1 Yesu akhumaka mpani mwa Muluku,mmovya a anamahuvyiha ye ahinlela wira: Mwixuttihi, mone maluku mulupale n`inpa vyorera! 2 Nvyo Yesu ahimwakhula iraka: Nyuwo munnona wunnuwa wa mampa ala? Nvyo khaninrowa ohala vava ata nluku nimovya vavyulu va nikhwaya: othene anokomowela vathi. 3 Yesu ahirowa o mwako Olivera, akilathi vavo,alipelaka empa ya Muluku. Vavo Pedru ni Yakopo ni Yohani ni Andreya yahinkoha wiphini yiraka: 4 Munilele: itthu ivya vyinrowa okhumelela lini? Ni ethonyeryo ya itthu vyeivya vyothene wira vyihanle okhumelela,tivi? 5 Yesu ahipajerya walela iraka: Mwikotthihere: ahikhale oniwotothani. 6 Atthu awatha anorya ni nvyina naka,ehimyaka wira: ``Kristu ti miyo``. Vyivyo anowototha atthu awatha. 7 Mwaiwaka ilothiwaka ikhotto ni vyoruma vya ikhotto, muhituthuwe: ikhotto ivyo vyokhalana okhumelela. Nvyo, khahiyo t`umalawene olumwenku. 8 Maloko makina anotuphela maloko makhwa,elapo enotuphela elapo ekina. Mapuro awatha enokhumelela etetere n`itala. Itthu ivya vyinokhala nkhama ohawa wopajerya wa muthiyana ayaraka. 9 Mwikotthihere mekhannyu. Mnoroihiwa omilattuni, nnomaniwa mpani onthukumaniwa: munoroihiwa oholo wa mwamwene n`oholo wa makhulupale a mulaponi mwaha wa miyo: vyivyo nnawalalerya yawo wamini winyu. 10 Nvyo,Ehapari Yorera ehana olaleiwa toko mulaponi mothene. 11 Mwaphariwaka, nnoroihiwa omilattuni, nhivelavele mupuwelaka munthunannyu olotha. Mulothe molumo nnupusyeriwannyu ni Muluku.okathi yowo: tthiri kahiyo nyuwo munlotha,Eroho Yowarya t`enlotha. 12 Atthu awatha anawavelela amuvyiya wokhwani. Tithi a mutthu onawaphariha a`ne,yiphiwe. 13 Atthu othene anowithani mwaha wa miyo. Nvyo ole onrowa okhalela nthiti mpakha womaleloni,yowo t`oni opowe. 14 Nnawona mwikho mulupale wawuliha muru opwehiwe nipuro nihirerenlawa okhala. (Ole onsoma iwe syana). Okathi uwo,ale ari elapo y`o Yudeya,etthyawele omyakoni. 15 Ale ari vate,ehirowe mpani okusya etthu; 16 ale ari mmatta ehitthikele ottuli,wira yakusye vyowara vya. 17 Mahiku ya yawo,othakhaliwa athiyan`ale anrowa ophwanyiwa erupanle,wala emwamwihaka mwana. 18 Munvekele Muluku wira itthu ivyo vyihikhumelele eyita. 19 Tthiri mahiku yawo,onokhala ohawa wulupalesya ohinakhumelele nkhama iwo,okhuma opattusyiwa w`olumwenku mpakha na,hata khonkhumelela-tho ohawa vyivyo. 20 Muluku ahavukunle mahiku awo,khavo awerya wopowa. Nvyo Muluku ovukula mahiku yawo mwaha w`atthu orera murima athanlaleiye. 21 Nvyo akhala ntthu onolelani wira: ``Mone! Kristu ori va``,wala ``Kristu or`iwe``,nhinkhupali. 22 Okhala wira anokhumelela atthu awipaka Kristu n`akina awipaka maprofeta: anawira mirirya ni vyotikiniha wira,yawerya,ewotothe hata atthu athanliwe ni Muluku. 23 Nyuwo mwikotthihere: miyo kiholelani vyothene ihinakuve okhumelela. 24 Mahiku awo,wamala ohawa iwo,nvyuwa ninrowa ottipha,mweri onohiya warya, 25 itheneri vyinomora wirimu; ikuru vya wirimu vyinottikinyeya. 26 Okathi yowo, atthu anomona Mwana a Mutthu araka mmekuni,oniwaka n`uwerya we n`uvuwa we wulupale. 27 Owo onoruma malaikh`aye wira yathukumanye atthu athanlaleiye nlaponi wothene wa vathi,okhuma wopajeryani w`elapo mpakha womalelani wa. 28 Mupuwele onhuvyihawa nthaikho. Irantti vya vyapajeryaka ophituwa n`uphutuwela matakhuru,munnivyuwela wira eyita eri vakhiviru. 29 Vyivyo-tho nyuwo,monakaru vyikhumelelaka itthu vyeivya,nvyuwele syana wira Mwana a Mutthu ori vakhiviru,ohanle ophiya. 30 Kinolelani exariya wira: itthu vya vyeivya vyinawireya atthu ananano ehinathi omala ovira. 31 Erimu n`ilapo ya vathi vyinovira,masi molumo aka khanvira. 32 Nvyo nihiku hata okathi vyinrowawa okhumelela itthu ivya, kavo onvyuwela: ne malaikha a wirimu,ne Mwana a Mutthu: Atithi pahi t`avyuwenle. 33 Mwikotthihere,nlipelelaka okhala wira khamunvyuwela nihiku na. 34 Ori nkhama ntthu mmovya orina ekwaha`ye: ahinakuve ovenya vate ve,onnahiyerya arumeyi ye miteko vya vate: khula ntthu nteko ye. Anruma nlipa a nkhorya,wira alipelele sana. 35 Nvyo nyuwo-tho nlipelele sana. Khamunvyuwela okathi onphiyaiye mwanene etthoko. Onra ovyovyilo,ou ohiyu eriyari,khama vanipa nthupi,hata osyaka? Kahi. 36 Ohireye wira,araka nananoru,ophwanyeni nrupaka. 37 Itthu ivya kinolelakani nyuwo,kinalela atthu othene; nlipelele sana.