¹ Okathi yole Herodi, analoko neraru, ahin'wa tzohimiya n'mokoni wa Yesu, ² ni ahahimerya ana'tekoa'we: Ola yohani n'patitzi, yena ohihimuwa mukhwani, timana miriran'ya tzinawonaneya mwayena. ³ Okhala wira Herode ahinthuka Yohani, ni ahin'wariha onyolo, ni ahin'hela n'khatheya, n'latthu wa Herodias, mwara an'himawe Filipe, ⁴ Vano Yohani ahimwirela: Kahiyena etthu yorera wira n'khalane. ⁵ Herode aphela omwin'va, vano anawova atthu, okhala wira an'khaliya n'toko namiririmo ⁶ Vano, vaphiyalyawa eyakha tza Herode, mwanawe aherodias ahina eriyari yatthu ni Herode yahi'ntzivela. ⁷ Timana ahin'himerya wira kinawuvaha etthu emphelao okivekela. ⁸ Ni yena anatumereriya namamawe, ahira: Kivaheni va n'thaluni muru wa Yohani N'patitzi. ⁹ Ni mwene ahona othun'ku, vano mwaha wa natiri, ni atthua'le yari vavale, ahirumiha wira avahiye. ¹⁰ Vano ahiruma wira ahitiye Yohani n'khatheya. ¹¹ Murwawe wahiwaniya n'thaluni, ni ahivahiya mwamwali, ni yena aharanela amamawe. ¹² Ni arumeia'we yahiwa, yahikuxa erutthuawe, ni yahirowa on'vitha; ni yahirowa on'himerya Yeso. ¹³ Vamalalyawe win'wa Yeso< Ahikhuma vale nikalawa, ahirowa nipuro nothowa ethu, vekhawe, vano atthu yin'walyaya mwaha wa yeyo, yahintharela mwentho m'poma waya. ¹⁴ Vano Yeso vakhumalyawe, ahaweha atthu intjene. Yena ahiwonela othun'ku, ni ahavoniha aretha yari vavale. ¹⁵ Ni onaxekuwale, awixutthiáwe yahimwathamela, Ni yahira: Opuroóla khunetthu, ni va van'nila. Owirela atthu wira eroweke n'mawan'nyaya, yathumeke eyolya para ayena elyeke. ¹⁶ Vano Yeso ahiwakhula: Awo kham'phela orowa. Nyuwano mwavaheni yotja. ¹⁷ Ni ayena yahin'himerya: Khivo erinihu va wohikhala mikathe mithanu ni ihopa pili. ¹⁸ Vano ahira: N'kiwanele miyano va. ¹⁹ Yena ahirumiha wira okilathiye n'theponi, vano ahikuxa mikathe mithanu nihopa pili, ahivenyiha menthoa'we awehaka wirimu, ni ahireriha. Votharelana ahimeya ,mikathen'ye, ahavaha arumeiyawe, ni arumei watthua'le. ²⁰ Ni otene yahitja, ni yahivona. Ni n'ye tzahalale tzahikhuma ethanka n'loko napili tzotzala. ²¹ Ni ale yalyale yahiphiya wathamela atthu ekon'to thanu alopwana pahi woyalakiya athiyana naa'namwane. ²² Ni'nanoro Yeso aharuma aruei ekele n'kalawani, wira erowe yakumanane epan'tari ekina, yeraneya Yena alehaka n'xovo. ²³ Vamalalyawe waleha atthua'le, ahiwela vamwako, anahiyale nipuro avekelaka. Vaphiyalyaya ohiu, Yena ari vale mekhawe. ²⁴ Ni ekalawa wari othawene wa n'thima, ayaxan'kale ni mawim'pi, epheyo ya hirukunuwa. ²⁵ Ohiyu eriyari ohalelaka nuxani Yeso Yeso ahiwathamela, ethaka vatzulu vaphareya. ²⁶ Vano arumei vamonalyaya ethaka vatzulu vaphareya, Yahituthuya, yiraka: Ole n'nepa! Ni yahikhuwela ni wova. ²⁷ Vano Yeso nin'nanoro ahira, Iraka Lipani roho timiyano, n'hoveni. ²⁸ Ni Peturu ahimwakhula, irak: "Pwiya, mwakhala nyu, kirumeni kiwe in'rinyu vatzulu vamatzi". ²⁹ Ni Yena ahimwirela: "Oweke". Vano Peturu ahikhuruwa n'kalawani ni ahetha vatzulu vamatzi, arowaka waryawe ayeso. ³⁰ Vano vawehalyawe epheyo, ahova; ni ahipatjera otzama, ahikhuwela: "Pwiya kopoleni"! ³¹ Nin'nanoro Yeso ahokola n'tatanawe, ahin'varela, ni ahin'himerya: M'lopwana ohikupali, exeni wanyiherao? ³² Ni vawelalyaya n'kalawani, epeyo yahimala. ³³ Vano ale yari n'kalawani yahiwa khun'tjonthela, yiraka: Ëkhweli nyu mwa'mwana an'Luku. ³⁴ Ni varowalyaya epantari ekina, Yahiphiya n'thethe wo Jenesare. ³⁵ Ni atthu a nipurenen'ne van'tzuwelalyaya, Yahin'laleya elapoéle yotene orukureeya, ni ahiwaneliya ale otene yaweren'ya. ³⁶ Ni yanin'vekela wira an'kwan'nye n'xanka nekuwwe; ni otene yan'kwan'nya yanivona.