¹ Ni yahikhumelela wira, Yesu ahirowa nipuro nimoza nalompawe, ni vamalihalyawe n'rumeiya'We m'moza ahiMwirela: "Phwiya, n'nixutthihe olompa, mwana Yohani zawixutthihalyawe awixutthiawe. ² Ahiwirela Yesu: ''Mualompakha, muirekhe: 'Papa, norerihiya nikhale n'zinaNinyu. Owe omwenen'Nyu. ³ N'nivahe ephuaawu khu'la nihukhu; ⁴ n'nilevelele etampizihu, zizo mwana hiyano zinalevelelehu an'nitthekhela.N'nihaphuxe zotakhala'''. ⁵ Ahiwirela Yesu: "Tipani wanyu, onira onarina m'patthaniawe khurowa owan'nhawe ohiyu onvekhela, irakha: M'patthany, okokhophihe ephaawu ttharu, ⁶ onuwa m'patthanyaka ni my n'khinona yonvaha';

⁷ ni oyo onari m'pany khunawakhula: Mwikhiparizi, zotthukhiya mykhora ni my na'axanaca norupathy. Ni myano n'khiweryatho ovenha owa wuvahany. ⁸ My khinamuhimeryani, hata ahatthuna ovenha wira anvahe wira okhala m'patthanyawe, yena onrowa ovenhera otpa omparizy, ni onrowa onvaha ephaawo zotene zarivo. ⁹ Ni Miyano khinuhimeryani wira: N;vekhele ni n;navahiya, n'rowele ni n'navahiya, m'mane ni n'natthukhuleliya. ¹⁰ Wa otene ole onvekhela, on'nakhela; onrowela,on'niphwanha; ni ole om'mana onatthukhuleliya. ¹¹ Papa xeny wanyu va, ontthuna wira mwanawe onanvekhelale ehopa, ohiya onvaha ehopa khunvaha enowa? ¹² Walany, yena avekhela noje, khunvaha eyalala? ¹³ Tivo, nyu n'ry otakhala n'rima, muin'nizuwela wavaha etthu zorera axanen'nhu, otepexa Papen'nhu ori wirimu onamwavaha N'nepa Wowarya ale antthuna Onvekhela''. ¹⁴ Wa okhathi n;khina, Yesu ira amomolakha xetwany wayole ahalavula. Vano xetwany vakhumalyawe ole ahilavula. Atthu yahalale oxankhaza! ¹⁵ Vano atthu akhina yahira: ''Orina Belzebu, n'khulupale axetwany, Owo tanwomolanawe axetwany''. ¹⁶ Akhinaku Yamuinttheha ni Yankhoha n'thonhero wa wirimu. ¹⁷ Ni Yesu azuwelakha wupuwelawaya, ahiwirela : Omwene wotene wokhawaneya vekhayaru owo tiwopwanhuwaza; ni hata etthoko yokhawaneya vekhayaro enapwanhuwaza. ¹⁸ Xetwany akhawaneya yoyoru, omweneawe onrowa olipa zai? Nyu n'nira wira My khinwola axetwany ni owerya waBelzebu. ¹⁹ Khukhala wira khinwomola nuwerya wa Belzebu, vano axanen'nyu awomola nuwerya wapany? Mwaha waiyeyo, ayo anrowa wulamulani. ²⁰ Ni khukhala wira My khinwomola axetwani nuwerya wan'Lulu, vano omwene wan'Luku ohupwanhany. ²¹ Akhala n'lopwana olipa, okhalanaza ekharumazawe, on'nisunka enupawe, nimihakhuzawe. ²² Masii akhumelela n'khinaku otepexa olipa khunwerya, onamuakha ekharumazawen'ye ni khukawa mihakhuzawen'ye. ²³ Ole ohiry nimy n'wananyakha, ni ole ohinwanela wa my, onamwarexaza. ²⁴ N'nepa wotakhala wankhuma n'tthu, onvira wetthakazaka mapuro owum'ma ni opheelak vomumula. Wahipwanhetho, onira: 'My khin'hokholela owan'nhakha okhumalyaka'. ²⁵ Wahokolea khupwanha enupa yokhueziya ni yotthenkheya. ²⁶ Vano, ole onarowa ni khuakhuxa axikhwaya athan'neli minepa zotepatho, ni zotene khunakhala muem'mwe. Vano, n'khaleluawe n'tthu'le, n'khala wotepa ovikhana vopajera. ²⁷ Ni vahikhumelela wira, Yena ahimyakazaka iya etthunya, n'thiyana m'moza eriyari yaatthu'le ahilavula ni aMwirelakha: ''Oreriya erukhulu Yurupalaleni ni mapele Yawamwihaleny.'' ²⁸ Nivo Yena ahira: ''Otepexa,oreriya pa'le aninwa molumo an'Luku ni khuninjathy''. ²⁹ Okhathi atthu wathukhumanaya,Yena ahipajera wira: ''Nlokhon'na phinotakhala. Ayena an'nivekhela n'thonhero, wala khanivo n'thonhero nintthuneya ovahiya, ohikhalale n'thonhero waYonas. ³⁰ Wazizam'mo Yonas zakhalalyawe n'thonhero wa Nenive, zizo mwana an"Tthu onrowa okhala n'thonhero anlokhon'na. ³¹ Mwara a mwene okhusiny onarowa ovenha, nihukhu nan'lamulo, vamoza na'tthu aanlokhon'na ni onamuatthukhela, okhala wira yena okhumale wukhizerany walapo owa winwa ozuwela wa Salomao. Ni ohavo mulupale onvkhana Salomao ory vava. ³² Atthu oNeniva anrowa watthukhelaa atthu anlokhon'na, onlamulony, okhala wira ayena ahituthuwa ni olaleya waYonas. Ni va ohavo mulupale onvikhana Yonas. ³³ Khavo, onira aprihela n'thuko,khunahela nipuro nowipitheya, walani okhunela nitthanka, owo on'heliya vazulu wira wamualeleke ale atthuna okhela. ³⁴ Niitho ninhu n'thuko warutthu. Niithoninhu nakhala nikhumy erutthin'nhu enkhala yomwaleliya. Vano niithoninhu nakhala notakhala, erutthin'nyu yotene enkhala muipiphiny. ³⁵ Tivo, muikasope wira n'thukho orinen'nyu wikhale epiphy. ³⁶ Ni, vano, yakhala wira erutthin'nhu yotene ehana n'thukho, khuikhalatho m'phantthe ori epiphi, vano erutthuin'nhu yotene enrowa okhala mwana n'thuko onarya khunamwalelany. ³⁷ Vano Yena vamalihalyawe olavula, n'Farizi m'moza ahinlatthula wira alye niYna owan'nhawe, vano Yesu ahirowa ni khonkoma vamesa. ³⁸ N'farizi ahitikhinihiya vamonalyawe Yena alyaka vohipaja onhawa ohinatthi olya. ³⁹ Ni aPwiya yahin'himerya: ''Nyu, mafarizi, muinrapiha otawaya eco'pho nin'ye zinjeliya, ni m'mirimaniwinhu ozalale ohixukhuru nu'takhala. ⁴⁰ Nyu mualolo! Khamuinzuwela opankale ota tapankale n'hina? ⁴¹ Mwa'vahe amasikhiny an'hawa iyo zirinen'nhu, ni mwinrowa okhala sana. ⁴² Khhikhini nyu, mafarizi, muinvaha mwavulo wamithali zonukhela ni zaminwa ni ya mathapa makhiku, masii khuyakhaliha etthu ehakhi ni ofenta wan'Luku. On'nirerela okhalana ekhweli nun'fenta n'Luku, mwihiyaka etthu zikhina. ⁴³ Motakhaliya nyu mafarizi onuzivelany ekhukulu zooholo m'pani mwan;Luku nin'ttittimiho okhomaziya watthuny. ⁴⁴ Motakhaliya nyu, mwinlatthana ni mahiye ahinoneya, ni atthukhunavira vazuluwaya, vohizuwrela ⁴⁵ Ni namasomiha a ekhano m'moza ahiMwirela: ''Mwixutthihi, mualavulaka zam'mo muin'niniruwana''. ⁴⁶ Yesu ahira: ''Motakhaliya nyu, anamasomiha ikano! N'nareya akhuin'nhu mirin'tthi zolemela hata nyu zihin'weryen'nhu ovara hata n'nikokhoninhu. ⁴⁷ Motakhaliya nyu, n'natekhela okhuttho anamiririmo axipapen'nhu awivaliaya. ⁴⁸ Wazizam'mo, nyu muin'nakhuleliha iyo axipaapen'nhu, zi'raliaya nyu muanamoniaya; ni molumo makhina, nyu mowiva anamiririmo, ni khuatekhela okhuttho. ⁴⁹ Wa exariya yeyo, ozuwela wan'Luku ohimya: 'My khinrowa waruma anamirirmo na'rumei, ayo akhina anrowa walupattha ni owiva'. ⁵⁰ Vano n'na n'lokho'na nin'rowa ohukhumuiya ekhiswa ya phome ya'namiririmo, emuaryale okhuma wephatthuweloni wolumwenku, ⁵¹ okhuma Abel m'pakha ephome ya Zacarias, ole iviye wa'tthamela nipuro naheliya n'khuttho ni enupa yan'Luku. Ayo, my khinuhimeryani, wazotene iya anrowa ohukhumuiya atthu avano. ⁵² Motakhaliya nyu, asomi a ikhano, maana nyu muinkhuxa etthukulelo yozuwela; nyu khamuinkela ni n'nakhotthihera akhina wira ahikhele''. ⁵³ Vano ayesu vakhumalyawe vale, anamalepa na'mafarizi yahipajera onvanhiha nun'khohakhoha etthu zinjene, ⁵⁴ aphelakha wira anvarihe wamolumua'We