¹ Yesu ahipatjeryatho wasumiha ehapari athu yamuthumanele awatthu watta tivo ahivoluwa n'mwatiani yari npahari khukilathi mon'mo. Elapwo wattho wahanle musisi wa epahari. ² Vyivyo anasumiha atthu awo itthu watta nimalikanyio asumihaka vyivyale ahalela wira: ³ Mwiwe! Mulopwana ahivenya arowaka wala. ⁴ Alaka vyivyale etthaka ekinayahimorela nipuro ahura axololo khutholavo. ⁵ Ethaka ekina yahimurela vamasorosoroni mana etthaya yari vahakalevi mitaka yawatta. ⁶ Ethaka elo yahimela nananoro nho etthaya yari vasulusulu, masi nupalawa nsuwayahinhala yuma mana khiyarina mitatari nyawisa. ⁷ Etthaka ekina yahimorela vamiwani, nuwa nyonyinowaka. Ekhare etthaka vyo khuhima ettho. ⁸ Etthaka ekina yahimorela vatthayani yoreravo yahimela yahima npaka miloko miraro, ikina npaka miloko mithanu na'movya, ikina npaka miloko miloko muloko. ⁹ Numala Yesu ahira: Ari ni maru awiwa yiwe! ¹⁰ Akalawa opipini ale yakhala ni Yesu vamovya narun'mwa muloko naieli yahimukoha mwaha opwanapwaniha. ¹¹ Yesu ahalela wira: Nyuwo movahiya ovyuwela exiri yomwene wa Muluku. ¹² Nvyo ale ahikhanle awihu anisumihiwa vyotene ni phaphanho elipelaka sana ehone yiwaka sana hiyoelike vyivyo ahirukunse murima vyo ehileveleliwe. ¹³ Yesu ahalela: Wira nyuwo muhiniwela ophanaphaniha muthuna ovyowela vyi. Ophanaphaniha makina othene? ¹⁴ Mulipa omivya tule onlaleya mavyo orera. ¹⁵ Mapuroni mwamorenle etthaka munlikana natthu ale aniwa mitthaka yorera nyo emalihakaro wiwa anorwa xetwani nananoro, akhwokhwa mithaka yorera yaliwe mwaywo. ¹⁶ Vamasorosoroni vyamorenle rtthaka vanlikana natthu ale niwa mitthaka yorera. Enavoluwa ohilokelewo atteliwaka murima. ¹⁷ Nvyo karina mitathari vyawisa vyo kharina nthiti nvyo. Waphwanyakaro ohawa othathariwa mwaha mitthaka yorera an'nithikela ottuli nananoro. ¹⁸ Etthaka yawatta miwa yamorele etthaka enlikana natthu ale aniwa mitthaka yorera, ¹⁹ nvyo ovalavalaxa ni itthu sa vathi ni wolotha wamusurukhu nophavela itthu sohirera onanariha n'mirimani wanyo osukuwa mitthaka vye nvyo kenikumiha etthu. ²⁰ Etthaya yawunttelana yamorenle etthaka enlikana natthu aniwa yolutta yorera, ekakanherera. Enima mihokorokho, ikina anatterera npakha miloko miraro, ikina npakha miloko mithanu nan'moha, ikina npakha miloko muloko. ²¹ Yesu ahalelatho wira: Khavo onpattiha mothikoye akhakonela ni mwapo nari onipheya muku kutthini? Atthu anipweha muthiko nipuro nawonanha. ²² Nvyo kivo ettho evithiwe ehirowa woniheriwa, khivo ettho yawipithihiwa ehirowa ohivyuweleliwa. ²³ Ari ni maru awiwa yiwe. ²⁴ Nvyo ahalelatho wira: Mwiwe sana etthu ela niwanho, n'phimo munrowanho ophimela moxirikanho, Mluku onrowa wophimelani yowo ni wajereratho. ²⁵ Ale arina ittho vyawatha anawajereriwatho, nvyo ale anlhaiwa hata ihiye arawana vakhani anawakhiwa. ²⁶ Yesu ahalelatho wira omwene wa Muluku onlikana netthaka muttho onalaiye n'matta. ²⁷ Nvyo awo arupaka ohiyu, avenyaka othana etthaka elo an'nimela eninuwa mwanene elo ehiyoelaka munowawa elo. ²⁸ Etthaya munene enimiha mihokorokho: vyopatjera onikhala mutathi vaholovaya ekaruwa etthu yohikhomala ekithi numala, khiyahala etthaka ekithi. ²⁹ Muhokorokho wattokotthavale on'nihenphwa, mana wophiya wakathi onihenphwa. ³⁰ Yesu ahilotha wira: Ninthuna olikaniha niseni omwene wa Muluku? Nari nintthona otaphulela hayi? ³¹ Owo onlikana ni etthaka ya muthapo, ela yaliwaka, ekha, enikhala ekhanisa yoxira etthaka vyotene yavathi. ³² Vano yamela, en'ninuwa khukhala muthaiko mulupale woxira muthaiko vyotene sa n'matta on'nivaruwa irintta vyolupale. N'mirittani n'mwe apalame anwerya oteka yitjoro vya. ³³ Vyivyo Yesu ni ophanphaniha awatha mkhama nla analalerya atthu ehapari yorera mkhama aherehe wiwa. ³⁴ Alaleryaka atthu ni ophanaphaniha pahi nvyo arun'mwaiye analeliha vyotene wiphini. ³⁵ Nihiku nen'no ovyilo Yesu alela arunmwaiye wira: Nrowe nilapuwele okhopela. ³⁶ Awo ahiyaka elapo ya atthu yahimukusa Yesu n'mwatiani mwakilantheyemo mwatia yikina vyahimutthara yowo. ³⁷ Vano yahikhumelela ettheko yolupale mephi yanimorela n'mwatiani mahi ekahala ovyala mon'mo. ³⁸ Yesu aira arupaka n'mwatiani ottoli ephiterihe muro. Arun'mwaiye yahinvenyiha elelaka wira pwyi, khamunona wira ninakhwa? ³⁹ Vano ahivenya khurowa ettheko wira omale khwirelatho mepi wira male nananoro ettheko yahimala, mepi yahimalela ⁴⁰ Numaala, Yesu ahalela arunmwawe wira: Munovani? Ninlelo khinamini? ⁴¹ Vano awo ahitepa wova ekakhana yaworu yiraka: Mano mutthula tani hata ettheko nepahari enimwiwelela yola?