¹ Vaviralyaya Mahiku mathanu na'nimotza, Yeso ahin'kuxa Peturu, Yakopo, ni n'himawe Yohani, ni kwakuxa yaleru kwarana vamwako mulupale. ² Vano Yena ahirukunuxa variari vaya; wintho wawe waharya mwana n'tzuwa, ni ikuwotzawe khuthela mwana mwen'ke. ³ Ni yahakhumela Moise ni Eliya, alavulaka ni Yena. ⁴ Peturu vano ahimwirela Yeso: Pwiya, tiyorera hiyano okhala vava. Mwaphelaka, Kinapaka mixaxa miraru: n'motza wawinyu, n'motza wa Mosi, nin'kina wa Elia. ⁵ Yena n'nan'lelo alavulaka, neku nowarya nahiwa khwakunela'tza. Ni nulumo nimotza nahikhuma n'nekuni mwen'mwe niraka: Ola mwanaka kinin'phentaka, ni on'kitheliha n'rima; yena mwiweleleni. ⁶ Okathi arumei vin'walyaya, yahuramela vathi, ni yahova vintjene. ⁷ Yeso ahiwathamela, ahakwan'nya, ni ahira: Venyani, ni n'hoveni. ⁸ Ni okathi vavenyihatzalyaya men'tho'aya, khiyamonale n'tthu, wohikhala Yeso pahi. ⁹ Ni okathi yakhuruwaya omwako, Yeso ahahimerya yothara emotza: N'hin'himeryeni n'tthu yena monalin'nyu, m'paka mwana antthu ohihimuwa mokhwani. ¹⁰ Ni arumei yahin'koha: Exeni wiraka anamalepa, aniraya wirari Elia ohana awaka vopatjera? ¹¹ Yeso ahiwakhula: Vekweli Elia onawa vopatjera, ni onareriha itthu tzotene. ¹² Kinawuhimeryani wira, Eliya ohowa, vano kimwin'tzuwelale. Mwa tzitan'mo n'mwirihale etthu n'thunalin'nyu. Tzitzan'mo Mwana an'tthu onahawa mwaha wayena. ¹³ Vano arumei yahifikiri wira yena alavula mwaha wa Yohani N'patitzi. ¹⁴ Ni vaphiyalyaya atthu, ahiwa wayena n'lopwana n'motza, akokhorale varyawe, ni khwira: ¹⁵ Pwiya, koneleni othun'ku wa mwanaka, on'mora etjile, ni emara zintjene n'matzini. ¹⁶ Ni miyano kahawanela arumein'nyu, vano kiya weryale on'voniha. ¹⁷ Yeso ahakhula: Nyu n'loko nohikupali ni ohithareya! M'pakha mwani kin'rowaka okhala ni nyu? M'pakha mwani kin'rowaka wuvilelani? Kiwaneleni vaa. ¹⁸ Ni Yeso ahimomola. Vano xethwani ahikhuma wayena, ni mwan'xilopwana ahivona okhuma okathi yole. ¹⁹ Vano arumei yahimwathamela Yeso wikhipini, ni yahin'koha" Exeni yiyano nihiweralyihu womola? ²⁰ Ni Yeso ahiwakhula: Mwaha wan'roromelo ninyu nikhani; vano vekhweli kinawuhimeryni, wira mwarina wamini mwana ethaka ya marupi, mwanawirela mwakoola: "okhume va othamele n'we" ni yena wanarowa. Ni kiyavo etthu yarowa wulipelani. ²¹ Vano etthu ntoko tza kinomoliya wohilom'pa walani othuka. ²² Ni yakhumelelale ayena ethukumanaka okalileya, Yeso ahiwirela: Mwana an'tthu onavahiya n'matatani mwa'tthu. ²³ Ni anamwin'va, ni onahihimwa nihiku naneraru. Ni ayena yahiripiya roho vin'tjene. ²⁴ Ni vakelalyaya okafarnaum, ale yakhelela n'sooko wa mizurukhu min'li yahiwa wa Peturu, ni yahikoha: Fun'tinyu khan'liva mitzurukhu min'lin'yo? ²⁵ Yena ahakhula. Ayoni. Vano yena vakelalyawe owani, Yeso ahintinyera, iraka: Onona tzai Simon? Wapani mamwene elapo anin'kuxeraya n'tzokho? Wanaya walani wakina? ²⁶ Peturu ahakhula: Wakina. Yeso ahimwirela: Vavo ana khan'kothihiya otheka. ²⁷ Vano para hiyano ohaveha, erowe ophareya, yan'vonyere tjolo ( elowi) ekuxe ehopa yopatjera okhumela ota, ni yathukula mwanowaya, anaphwanya n'tzuruku wa hisaapu tjexe. Ekuxe, ni yavahe ayena wamiyano ni wa weyano.