¹ Paulo, n'rumeyi a Yesu Cristu nothuna wa N'luku, nowinwanana nokhuluvelihiya weekumi erii wa Yesu Cristo, ² Weera Timoteo, mwana ofentiya: Mahala, ekiriri, ni nrethele wa Muluku paapa ni Yesu Cristo, pwiyeehu. ³ Miivano kinasukhuru N'luku, yoole kinovarelaka miivano okhuma amutjaaka avirale wo mupuwelelo orera, kontha kinawupuwela ne'nne wo weyoova molonpaniwaka, ohiyu nuthana. ⁴ Kupuwelelaka wo menthoriya kinaphela ventji kiwoone, weera kitjarihe otheliya. ⁵ Kinawupuwela waamini winhu wekhweli, watinaya wopatjera na piipiya Loide ni anumwana Eunice. Ni mivano kiri othuna wera waminiwoo toototho okhale ni wee. ⁶ Phiyeela esariyeela, kinawolipihera wera wakhele evaheriyo ya Muluku, ori mwa weyova mwaha wohithenkiya matataka. ⁷ Wo tjitjamo Muluku khanivahale n'nepa wo woovan massi wo kuru, wo nifento, ni wohisima. ⁸ Vano ohonela ehaaya wo namoni wa pwiyehu, n'nakhala mivano, Paulo, nathukiyawe. Wohikhala eyo, okhaleleke ni mivano ohuva mwaha wolaliya, nuwinwananiya wokuru tja N'luku. ⁹ Yeena honoopola ni honilathula wowihani thakathifu, wo hinwananiya wo mireko tjihu, massi wowinwananiya wo mana'na tjithonkomanihaliyawe ni mahala, wa yeena nivahaliyawe mwa Yesu Cristu, ohinaya okathi wopatjera. ¹⁰ Massi vano woopola wa Muluku wothonhiheriya owawawe mopolihu Yesu Cristu, n'khwanhulale nookhwe ni hoowana n'thuko ekumi yoohimala, weeriyari weehapari. ¹¹ N'lathu wo yeeyo, miivano kihopankiya namalaliya, n'rumeyi nin mwithutjihi. ¹² Phi yeela wsariyela miivano tjitjamo kinahuva wo tjen'ya tjithun'ya. Massi miivano akinoonela ehaaya; phimaana miivano kinatjuwela wo yeele kithunaaka, ni miivano kiri okupali wera oweerya wa wera asunke wo yeele miivano ekhuluveliyaka wa yeenani n'paka nen'ne nihukun'no. ¹³ Okhalele methelo wo mulumo orera okiviriyanaliya, wom kupali ni n'fento nirinehu mwa Yesu Cristu. ¹⁴ Yoorera yowinkathiya okhuluvenliyawe, osunke ni N'nepa N'thakathifu, onkhala wa hii. ¹⁵ We onatjuwela wera ottene ankhala wa Asia ahokihiyatja; yooyo npwinkoyo ari Figelo ni Hermogenes. ¹⁶ Wowera apwiya anthonhere ekiriri wamutjawe Onesiforo, kontha emara tjintjene yena anokitjivihera, ni khoonela ehaya othukiyawaka. ¹⁷ Ohiyatho eyo, kinaryeene Oroma, yeena ahokiwehaweha ni manan'na otjuwelatja, ni ahokipwanha. ¹⁸ Apwiya anthunihe wera yeena aphwanhe ekiriri wonphathiyawe nen'ne nihukunne; ni onatjuwela saana ni manan'na yeena kikhavihenryaawe wa Efeso.