¹ Nihiku n'ne, Yeso ahikhuma owani ni ahikilathi n'thimani. ² Ni yahithukumana atthu intjene, tivo yena ahikela n'kalawani ni ahikilathi, vano atthu yahalale n'mafukhe ³ Ni Yena ahahimerya itthu tzintjene nin'likaniho. Yena ahira: Namwala ahikhuma alaka. ⁴ Ni alaka tzitzale, yahimorela ekina m'phironi, ni yahiwa axinuni yahithotha khulya. ⁵ Ni ekina yahimorela vamwala, nipuro yaharivo ethaya yintjene, nin'nanoro yahimela, okhala wira khiyarivo ethaya yowixera. ⁶ Vano n'tzuwa nikhumalyaya, yahivia; mwaha wohikhalana mitithari, yahun'ma. ⁷ Ni ekina yamorelale vamin'wani, ni min'wan'ye tzahun'nua ni yahiphunya. ⁸ Ni ekina yamorelale ethaya yorera, ni yahin'ma mihokorokho: n'motza emiya, n'motza miloko mithanu namotza, ni ekina miloko miraru. ⁹ Orima niyaru en'we. ¹⁰ Vano arumei ya'hathamana, ni yahinkoha: "Exeni nyuwano wahimeriaka ni milikaniho"? ¹¹ Ni Yena ahakhula: Okhala wira wa nyu movahiya otzuwela itthu tawahala tzawirimo, vano wayena khavahiye. ¹² Tivo, ole orina, onavahiya, ni onakhalana yintjene; vano ole ohirina, hata yele orinawe enawakhiya. ¹³ Ti mwahaya miyano kinahimeryaka ni milikaniho; okala wira yonaka khanona; ni yin'waka khanin'wa, hata khan'tzuwela. ¹⁴ Tzitzan'mo wayena tinoniheryaya tzahimalyawe Yesaiya, enira: Ekhweli n'namwin'wa, vano khimwin'rowa otzuwela; Ni n'naweha ni kin'nona ¹⁵ Okhala wira erohoaya atthu'ala tolipa eroho, ni marua'ya tolipa win'wa, ni men'thoaya athukiya; Ophiyera ayena menthoaya ohona, walani marua'ya ohin'wa, walani erohotzaya ohikupali, ni yituthuwe, ni Miyano kavonihe. ¹⁶ Vano oreriya men'thwinyu, okhala wira an'nona; ni marun'nyu , okhala wira an'ninwa. ¹⁷ Vavo ekhweli kinawuhimeryani wira maprofeta intjne ni atthu orera n'rima an'niphela wona etthu nyuwano n'none'nyu, vano ayo khayonale; ni yaniphela win'wa tzin'walinyu ni khayin'wale. ¹⁸ N'karowe, mwinýe nyu n'likaniho na namwala: ¹⁹ N'tthu in'waka molumo a Wirimo ni kihine'nwa, xethuani on'niwa khumwakha etthu yaliye varohoni vawe; eyo tile yaliye variari vaphiro. ²⁰ Ni ele yaliye vamwala tale anin'wa molumo, ni nin'nanoro khwkhela nutheliya n'rima, ²¹ vano kharina mitithari vekhaya. Ohiya tzo, en'khala okathi vakhani, vano yawa mixan'kiho walani otharathariya wa mazu, nin'nanoro khuhokolelaka ohipwaneya. ²² Ni ele yaliye n'min'wani tale anin'wa molumo, vano otzivelatziya nitthu tzavathi ni ophela othatjiri en'niphunya molumo, ni an'khala ohin'ma mihokorokho. ²³ Vano ele yaliye ethaya yorera, ela tiyo anin'wa khuthothela etthu molumo, ni kinen'ma mihokorokho, n'motza emiya, n'kina miloko thanu namotza, ni ekina miloko miraru. ²⁴ Ni Yena ahahimerya n'likaniho nikina, Iraka: "Omwene wawirimo on'lathana ni'lopwana n'motza onala épio yorera n'mathani mwawe, ²⁵ Vano atthu erupaka, n'wananiawe khuwa, khuala n'takataka variyari ya'triku khurowa owani. ²⁶ Ni malaxi von'nuwalyaya ni vin'malyaya ethutu, vano yahikhumelela n'takataka. ²⁷ Vano anan'teko a mwanene ematha yahiwa, ni yahin'koha: Mwene, khimwalale epio yorera n'mattha mwinyu? Vano, on'khuma vai tho, n'takataka? ²⁸ Ni yena ahiwakhula: "N'wanani tavarale ela". Oholowaya, anan'teko yahin'koha: "Mwin'niphela, wira, nirowe ni nakumihe? ²⁹ Yena vo ahiwakhula: "N'nari, wira ehikhale nyuwano n'kumihaka n'takataka, m'phele ni trikwene. ³⁰ Hiyani wun'nuwe vamotzaru m'pakha wurula; ni okathi wawurula mwahimerye anurula: 'than'lani vopatjera n'takataka, n'tthuke vavitzi mavitzi, wira yapahiye; vano etiriku n'takanihe mwahele vatathani'". ³¹ Yena ahavathu n'likaniho nikina: Omwene wawirimo on'likana mwana ethaka yamarupi n'tthu okuxalyawe khurowa wala n'mathani mwawe. ³² Ekhweli wa ipio tzotene, ela tiyotepa oyevaxa. Vano yon'nuwaka, tiyulupale ya n'thaponi; ni khukhalaka n'thali, mithali yawirimo tilathanaya erintha'tzaya. ³³ Yena ahahimerya n'likaniho nikina: "Omwene wawirimo on'likana ni furmento n'thiyana ekuxalyawe khutakaniha ni miphimo miraru yokhana", m'pakha yotene otakaniheya. ³⁴ Tzotene nýa Yeso ahimeryale atthu mi milikaniho. Wohikhala milikaniho Yeso Khalavula, ³⁵ Wira yonaneye tze'nye tzahimalyawe profeta, yirale: Kinathukula eyanotzaka ni milikaniho; Kinaphelatza itthu tzovithiya okhuma wupathuxiyani. ³⁶ Vano Yeso ahaleha atthuale, ni ahirowa owani. Awixuthiawe yahimwathamela Yena, ni yahira: "N'nilakihere n'likaniho na marupi ni na ematha". ³⁷ Ni yena ahiwakhula: "Onala n'mitzo worera Mwana an'tthu. ³⁸ Ni ematha olumwenku; ni epio yorera, ala axana awirimu; Ni n'takataka axana axethuani. ³⁹ Ni n'wanani, alale, xethuani; ni wurula wumalihani walapo; ni anurula malaikha. ⁴⁰ N~kawehani, n~toko n~takataka ninawunyuliya khupahiyaka vamoroni, tzitzan~mo onrowa okhala wumalihani wokathi. ⁴¹ Mwana a Mutthu onawaveleleya malaikha'we, ni anathothelatza wumweneneni wawe itthu tzotene tzen'thekiha, ni ale othele an'vara tzonanara, ⁴² ni an'rowa ovonyeriya omoroni. Vavo onakhala wun'la ni okhuriha men'no. ⁴³ Vano atthu axariya an'rowa warya n'toko n'tzuwa, wumwenene wapapaya. Orina maru in'we. ⁴⁴ Omwene wa'nluku on'lathana nitthu wokalana yovithiya n'matthani, vano n'lopwana n'motza vaphwanyalyawe onuvitha. Vano otheliya wawe n'rima khurowaka otumiha yotene orinawe, ni khuthumaka ematheéle. ⁴⁵ Omwene wawirimo o'lathana ni'nlopwana n'motza nanakosso arowela maluku owarya. ⁴⁶ Ola vaphwanyalyawe n'luku na'ntzuruku mwintjene, ahirowa, khutumiha tzotene arinawe, ni khurowa othuma. ⁴⁷ Omwene wawirimo on'likanatho ni'thavi novonyiya m'pahari, onkhupa ihopa wakhula intinto. ⁴⁸ Vano ola atzalavale, anakhavoko anan'vura en'kumiheraka ota, khuon'komathiki, ni kwalulaka ehopa tzorera ehelaka nthankani, vano inýe tzonanara khinathikhela otakhwani ⁴⁹ Tzitan'mo enrowa okhala okathi womaliha; an'kelo anakhuma, ⁵⁰ ni anawakawa orera n'rima nale otakhala n'rima, ni an'rowa wavonyera omoroni. Wen'wo oriwo okhuriha men'no. ⁵¹ N'hin'wa etthu i'nya tzotene? Ayena yahimwakhula: Ayoni. ⁵² Ni yena ahahimerya: Atzuweli otene okhalale mwixuthi wirimo on'likana nin'khulupale anupa, wa tzophwanyatzawe on'kumiha itthu itzia ni tzakhalai. ⁵³ Ni Yakhumelelale vano Yeso Vamalihalyawe milikanihoiýa, ahikhuma nipuron'ne. ⁵⁴ Ni vawalyawe elapwawe, anassomiha mwalom'patzaya, tiwopora yatikinihiyaya, ni yanihimya: Onin'khuma vai yena otzuwela namuna tzo hata mirira? ⁵⁵ Kahiyena yoma mwana a karpintero? Walani amamawe khanatzimiya Mariya, ni axihimawe Yakopo, Yosef, Simoni ni Yudasi? ⁵⁶ Axirokorawe otene khari nihi? Vano tzinin'khuma vaini inýa tzotene. ⁵⁷ Ni yahinanariya mwaha wayena. Vano Yeso ahahimerya: "Khavo profeta ohikhalana faita, wohikhala wira elapo oyariyawe ni owan'nyawe. ⁵⁸ Ni khavarale mitikiniho tzintjene mwaha wolipatza erohoaýa.