¹ Waviralyaaya vaa Davi aahaarakalihatja ni aahowoonihatja ehaaya, aahokussa Gate niiviila n'matatani mwaafilisteu. ² Ni aahonrakaliha Moabe ni yaayotja yaari arun'mwa a Davi, an'waanelatjaka tjooreerela. ³ Tjitjon'mo Davi aahonrakaliha Hadadezer mwene oZoba elapo yo Hamate, waarwaalyaawe avarenlaka olipawawe npaka muro wo Eufrates. ⁴ Ni Davi aahokussa ecaarotjene ekonto, niikhavalo ekonto saapa naalopwana ekonto ssiriini yeettaka vathi, ni Davi aahuntakatja ekhavalo tjooteene, ohala ecaaro emiya tjaahiyayaawe. ⁵ Waawaaya maasiirio oDamasco oJuda a Hadadezar mwene oZoba, Davii aahaarakalihatja masiirio ekonto ssiriini napiili atthweene. ⁶ Ni Davi ahaahela anamakhalenla oDamasco ni masiirio yaari arun'mwa a Davi an'waanelaka tooreerela kontha Pwiya naahala omoopola Davi on'halaawe orwaa wooteene. ⁷ Aahokussa tootho Davi ewooru tjaakussalyaaya ananteko aHadadezer ni aahowaana oJerusalem. ⁸ Tjitjon'mo tja Tibade ni tja Cum epooma tja Hadadezer Davi aahokussa tjintji tjooreerela ni myaapo tjobronze. ⁹ Ni wiiwalyaawe Tou mwene a Hamate Davi yaapankalyaawe anakhotto ooteene a Hadadezar mwene oZoba. ¹⁰ Aahon'vahenra mwaamwanawe Hadorao wa mwene Davi wiira ankhomatje numuulumela mwaha woomwaattakaan'na Hadadezar nuntthema kontha Tou ahaana ekhotto ni Hadadezar. Ni aahon'vahenra eparakha tjooteene tjowooru. ¹¹ Tjen'nho mwene Davi aahon'vahenra Pwiya ewooru tjooteene tjaakussalyaawe n'mapooma mooteene mwa Edom, Moabe mwaassaana a Amom mwaafilisteu ni Amaleque. ¹² Ohiya vaa Abisal, mwana Zeruia ntjoko womaakha atthu ekonto khumi na khentta. ¹³ Ni aahaahela anamakhalenla wa Edom ni atthu ooteene yaari ananteko a Davi kontha Pwiya aamwanriha Davi waahalaawe orwaa wooteene. ¹⁴ Ni ahohoolela Davi Israel ooteene ni anaweettihera wossariya atthu ooteene. ¹⁵ Joabe mwaana a Zeruia aari nkhulupale aanakhotto, ni Josafa mwaana Ailude. ¹⁶ Ni Zadoque mwaana aitube, ni Abimeleque mwaana a Biatar, yaari anamukuttho ni Sausa mayowantikhatja. ¹⁷ Ni Benaia mwaana a Joiada aari nimaquereteu nimapeteu, naasaana a Davi yaari akhulupale owaattamenla amwene.