¹ Nethakatjale epoma yoo Anfipolis ni Apolonia, yahophiya o Tessalonica, nipuuro naari e sinagoga yoo maa Judeu. ² Paulo, toko waryaya elamaleloawe, horwa npaka wonwo, eeabado thaaru, ahoveneela naayenatja n'lathu Tjowan'tikhiya. ³ Ahulka tjolepiya, anataphulela wa naaphuanela Cristo ohaawa ni ovuwenla eriyari wanaankwi. Ni iira: "Oola Yesu kinohimeryakani phiri Cristo". ⁴ Ma Judeu akuaawe yahokhanhen'rihiya ni yahotakanela wa Paulo ni Silas, antakaniheeraka ma grego entjene, ni athiyana entjene ohiirimo ohiissima. ⁵ Vanotho ma Judeu olipiha n'rima, anatjariye ehatje, yakussaka alopwana ma pakau ya tumihatja, yaa hotakanela yahonhakulatja n'poma. Yancatjaka enupa ya Jasom, yapheela onmwana Paulo, ni Silas n'paka wari athu. ⁶ Vano, wahinpwanhaliya, yahonpurulatja Jasom ni assuun'na akwaawe oholo wa khulupale oo m'mpooma, ni ethamalaka: "Ala alopwanaala, aruukunussale etunia n'rwaya vathi, ahophiya n'paka vaa. ⁷ Yaala, Jesom owakheleen'liawe, an'khala ehitharaaka eketheelo tjaa Cesar ni anira havo Mwene n'kwawe, Yesu". ⁸ Owakathi winwaliaya athuale ni akuluupale oopoma n'nha tjithun'nhan yahokala okutakuthya. ⁹ Wakelen'liaya ehissapo yo liveliya Jesom nassikuawaale, yahathukulatja. ¹⁰ ohiyu yole, assuun'na ya honrumatja Paulo ni Silas oo Bereia. waphiyaliaya n'we, yahoruatja o sinagoga yoo maa Judeu. ¹¹ O Bereia, athuayo yaari othatjiri ovikana tho ni ma tessalonica, ya hakhela nuluumo nuuthuna woteene nan'khiliaya, khuula nihuuku elawihatjaka tjo Wantikhiya, wira yone wira vekekhai tjithuun'nho tjiiri tjoo. ¹² Phimaana antjeene yaayo yahookupali, yatakaniheeraka athiana maa grega ohiissima ni aloopwana en'tji. ¹³ Veraniaaka, ma judeu o tessalonica ahotjuuwela wiira Paulo neera alaliaaka nulumo na Muluku o Bereia, hayoorwatja m'paaka won'wo wiira yanthuperye nu kukhuvaniha athuayo. ¹⁴ wowakuuviaatjawene, asun'naayo yahoonruma Paulo ophareya , Vano Silas ni Timotio yahohalaatja vavale. ¹⁵ Yaale yanveleelale Paulo yahom'piihatja n'paka epooma yoo Atenas ni puhokoliaatjaka, ewaanatjaka tjo leheeria wiira Silas ni Timotio erwaatje n'paaka won'wo wowaakuviawene. ¹⁶ Nan'leelo Paulo awaanrihaka ayenatja wa Atenas, n'nepaawe wa hoorussia wonaliaawe epooma enaatjaryale attoon'tto. ¹⁷ Vano yuuluma m'ma sinagoga ni ma judeu ni yaale ya n'kokhorela Muluku, ni vale yale oteene yapwanhaawe mahuku oteene opatjari. ¹⁸ Wa tjoteene akiina epicureus ni estiocos, tootho yuulumatjaka nayeena, yiira: "Essianiuula wala m'phela ohimiani?". akhuaawe yahiimya: "N'khaala n'tooko n'laaleyi aan'luku ohikhala", koontha yeena aanlalya Yesu ni ovuween'la. ¹⁹ Yahoonkussa Paulo ni ahoonkussa n'paka Areopago, yiiraka: "Niinaphela otjuwela eela ensoomihaa phiyaaru we enuluumaa? ²⁰ Coontha wee ohoowana ethu yohitjuwanya owaaruwiihunwo. phimaana ninapheela otjuuwela tjiinhimiani n'nhaa tjithun'nha". ²¹ (Otene ma teniense ni akhoopela yakala vavaale kayamwarissatja owaakathiaya woohikala n'toko wowiin'wa tjo himiya tjo nanaano). ²² Vano Paulo aheemela eriyari Areopago ni hiira: "Athu o wateniense, kinaawona wira mwanaatini wo manaan'na otene. ²³ Vano, Mi kaviiraka ni konaaka tjithu tjinkokhoreleen'nhu. koopwanha altari m'motja anaalepiye tjoo: "N'LUKU OHITJUWEELIYA". Eyoo yorera, Yoole n'nokokhoreelen'nhu n'hintjuwelaka tipani, Yooyo pinohimeeriakana. ²⁴ Muluku pattusale etuniia ni tjotena tjirivo, Pwiya owiirimu ni thaia, khankhala enupa tjootekiya ni matata aathu. ²⁵ Kanvarelia nteco nee vakani ni matata aathu, n'tooko n'phela ethu, wonaaniaka Yena waava aathu ekumi, omumula ni ethu tjootene. ²⁶ Wa n'thu n'motja Yena hopattussa nikooto naa pinatamu otene a'khala watjulu ethaaya, naapakale owathi ni mwin'naano mun'khalaya. ²⁷ Phimaana ayeena yahaana on'rwela Muluku ni, ephaaveleka, pooti empwanhaka ni emonen'laka, na Yena khari othai wa khula n'thu wa hiyo. ²⁸ Ohinon'khalehu yoyo, phin'neettiha ni phinkaleehu, ntoko tjin'himiawe n'rumeyawe: "Niihi niiri nikhotonawe". ²⁹ Ninaariene hi nikhoto na Muluku, nihupuwele wira ³⁰ Onari tjonmo, Muluku koneen'le okala ethu owakathi wa khottehu, vanoova nawaruma athu, mapuro oteene, mwituthuwe. ³¹ kontha hokhikitjera nihuku ni motja on'halaawe ophuka etuniaa ni chariya wa n'thu Yena n'thanlaliawe.Muluku hoonlawiha N'lopuanoola, an'hihimussaka eriari wa athu okwa. ³² Vano winwaliaya athu o watena mwaha ohihimuwa muaathu okwa, akina yanantarawa Paulo, akhuawe yiira: "Ninahala owin'wa ekuaha ekina eela etwiila". ³³ Waviraliaya, Paulo ahahiiya. ³⁴ Alopwana akina, yahothukumana ni yeena, ni yahothuna, en'takaniheraka Dionisio, n'hooleli anamalaka o Areopago, ni n'thiyana ihaniaka Damaris, na yena ni akinaku.