¹ Vano atthu ooteene israel yaahothukumana ni Davi elepo yo Hebrom yiiraka: Hi nimakhuveenhu ni erutthweenhu. ² Ni Saul waaryaawe mwene nhu mwaanoweettihera anakhotto oIsrael. Tootho Pwiya mulukweenhu hoohimeeryani: Nhu n'naahala weettihera nssovwaaka oIsrael ni we on'hala okhala n'hooleli on'ssovwaaka oIsrael. ³ Yaahowa mahumu oIsrael wa mwene oHebrom ni Davi ahowaataaniha ohoolo wa Pwiya ni aahotthapeliya Davi toko mwene oIsrael toko nuulumo na Pwiya eriyari wa Samuel. ⁴ Davi ni Israel ooteene yaahorwaa oJerusalem, yaari oJebus maana majebuseuaayo yaakhala elapoyeeyo. ⁵ Mayookhala oJebus yaahomwiirela Davi: We khunkelamu. Phimaana Davi aahopheelatja ekhalelo ya Siao eri epooma ya Davi. ⁶ Maana Davi aahomwiirela: N'hala wantja waakhwitiri majebusseu naahala okhala nkhulupale, vano Joabe mwaana a Zeruia phaari owantja ni aahothanliya okhulupale. ⁷ Ni Davi aahokhala , phimaana aahiihaniya mwaneene epooma. ⁸ Yena aahorehenrya epooma yooteene ni Joabe aahoweha eoomeele. ⁹ Ni Davi iira akhalanaka owerya, maana Pwiya aatthu ooteene ri niyenani ¹⁰ Yaala phayaari anakhotto Davi yaarinaawe yanvahale ekuru tjoolipa waahoolelaawe Israel ootene, wiira akhale mwene oSrael toko nuulumo na Pwiya. ¹¹ N'na phinun'muru naanakhotto Davi naarinaawe: Jasobeao mwaana a Hacmoni, n'hooleli aakhulupale, yooyo, aariha ntteerenawe, aahowiiva atthhu emiya tthaaru weemaara emotja. ¹² Waviralyaawe yena Eleazar mwaana a Dodo yene aari n'motjaaya aanakhotto ooraaru. ¹³ Yoola aari ni Davi elapo yo Pas-Damim mafilisteu waatthonkomanatjalyaaya wiira orwen'nhe okhottoni ni yaahaavo vaavaa tjowaaliya tjintji, atthu eeraaya yaatthawaka mafilisteu. ¹⁴ Ayenatja yaahokelatja eriyari watjitthu tjowaalatjiya, yaahaakihatja ni yaahaakhwitiritji mafilisteu ni Apwiya yaahaavaha otthema ventji. ¹⁵ Akhulupale talaathiini ararwaayo yaahorwaa wa Davi wamuala nkhayi n'nikhukuni wa Adulao tjitjon'mo mafilisteu yaakhala oRefaim. ¹⁶ Ni Davi mooreerela, anakhotto aamafilisteu anari oBelem. ¹⁷ Davi aahaana muupuwelwaawe ni aahiira: Tupani n'hala okivaha maatji eemuro yo Belem eri nenenki ninkhora? ¹⁸ Ni yaale ararwaale yaahokela waamakalyaaya mafilisteu ni yaahorika maatji emuro yo Belem eri nenenki ninkhora yaahokussatja ni yaahon'rweehelatja Davi. Davi khaatthunale ovurya, ohiya vaa aahomwaresela wa Pwiya. ¹⁹ Ni aahiira: Muluku nkaateelihe ovara yeela. Mi kaanaavurya ephome yaatthwaala niikumitjaya? Maana ayenatja aholeva ekumitjaya wiira awaane maatji, phimaana yena khatthunale ovurya, yaapankale phiyaale anakhotto ararwaale. ²⁰ Ni tootho Abisai, mwaamun'nawe Joabe, aari n'hooleli wo yaale araru aarihale ntteere waatthu emiya tthaaru, yena aahowiivatja ni aari oottottopeliya wa ooraaru. ²¹ Ooraarutjaya yena aari ootjuwanyeessa woovirikana eelyaale maana waari ohoolelyaawe maana khaaphwanhale ooraaru owantjera. ²² Benaia, mwaana a Joiada, mwaana anlopwana ootjuwanyeessa, oopaka tjuulupaleru oCabzeel yena aahowiiva anakhotto eeli oolipessa a Moabe ni yena aahokhuruwa ni aahomwiiva kharamu n'hina monttikitti owakathi woorika. ²³ Yena aahoomwiiva nlopwana n'motja oorekama aakhala weegiipitu ephimelotjawe thanu, yooyo ahaana n'matataniwawe nttheerenawe, vano Benaia aahokhuruwa ni aahomwaakha nttheerenawe nlopwanooyo, ni aahomwiiva ninttheerenawe. ²⁴ Tjen'nha tjitthun'nha Benaia phaapankale, phimaana aahotjuwanyaa waanakhotto yaale araru. ²⁵ Ni yooyo phaatjuwanyaale tjinene wa yaale talaathiini, massi khalikanale naale araru owantja, ni Davi ahaakhaliha yaale atthwaale toko anamaakhalenlaawe. ²⁶ Anakhottwaale yaahorwaatja: Asael mwaamun'nawe Joabe, Elana mwaana a Dodo oBelem. ²⁷ Samote harodita, Helez polenita. ²⁸ Ira mwaana Iques tecoita, Abiezer anatotita. ²⁹ Sibecai husatita, Ilai oaita. ³⁰ Maarai netofatita, Helede mwaana a Baana netofatita. ³¹ Itai mwaana a Ribai a Gibea assaana a Benjamim, Benaia piratonita. ³² Hurai a ribeiro a Gaas, Abiel arbatita. ³³ Azmavete baarumita, Eliaba saalbonita. ³⁴ Assaana a Hazem gizonita, Jonata mwaana a Sage hararita. ³⁵ Aiao mwaana a Sacar hararita, Elifal mwaana a Ur. ³⁶ Hefer mequerarita, Aias pelonita. ³⁷ Hezro carmelita, Naarai mwaana a Ezbai. ³⁸ Joel mwaamun'nawe Nata, Mibar mwaana a Hagri. ³⁹ Zeleque amonita, Naarai beroita namwiilipihatjera a Joabe mwaana a Zeruia. ⁴⁰ Ira itrita, Garebe itrita. ⁴¹ Urias heteu, Zabate mwaana a Alai. ⁴² Adina mwaana a Siza rubenita yooyo aari n'hooleli aarubenita niyena talaathiini. ⁴³ Hana mwaana a Maaca, Josafa mitenita. ⁴⁴ Uzia asteratia, Sema ni Jiel assaana a Hotao aroerita. ⁴⁵ Jedaiel mwaana a Sinri ni mwaamun'nawe Joa tizita. ⁴⁶ Eliel maavita, Jeribai ni Josavis assaana a Elnaao, Itma maobita. ⁴⁷ Eliel, Obede ni Jaasiel mezobaita.