¹ Yesu narumwawe yahiphiya okhopela okina yepahari, elapo yo jerasa. ² Yesu akhumakaro nmwatiani, nlopwana n'movya akhuma omahiye, ahirowa okumana ni yowo. Ari namajini. ³ Akhala omahiye, khavo awerya onphara wala ontthuka nikwirinti. ⁴ Okathi wawatta, anitthukiwa ni matata. Vano owo anittumula ikwirinti, on'nintaka iyuma, khavo awerya onpharelela ⁵ Mahiku otene, othana nohiyu etta omahiye ni omwako, aitthanaka aivulalihaka ni maluku. ⁶ Amonakaru Yesu araka ottaiwene, ahintthimakela, ahinkokhorela oholowawe. ⁷ Ahikhuwela nikuru airaka: Nrini ni eseni nimiyo, ninyuwo Yesu, mwana a Muluku mulupale? Kin'nolapelihani ni nvyina na Muluku, muhikihase. ⁸ Ohariya Yesu ahimwirela wira: Weyo xetwani nananoru okhume wa mutthula. ⁹ Yesu ahikoha wira: Nvyina nanhyu tani? Owo ahimwakhula wira: Nvyinanaka nikuru mana khinirere watta. ¹⁰ Vano, majini awo yahikhanherera onvekela Yesu wira ahiwicare elapo ele. ¹¹ Vano vakhiviru vavale nahikhala nikhoto nulupale naikuluwe, vyalya malasi omwako. ¹² Majini awo yahinvekela Yesu wira: Munikarele ikuluwe ivye, wira navolowe men'mo. ¹³ Yesu ahakhula. Axetwani awo onanara yahikhuma mutthule, arowaka ovolowa ikuluwe. Nananoru ikuluwe ivyo, vyahanle ophiya ikonto pili, vyahanjera otthyawa okhuma omwako npakha otuphela npahari. ¹⁴ Amakanpusi a ikuluwe ivyo yahittawa erowa olaleya nlaponi ni n'mawani etthu ela yakhumelenle. ¹⁵ Nvyo yahimona mulopwana ole ni ikuluwe ivye opariwe ni minepa vyotakhala akilanthi ni awanre ikuwo ni ori nakhili atthu yahova. ¹⁶ Nvyo ale yon'ne vyotene, yahinlela wira vyakhumelenle nlopwana ole ni ikuluwe ivye. ¹⁷ Nvyo ahinvekela Yesu wira akhume mulaponi mwaya. ¹⁸ Okathi Yesu awenleiye n mwateiani mulopwana owo avonihiwe aahinvekela wira antthare Yesu. ¹⁹ Nvyo Yesu aahiira: Naari, nrowe owan'nyu ni mwalaleye itthu Apwiya awirihalyaayani ni wa itthu vyomorenlyaayani itthakaraka. ²⁰ Mulopwana owo ahirowa opatjerya walalerya atthu a elapo elo yaakhala n'mittettheni vyotene ivye Yesu vyamwirenlyaawe. Nave atthu awo yahanle atikinihiwe. ²¹ Yesu ahilapuwatho arowaka ekhopela ekina, nvyo nikuru ulupale watthunahinthukumanela. ²² Nvyo Yairo, mukhulupale n'movya a empa yamavekelo, ahimwattamela Yesu ankokhorela oholowawe. ²³ Anvekela wi: Mwanaka nthiyana ohanle okhwa nrowe mwipehere matata wira avone akhale nkumi. ²⁴ Vyo Yesu ahirowa niyowo. Vyo atthu owatta yaanintthara. ²⁵ Ahikhalavo muthiyana n'movya aamanle iyaakha muloko na pili iphomyaawe yiittheyaka. ²⁶ Ahaphanha akulukhana awatta yahinloola ahivona. Naamala ahonona vyotene aarinawe owo antepa owereiwa. ²⁷ Ahiiwa ilottiyaka airaawe Yesu. ²⁸ Vano ahuupuwela airaka: Miyo kakwanharu nlaya nawe kinovona. ²⁹ Vyo nananoru iphomyaawe yaahimaala nvyo aahoona mwiirutthuni'mwe. ³⁰ Nananoru Yesu aahoona wira oweryawawe waahikhuma vakhani. Nvyo aahirukunuwa acanlepela ottuli okoha wira: Tani ophanre nlayanaka? ³¹ Arun'mwa yaahikoha wira: Mun'nona atthu yookwanhakani nto n'nakoha wira tani okikwanhale? ³² Nave owo aahirukunuwa aira amoone mutthule amukwanhale. ³³ Okhala wira muthiyanole anivyuwela ele yakhumelenle, ahipatjerya othukumela ni woova, aahimwaattamela Yesu, khukokhorela ni an'himerya exariya yotene. ³⁴ Nto owo ahinlela wira: Mwanaka waaminiwanhu woowoopolani muroke nimurettele. Wopowa moohawani wanhu. ³⁵ Nlelo alottaka vyivyo, yaahiphiya atthu akina yaakhuma owan'nyawe Yairo, vyo elotta wi: Yairo muhimukhuwele mahala mwixuttihi mwaninhu ohokhwa. ³⁶ Nto Yesu khamanle olotta iwo, aahinlela Yairo wira: Muhoove, mwaamini pahi. ³⁷ Nto kharamenle ohooliwa naatthu akina ahikhanle Petru, Yakopo ni Yohani muhimaawe Yakopo. ³⁸ Nvyo vaaphin'yaawe owan'nyawe mukhulupale a empa yoothukumana, Yesu aahiwoona atthuanyakulaka vantjene. ³⁹ Yesu aahaalela ale yaari vaavale ni waakoha iraka: Mun'nyakulelani munlaka? Mwanamwane owo khakhwiye onoorupa. ⁴⁰ Nvyo yaahipatjera ontheya. Vano Yesu aahiwikara airaka n'venyevo va ahaakusa apapawe naameyawe mwaana ni arun'mwaawe avolowamo npanani aari mwanamwane. ⁴¹ Aahipara ntata amwirela: Talita kum, anlottiya wira: Mwali, nvenye. Timiyo nvenye. ⁴² Nvyo mwanmwane aarina iyaakha muloko napili, aahivenya nananoru apatjerya wetta. Otene yaahitikinihiwa. ⁴³ Nyo Yesu aahalela wira ehinlele mutthu nave ahalela wira envahe eyotja mwali ole.