'tho, win'wa ni marwaya, othuna nin'rimaya nurukunua, nimii kanawavoniha". ²⁸ A ²⁸ Kontha mwahaana ojhuela wira wopola wanluku owale paraa amalapo, ni ayoo yanamwinwa. ²⁹ Wahimyajhalale jhithu'ya, majuda yahokholajha veenji. ³⁰ Paulu ahokhala myaka miili wanupani vale wajhimyalawe ni iyenani anawakhenla alee yam'mwela. ³¹ Analalyaa omwene wa Nluku ni anassomiha ehamani ya Yesu Kristo venjhene, woohatelihia.