1 Nvyo khiyavo-tho ehukhumu enaphwanya ale ari mwa Yesu Kristu. 2 Okhala wira ikano s`Eroho ya Muluku,yelo enphwanyiha ekumi ymwa Yesu Kristu,vyokakiha ikano vyakiphwnyiha etampi n`ukhwa. 3 Ikano vya Moises khivyawerya onopola,okhala wira makhalelo ahu otakhala khiyakhuleliha ikano ivye wira etthu. Nvyo Muluku onirumihela Mw`ane,yowo okunsye makhalelo ontthu nkhama nirinhuna hiyo alipa-otheka,wira alivele itampi. Vyivyo Muluku ohipha etampi mwahawa w`okhwa wa Mwane, 4 wira hiyo niwerye otthara ikano vye,nikhale atthu axariya,hiyo nittharunwe wettele makhalelo ahu otakhala,nikettela Eroho ya Muluku. 5 Vaxariyani, ale antthara makhalelo ya otakhala,anniramela itthu ivye vyotakhala: nna ale antthara Eroho,anniramela itthu vyinthuna Eroho. 6 Nna-tho oramela itthu vyinthuna makhalelo otakhala,oniphwanyiha okhwa: nvyo oramela itthu vyintthunawa Eroho,onniphwanyiha ekumi ni nrettele. 7 Tthiri, ale anramela itthu vyinthunawa makhalelo otakhala, awanani a Muluku,okhala wira khantthuna otthara ikano vya Muluku,ata khanwerya. 8 Ale aniwelela makhalelo ya otakhala,khanwerya onvyiveliha Muluku. 9 Nvyo nyuwo khamuntthara makhalelo nnyu otakhala: nyuwo muntthara Eroho,okhala wira Eroho ya Muluku enkhala mwa nyuwo. Nna,ntthu ahikhalena Eroho ya Kristu,owo kahiyo ntthu a Kristu. 10 Kristu akhalaka mwa nyuwo, exariya wira erutthunnyu ekhwiye mwahawa etampi,masi Eroho t`ikumi nnyu,mwahawa w`exariya nvahinwennyu. 11 Yakhala mwa nyuwo Eroho ya Muluku,yelo enhuhumunsye Kristu mukhwani,Muluku yowo,onhihimunsye Kristu mukhwani,onovaha-tho ekumi erutthunnyu enkhwa,mwahawa w`Eroho ye enkhala mwa nyuwo. 12 Vyivyo, axinn`aka,nteko nirunmwenhu khahiyo otthara makhalelo nhu otakhala,ata wettele vyinthunawa yawo. 13 Xariya, mwattharaka makhalelo nnyu otakhala,nnokhwa: masi,mwaxira makhalelo nnyu otakhala,nkhaliheriwaka n`Iroho,nnokhala ni ekumi. 14 Otthene ale anettihiwa n`Iroho ya Muluku,ari ana a Muluku yowo. 15 Tthiri, Eroho mwakhenlennyu khenokhalihani-tho ipotha,hata khenoruhelani-tho wova: Eroho yakhenlennyu enokhalihani ana a Muluku. Tivo hiyo ninweryanhu okhuwela,nimwithanaka Muluku,wira: ``Abba-Tithi!``` 16 Eroho yelo ya Muluku ennilotha nmirimani mwihu,enikhupalihaka wira hiyo n`okhalana Muluku. 17 Tthiri hiyo na an`aye: tivo ninrowannhu okaweliwa vyorera vya Muluku vamovya ni Kristu, okhala wira, nahawaru vamovya ni Kristu,ninovuwihiwa-tho vamovya ni yowo. 18 Kinnikhupali wira ohawa wothene ninphwanyanhu vathinva,kahiyo etthu oholo w`ovuwa ninrowanhu ophwanya. 19 Xariya itthu vyothene vyipattusyiwe vyinnilipelela ni murima wothene okathi Muluku onrowaiye woniherya ovuwa w`an`aye. 20 Itthu vya molumwenkuni ti vyotakhala,khahiyo vyotthuna wa, masi vothtuna we ole orihale vyivyo. Warukhala vyivyo,itthu vyothene vyinniroromela: 21 okhala wira vyeivyo-tho vyinya wopoliwa vyakhalihiwawa ipottha,vyaiphiwawa. Nihiku nenno,vyinokaweliwa onethi n`uvuwa w`ana a Muluku. 22 Novyuwela tthiri wira vyopattusyiwa vyothene nanlelo vyinnupulela,vyinnihawa nkhama nthiyana ayaraka. 23 Nvyo khavyinhawa itthu ivye pahi: hata hiyo nanene,nirukhalanaru vyovaha yvyopajerya s`Eroho ya Muluku,ninnupulela mmirimani mwihu nilipelelaka wira Muluku anikhalihe an`aye,anopole mwa vyotakhala s`erutthu. 24 Exariya wira hiyo nihopoliwa: masi nanlelo khaninona wopoliwa wihu: tivo ninlipelelanhu. Ole ophwannye aroromelaiye,ororomela we womala. Onya olipelela vyai aphwannye? 25 Nna,hiyo nalipelelaka etthu nihinonanh, ninroromela ni nthiti. 26 Vyivyo-tho, Eroho ya Muluku ennura onikhalihera ohilipalipa wihu, okhala wira khaninvyuwela olompa nkhama onrerelawa. Eroho yelo enninilompela hiyo ni wupulela nihinweryanhu otaphulela. 27 Nna Muluku,onitokosya mirimi,onnivyuwela sana entthunawa ovekela eroho,okhala wira Eroho enavekelela atthu ya nkhama Muluku ontthunaiye. 28 Hiyo nokhupalisy wira Muluku onnettihera itthu vyothene vyawareriha ale aninpheta,yawo athanlaleiye,awithanela wopowaliwa. 29 Okhala wira ale owupuwenleiye n`upheta we okhuma wopajerani,yawo Muluku ohathanla wira elikane ni Mwane,ni vyivyo Mwane yowo akhale mulupale a ahimaye awatta. 30 Nna yawo Muluku athanlaleiye,yawo-tho owithana: vavo owithanneiye,ahakhaliha-tho anaxariya,akawela ovuwa we. 31 Itthu vyivya, nilothe-tho esyeni? Muluku akhalaka vamovya ni hiyo,t`ani ontthuna onivirikaniha? 32 Owo khanironyihenle Mwane,masi onleva wira anikhwele hiyo othene: nna onrowa ohinivaha vyai itthu vyothene vamovya ni yowo? 33 T`ani onrowa walothana nlattu atthu athanliwe ni Muluku? khahi Muluku,mwahawa ohakhaliha anaxariya. 34 T`ani onrowa watthukela atthu awo? Khahi Yesu Kristu,mwahawa ohakhwela,hata ohuhumuwa mokhwani,ni nna ori mono wolopwana wa Muluku,anikhaliheraka hiyo. 35 T`ani onwerya onimwalaniha n`upheta wa Kristu? Ohawa onniwerya onimwalaniha? Ou ovelavela n`ulupathiwa,ou etala n`uthoiwa,ou wova ata okhwa onniwerya onimwalaniha? 36 Xariya,vyawatikhiwa vyinlotha wira: ``Muluku! Mwahawa nyuwo,ninnihawa khula nihiku mpakha okhwa: atthu anninikhaliha nkhama inama vyinrowa ohitiwa``. 37 Nvyo hiyo ninniwera itthu ivya vyothene n`ikuru vya Yesu onnipheta. 38 Tthiri,kovyuwela wira khiyavo enwerya onimwalaniha n`upheta wa Muluku: nta okhwa ou ekumi, nta malaikha,ou owerya n`ikuru vya wirimu,nta nanano ou oholo, 39 nta ikuru vy`ovyulo ou ikuru vya vathi,nta itthu ikina vyipattisyiwe. Khiyavo etthu enwerya onimwalaniha n`upheta wa Muluku,ninphwanyanhu mwa Yesu Kristu Pwiy`anhu.