¹ Ahavo nlopwana n'motja Epoma yo Cesareia ihaniya Cornelio, n'holeli o corte Italiana. ² N'lopwana ethunku ankokhorela Muluku ni nupawe yotene anawavaha etjimola athu ni eera anvekelaka Muluku avekelelaka athu. ³ wariya ewora yonanane nihuku nen'no, ahona wariya mwinttorani nlaikha na Muluku ninmwelaka yena. n'laikha nihomwirela: "Cornelio!" ⁴ Cornelio, awehehaka n'laikhan'ne ahotuthuwa ni ahira: "essianiila, Pwiya?" N'laikhaan'ne nihomwirela: "Mavekeloaa ni tjovahatjaa wa massikhini ehowela n'toko yowupuweliya eriari ya Muluku". ⁵ Thimana mwin'rume n'lopwana arwe epoma yo Jope wira anwane n'lopwana m'motja ihaniyaka Simao, hata ihaniyaka Pedro. ⁶ Yena ri ni namatjivatjiviya ihaniaka Simao, enupawe eri wakhiviru ni pahari". ⁷ Vano n'laikha nan'himeeriyan'ne nahokhma, Cornelio ahowihana anan'tekwawe eeli ni nakhotto okiriri, wayale yari wantekoniwawe. ⁸ Cornelio ahahimeriya othene yahala okhumen'la ni haruma o Jope. ⁹ nihuku nikhwawe, ewora yo nasita, ntoko yena ariawe ni kwaha, attamelaka n'poma, Pedro howela va natarato wira avekele. ¹⁰ Vano, nari ni tala, ahophela olha, athu athenkatjaka eyoliya, nahonwela n'ttora. ¹¹ Ni ahona erimu enahuliale ni ethu ekhuruwaka n'toko nkhuneelo wathukiye epoonta tjo tjeese, ekurusseliyaka vathi. ¹² Mwen'mwe tjahavo wakhuta etipo tjo nama tjo metto mitjesse ni tjithu tjipurula va thayani, ni enuni tjo wirimu. ¹³ Ntju nimotja nihon'himeriya: "Ovuwe, Pedro! winve olhe". Vano hira: ¹⁴ "Mena, Pwiya, akinalha ele eri haramu". ¹⁵ Totho, hohimeriya tho, ekwaha yo napili: "Muluku ererihaliawe ohihane haramu". ¹⁶ Ehirania ekwaha tharu, wowakuvia tjahokussiya para wirimu. ¹⁷ Pedro ahorussiya mwaha wa n'ttora narinaawe ethu emphelaya ohimiya, howonan'na alopwana yarumiye ni Cornelio yankoha mwaha wo wan'nhawe, yala yahemela wa n'khora. ¹⁸ Amwihanaka, ahonkoha akhala Simao, ihaniaka Pedro, avahon'we. ¹⁹ Pedro athokelelaka n'ttoran'ne, N'nepa ohomwirela: "Onawona alopwana araru anuwehaweha we. ²⁰ Ovuwe, orwe ni yayo. ohove orwa, kontha mi kinowuruma". ²¹ Vano Pedro orwa ni howirela alopwanaale: "Thi mi yole n'nom'phelatjen'nhu. Nmwelaleni?". ²² Vano hira: "n'khulupale ihaniyaka Cornelio, nlopwana ossaria onkokhorela Muluku ni rina enamona yorera elapo yotene o judaica, hin'thutjihiya sanene ni n'laikha na Muluku wira anirume wira niwe owan'nha, ni ninwe nulumona". ²³ Vano Pedro halattula wira ekele ni ekhale ni yena. Owitjissu wo nihuku nikhwawe, ahovuwa ni ahorwa na yena, ni assun'na akhwawe o Jope yahon'velela ²⁴ Nihuku nikhwawe, yahophiya o Cesareia. Cornelio anawan'riha, nathukumanihale assimutjawe ni assipathaniyawe. ²⁵ Vano Pedro wakelaliyawe, Cornelio ahonsitja ni ahokhoroma oholowawe ni ahon'kokhorela. ²⁶ Pedro hon'vussa, amwireka: "Ovuwe, hata mivano kin'lopwana". ²⁷ Pedro ulumakan'no, ahokela ni ahapwanha athu entji othukumana. ²⁸ Ni ahowirela: "Nhu n'natjuwela wira khan'thunihiya n'lopwana n'motja otakanela wala omotola nthu elapo ekhuawe. Vano Muluku hokithonhera wira kihimwihane pinatamo eharamu. ²⁹ Phimana kiwale ohivanhiha, nihaniyene. Kinamukohani, vano, n'kihalen'leni?" ³⁰ Cornelio hira: "ahavo mahuku matjesse, owakathi yolola, kera kivekelaka ewora yo nanane, owan'nhaka, kihomona n'lopwana nakattamelale ni kuwo tjo waria. ³¹ Yena hira: "Cornelio, mavekelwa ahinwiya, tjovahatjaa wa massikhini Muluku nawupuwela. ³² Vano on'rume n'thu o Jope amwihane Simao, tjina nikhwawen'no Pedro. Yena ri owan'nhawe namatjivatjiviya n'motja ihaniaka Simao, wattamen'lale opahareya". ³³ ( Akhulupale akhwawe okhalai ahintjerera: "Yena awakavale, nawuhimeriya".) ³⁴ Vano atamussaka malaku, Pedro hira: Vekhweli kihotjuwela wira Muluku khanathan'la athu. ³⁵ Vano tjo, wakhula elapo, wayole Nomova ni apankaka miteko tjossaria a nathuniya. ³⁶ Nhu n'natjuwela nulumo nirumiye wa athu o Israel, kohimeriakani molumo orera on'rettele mwaha wa Yesu Cristu, ri Pwiya aathu otene. ³⁷ N'hu n'natjuwela yele ekhumen'lale Judeia otene, opatjeraka o Galileia, onavirale n'pattisso Joao wahimiawe; ³⁸ tjokhumen'lan'nhe mwaha wa Yesu o Nazare, n'toko N'lukuTjin'waraliaweni N'nepa N'ttakattifu ni kuru. Yena hetta apankaka tjorera aavonihaka otene yale yahuvihiya ni n'tjassera, kon'tha Muluku ari ni Yene ³⁹ Hi niri enamona wa tjotene tjen'nhe Yena tjipankaliawe, hata o Judeia n'toko o Jerusalem - yole Yesu ayena amwin'vatjaliaaya, Enthomiaka wa n'salapani. ⁴⁰ Massi Muluku hon'hihimussa nihuku noneraru ni hopanka wira amanifestari, ⁴¹ kahi para athu otene, massi enamona tjathan'liye kalayiru ni Muluku: wa hivano, tjilhalehu ni nivurialehu ni Yena nahihimuwale. ⁴² Yena honirela wira nilaleere athu ni nikumihere ossahiti wira Yena pithanliye ni Muluku juwitji athu akumi ni okhwa. ⁴³ Ma profeta otene anavaha enamonawe, wira yole n'hala onthuna Yena naleveleliya tjotheka tjawemwaha won'tjinanawe". ⁴⁴ Pedro ahimatjaka nan'lelo n'nha tjithun'nha, N'nepa N'ttakattifu wahakhuruwela otene yale yin'wa nulumonawe. ⁴⁵ Ma cristao owuulihiya yawale ni Pedro yahotjiveliya, kontha evaheriyo wo N'nepa N'ttakattifu wahokurusseliya wamalapo. ⁴⁶ Vano yahowinwa amalapo yulumaka eluka ni an'kokhorelaka Muluku. Vano Pedro hakhula: ⁴⁷ "Poti owa okhotta matji wira ehipattissiye, yala yakhelale N'nepa N'ttakattifu n'toko hivano?" ⁴⁸ Ni yena horuma wira yapattissiye mwa N'tjina na Yesu Cristu. Vano ayena yahon'lepela wira akhale na yena owakathi vakani.