¹ Okathi yole arumei yahimwathamela Yeso, ni yahin'koha: Vano, tipani mulupale wirimo? ² Vano Yeso ahimwatzima mwamwane, ni ahin'hela variari vaya, ³ ni ahira: Ekhweli kinawuhimeryani, wira nyu mwahirukunuxero n'rima, ni khukhala n'toko mwana, ekhweli kimwin'kela omwene wan'luku wirimu. ⁴ Tzitzan'mo, yole on'rowa wiyeviha n'toko mwana'ola, owo tari mulupale wumweneni wa wirimu. ⁵ Yole on'rowa omwakhela mwana mwana ola, mwan'tzinanaka, okakhela miyano. ⁶ Vano wakhula yole on'rowa on'holela wira yotakhala wamwamwane ola on'kikupali miyano, yanirerela wira anawarihiye n'xilo n'xikoni, ni ariheliye variyari vapahari. ⁷ Kasoopa olumwen'ko mwaha wa tzotakhala! okhala wira en'nirera wira tzotakhala tzirwe! ⁸ Vano yakhala wira, mono'ao walani mwethoao tzin'nuhola watzotakhala, othikile ni othikhe, yorera tila weyano okela wirimo otun'thaka walani n'zikhine n'laponi, ohikhan'le okhalana matata omen'li ni metho tzomili, khurowa othikheliya vamoroni yohimala. ⁹ Ni yakhala wira nitho nao nin'nuhola wa tzonanara, okumihe, ni ovonyere ota. Yorere weyano okela wirimu onarina nitho nimotza mwikumini mwao ohikhan'le, okhalana mentho omenli, othikheliya omoroni. ¹⁰ Wehani wira n'hikhale mwinthanyaka wan'motza wa anamwane yala; okhala wira miyano kinawuhimeryani malaikha'we wirimo anawona khula okathi wintho wapapa, ari wirimu. ¹¹ Okhala wira mwana an'tthu owale wopola inýe tzarimelale. ¹² N'nonela tzai? N'tthu anarina ipwithipwithi miya motza, ni emotzaya kurimela, vano yena khakhuma arowaka n'mwako othola, anahiyalene miloko thanu natjexe ni thanu natjexe, arowelaka erimelale? ¹³ Vano yena aphwanyavale, ekhweli kinawuhimeryani wira onatheliya n'rima mwaha wayele ovikana n'ye miloko thanu natjexe ni thanu natjexe tzaharimelale. ¹⁴ Vamotzaru, khinatheliha eroho apapinyu ari wirimo, wira wan'motza waxanaya ahirimele. ¹⁵ Vano, yakhala wira mun'nao otheka, orowe wan'himerye weyano niyena vekhen'nyu; yena awin'wa vale, wokhalana mun'nao. ¹⁶ Vano ahiwin'we vale, on'kuxe n'tthu n'motza walani en'li, wira molumo otene ekhale axaria wa eyano pili wanali tharu wanamona. ¹⁷ Vano ahiwin'welele, Mwahimerye axin'na; ni khukhala wira khaniwin'welela axin'na, mwin;khalihe mana n'malapo walawi namatjomola. ¹⁸ Vekweli kinawuhimeryani wira tzotene en'lunkinyu vathi va wirimo enalunkiya; ni yotene entaphulinyu vathi wirimo enataphuliya. ¹⁹ Ni kinawuhimeryani'tho ekhweli wira, atthu en'li yakupali vathi va mwaha etthu motza en'vekinyu, eyo enawiraneya mwaha wapapaka, ari wirimo. ²⁰ Okhalawira nipuro aria'ya en'li walani araru eyathukumanale mwan'tzinanaka, miyano kihavo variari vaya. ²¹ Vano Peturu ahimwathamela, ni ahin'koha: Pwiya, m'pakha emara kavi n'himaka on'rowawe okikossa, ni miyano kin'levelelaka? m'paka thanu napili? ²² Yeso ahimwakhula: Miyano n'kinuhimerya wira n'pakha thanu napili, okhale emara miloko mithanu napili ohokolela emara thanu napili. ²³ Titzitzan'mo omwene wawirimo on'likana ni m'khulupale n'motza, aphelale otzuwela hisaapu nanan'tekoawe. ²⁴ Ni apatjeraka otzuwela yavarawe opatjera, ahithonyiheriya n'motza alokihiya mitzuruku ekonto n'loko. ²⁵ Okhala wira yena kharina yolivana, pwiyawe ahin'ruma wira, amwarawe, anawe, ni tzotene tzarinawe tzitumihiye wira alive. ²⁶ Vano nan'tekole ahimora ni ahikokhora variari vawe, iraka: "Khalani nikassopa ni miyano, nimtzotene kinamulivani". ²⁷ N'khulupale anan'tekole, ahimonela othun'ku, ahin'thukula ni ahin'levelela yan'lokihawele. ²⁸ Tzitzan'mo, vakhumalyawe nan'tekole, ahin'phwanya nan'teko n'khwawe, anlokihawe n'tzuruku emiya emotza; vano khun'vara khunthiminya, iraka: "Okilive enulokihaka!" ²⁹ Vano nan'teko n'khwawe'ole ahikokhora, ni ahin'vekela, iraka: "okiswamihe toko, tzotene kinawuliva". ³⁰ Vano yena khatthunale. Ohiya vo ahirowa onthikhela n'khatheya m'pakha oliva alokihiyawe. ³¹ Vano anan'teko ale, yavaranawe n'teko, yahona yahona etthu yakhumelelale, yahona otthun'ku vintjene. Vano yahiwa on'himerya pwiyaya tzotene tzeraneyale. ³² Vano n'kulupale'ole ahimwatzima, ni ahimwirela; Nan'teko onanara! yotene yakikophelalyao kahulevelela, okhala wira wahikivekela. ³³ Weyano khiwakhalale omwin'welela enuvekelao nan'teko n'khwao, mana miyano kawonen'lyaka otthun;ku weyano? ³⁴ Ni anananariye, pwiyawe ahavahererya anamahoxa m'pakha oliva tzotene tzalokihiyawe. ³⁵ Tzitzan'mo apapa a'wirimo anawirihani tzitzan'mo, mwahalevelelero ni rohoe'nyu yotene wakhula mun'ninyu.