¹ Vekekhayi, vekekhayi, kinnolelani wira yole ohinvolowa vamukhora wa n'sisi, masi ararya ephiro ekina, owo natarau ni namwiphe. ² Yole onvolowa vamukhora owo makampusi a ipwithipwithi. ³ Wira owo, mulipa a mukhora onnihula, ipwithipwithi sawe anniwa n'su nawe, owo onnithana ephithiphithi awe ni n'sinanaya, nvyo onnikumiherya vaate. ⁴ Numala okumiherya vaate sothene iri sawawe, onnirowa oholo waya , nvyo ipwithipwithi sinnimuthara, okhala wira sinnivyuwela n'su nawe. ⁵ Ivyo khainimuthara yole ahinimuvyuwelaya; masi ohiyavo, anrowa onhuhuma, okhala wira khanvyuwela n'su na mutthu animwakanyeryaya. ⁶ Yesu anahimerya malikanyiho awo masi awo kiyavyuwela ethu yathapulelaya. ⁷ Numala, ahahimerya wotharelana: "Vekekhayi, vekekhayi, kinnohimeryani: miyo ka mukhora wa ipwithipwithi. ⁸ Othene yale arule miyo kihinathi awo anawiye ni anawive, masi ipwithipwithi kisawiwelenle. ⁹ Miyo ka mukhora. okhala mutthu onvolowa wa miyo, owo onimopowa; onovolowa, onokuma nvyo onophanya othihiwa. ¹⁰ Nawiye kanrya ohikhanle othuna wiya, wiva ni ohonona. Miyo kiryenle wira mukhaleno ekumi, nvyo mukhaleno vowatha. ¹¹ Miyo kamakhampusi orera, makampusi orera onnileva ekumi awe mwaha wa ipwithipwithi. ¹² Yole ori mulipa oliviwa, ohikhanle makampusi, yowo ipwithipwithi sihikhanle sawawe okathi ononawe mithi sathamelaka, onnihiya anathawa nvyo mwitthi onnivara ikina kupurumeya. ¹³ Owo onnithawa okhala wira mulipa oliviwa nvyo khankhapelela ipwithipwithi. ¹⁴ Miyo ka makampusi orera, nvyo kinnivyuwela ipwithipwithi saka, nvyo nivyo sinnikivyuwela. ¹⁵ Athithi annikivyuwela, miyo kinnavyuwela athithi, nvyo kinnivaha ekumaka wa ipwithipwithi. ¹⁶ Kokhalano ipwithipwithi sikina sihikhanle sa n'sisi nenla. Mwa seiyo kohano oruha, nvyo ivyo animwiwa n'su naka, wira nikhale nsisi nimovya ni makampusi n'mosa. ¹⁷ Tivavo, athithi anikiphenta: Miyo kinnivaha ekumaka wira ekithikele. ¹⁸ Khavo onkhumiha wa miyo, masi miyo kinnivaha. kokhalano owerya wira kivahe ni wira kithikihe. kihakhela yoruma yela wa athithi. ¹⁹ Wahonaneya okawanyeya variyari wa Ayuda mwaha wa itthu yesu alonthawe. ²⁰ Atthu anthene a yawo yalotha: " owo okhalano minepa sothakhala, nvyo nanepa. seni omwiwelela?". ²¹ Akinaku yalotha wira: "Ithu onlothawe kahiyo sa mutthu orino minepa sothakhala. onimwirane mutthu orino minepa sothakhala okunula maitho a mulipa ohona?". ²² Wari, okathi wa nira nothapeliwa empa ya Muluku Oyerusalemu. ²³ Wari eyita, nvyo Yesu anethetha mukereja vamukhora wa Salomoni. ²⁴ Numala, muyuda n'mosa ahimathamela yowo kumuhimerya: "m'pwakha lini munikuwaka?nyuwo mwari kristu munihimerye orathene." ²⁵ Yesu ahakula: "kihohimeryani, masi nyuwo kamunkupali. Miteko miyo kinvaraka mwa n'sina na apapa sinerela onamona wa miyo. ²⁶ Nyuwo kamunkikupali miyo okhala wira kamuhiyo ipwithipwithi saka. ²⁷ Ipwithipwithi saka anniwa n'su naka, miyo kinnivyuwela, nvyo ivyo sinnikithara. ²⁸ Miyo kinnivaha ekumaka yohimala, kasinkalakala sirimelaka, nvyo kavo onrowa okusa m'matatani mwaka. ²⁹ Apapa aka, awo takimnyale miyo, awo tulupale wavikana atthu othene, nvyo khavo onrowa okusa m'matatani mwaya. ³⁰ Miyo ni Apapa nira n'mosa. ³¹ Numala Ayuda yahipatherya othikela okusa maluku, ethunaka onvonyakasa. ³² Yesu ahilotha: kihokumiheryani miteko sorera sowatha sinkuma wa Apapa. Ti seiyo munthunanyu okivonyakasa maluku?. ³³ Yahimwakula Ayuda: "kahiyo mwaha wa miteko sorera, masi mwaha wa oveha, okhala nyuwo, murine mutthu mumnisira Muluku". ³⁴ Yesu ahiwakhula: "kelempwe mwa soruma sanyu: "Miyo kirale: nyuwo mwa amuluku?". ³⁵ Vakhala owo owithana amuluku yale yalaleriwe masu a Muluku, nvuo solempwa kasinrola wapakariwa. ³⁶ Votepa omwirela yole Muluku omurerimhawe nvyo kumuruma: wira kinonveha, mwaha miyo wira: ka mwana a Muluku?. ³⁷ Vakhala wira miyo n'kinira miteko sapapa, muhikithune miyo. ³⁸ Numala vakhala wira kinnira, poti ohikithuna miyo, muthune miteko, wira mone ni muvyuwele wira apapa ari mwa miyo, nvyo miyo kiri mwayawo". ³⁹ Yathuna okathi mukina onphara, masi aharapela n'matatani mwaya. ⁴⁰ Yesu ahithikela orowa nipuro nikina na muro yordani, nipuro yohani abatizawe, kukhala weiwo. ⁴¹ Atthu anthene yanura okumana ni yowo nvyo yanilotha: "Yohani vekekhayi, khanrale mutikiniho, masi sothene owo alothawe variyari wa mulophana yola tisajariya". ⁴² Atthu anthene yahimwakela Yesu.