¹ Numala vo, aPwiya yahathanla akhinakhu milokho mithan'namili ni khuaruma, enli enli, aholihakha m'mapoma ni mitthetthe zotene zatthunawe Yena orowa. ² Ni awirelakha: "Emattha yulupale,ni anantekho ari vakhany. N'vo ahimeriye mwnene emattha, aunjerere anantekho m'matthaniwaWe. ³ N'rowekhe! N'va My khinurumany mwana epwitthipwitthi eriyari yamijy. ⁴ Mwikhuxeni esakhu walani n'zurukhu, walany nifuta muaroakha, n'nakhala exinelo ni muhinkhomaze n'tthu niiphiro. ⁵ Ni wakhula enupa entthunen'nhu okhela, muire yopajera: 1'N'retthele wa'Pwiya okhale vateva'. ⁶ Khukhala wira vavo ohavo mwana anretthele , n'retthelen'nhu onrowa okhala niyena, nivoo, ahikhale, owo onamuhokholelani. ⁷ N'khale n'tthokho nen'no n'lhakha ni m'wuryakha yeyo entthuna okhala, okhala wira nantekho on'nirerela wakhela. Muikhale n'thama thamakha enupa wa enupa ekhina. ⁸ Ni wakhula epoma entthunen'nhu ophiya, ni khuakheleliya, n'lhe yele entthunen'nhu ovahiya ⁹ ni muavonihe arettha antthuna okhala wonwo. Muahimeryakha: 'Omwene wan'Luku ory ninyu. ¹⁰ Wa, ephoma yele entthunen'nhu ophiya, khuhakheleliya n'khume ni mwire: ¹¹ 'Hata nin'tthupi na ephoma yela navarale m'mwetthoniwihu nihutathelany! N'vo n'zuwele eyo, wira omwene wan'Luku ori vakhiviru'. ¹² My khinuhimeryani wira, nihikhu nan'lamulo, onarowa woneliya othunkhu oSodoma ovirikhana epome'ne yeyo. ¹³ Wotakhaliya, oCorazim! Wotakhaliya, oBetsaida! Okhala wira myrira ziraneyale wanyu ziraneyale oTiro ni oSidom, yarowa wira anituthuwale khalayiro ni anonkhomale vatthurany, niikhuwo zasa'khu. ¹⁴ Wazotene, onarowa oleveleliya oTiro ni oSidom ovirikhana ninyu. ¹⁵ We, Cafarnaum, we onizona wira onrowa ovenhihiya orowaniyakha ozulu? Khahi zizo, we onrowa okhuxiya orwaniyakha vathy, oHades. ¹⁶ Ale anwiwelelany, ankhiwelela My; ni ale anukhotthani ankhikhottha My, ni ale ankhikhottha My aninkhottha Ole Okhirumale. ¹⁷ Yale milokho mithan'namily (ni enli ) yahihokholeya nuttheliya n'rima, yirakha: "Pwiya, hata a xetwani yaniwelela n'zinaniNyu''. ¹⁸ Yesu ahiwirela: ''My canaweha axetwani amorakha okhuma wirimu mwana' etary. ¹⁹ My khihuvahani oweerya wira n'nhakhele en'nowa ni anamarere, ni waxinttha awananiinhu othene, ni vohikhalatho ekhina enrowa owonihany owereya. ²⁰ Ni vavotho, owuttheleni n'rima okhala wira axeywani anawiwelelani pahi, n'tepekhe otthapa okhala wira mazinen'nyu alepiya wirimu''. ²¹ Okhathieene yole, Yena ahitthapa nin'Nepa woWarya, irakha: ''My khin'nutthapelani, Nyu Papa, mwanene erimu ni elapo yavathy, okhala wira Nyu n'havithera iya etthuya azuwely ni ana'khily, ni khuwonihera ale ohoneliya vatthu mwanaa axinamwane axikhany. Ayo , Nyu Papa, okhala wira zizo pizonalen'Nhu orera. ²² Etthu zotene Khinuvahiya naapapa'Kha, ni khavo onin'zuwela Mwana vohikhala apapaWe, ni khavo onazuwela apapaWe ohikhalale ole mwana ontthunawe onzuweliha''. ²³ Ni ahokholelakha wa awixutthyawe, Yena ahahimerya siri'ny. ''Oreriya pa'le anona etthu n'tokho iyo zinonen'nhuyo. ²⁴ N'voo My khinuhimeryani wira anamiririmo ni mamwene injene yahiphela wona iyo zinonen'nhu, ni winwa iyo ziniwen'nhu, ni khuhinwa''. ²⁵ Ni mwixutthihi m'moza a Ekhano zamaYuda ahivenha wira antthehe, irakha: ''Mwixutthihi, khire exeny wira khipwanhe omwene wohimala?'' ²⁶ Yesu ahimwirela: "Elepiye exeny n'khanony? ²⁷ Mwinsoma zai? Yena vano ahakhula: ''Onfevte Pwiya n'Lukuao nirohoao yotene,ninrimao wotene, nuweryawao wotene, niwupuwelawao wotene, ni muatthamaneao mwana zinifentao weyano''. ²⁸ Yesu ahimuirela: ''Ohakhula saneene. Wire zizam'mo ona'khala''. ²⁹ Zizo mwixutthihi aphelakha wi'himya ontthu, ahinkhoha Yesu: ''Ni tipany mwatthamanyakha?''. ³⁰ Vo wakhula Yesu ahira: ''N'lopwana m'moza akhuma oJerusalem arowakha o Jerico, yena khuvariya na'nawiye khuakhaziya zarinawe, khumanakhaziya ni khuhiya ahalelakha okhwa. ³¹ Ni namkhuttho m'moza ahivira ephiro yele ni, vamonalyawe, ahin'hapuwa khuvira m'phantthe n'khina. ³² Volikhanatho n'levita m'moza, ahivira nipuronen'ne ni vaphiyalyawe anwehakha, ahihaphuwa khuvira m'phantthe n'khina. ³³ Vano n'samaria m'moza arowa n'khuahawe ahimuatthamela ni, khunwha, khumonela othunkhu ³⁴ ni, khunrapihaza makhwatthawale khun'helaza makhura ni vinhu. Khumpakhira vapuruniwawe khunrowana enupa yalettho ni khunxikhaxikha. ³⁵ Nurupa oxeleliyawaya, ahikhumiha mizurukhu minli zaparatha, khunvaha mwanene etthokho ni khumuirela: 'Onxikhaxikhe, ni n'zurukhu ontthunao ohonona khiwa oliva khahokoleya'. ³⁶ Waiyale araru, niwupuwelawao, tu'vixa ary mua'tthamanyawe ole aphwanhiye na'nawiye?'' ³⁷ Ole mwixutthihi aekhano ahira: ''Ole amonelale othunkhu yena''. Yesu ahimwirela: ''Orowekhe wavare zizo. ³⁸ Yesu ni awixutthyawe yetthakha n'khuaha, yahiphiya n'tthetthe m'moza, ni n'thiyana m'moza azikiya Marta ahiwakhela owan'nhawe. ³⁹ Yena ahana nunuawe azimiya Maria, yena ahonkhoma watthamela vametthoni wa'phwiya awiriyanakha mo'lumwaya. ⁴⁰ Marta ahixenkhereya orumeyaza apeazakha eyolya wira avahe. Yena ahiwa m'pakha Yesu ni khumuirela: ''Aphwiya, Khan'nona wira anunuakha ankhihiya khirumyazakha vekhaka? N'wirele awe akhikhalihere''. ⁴¹ Nivo aPhwiya yahimuakhula, ni khuira: Marta, Marta, zowatthela etthu zoxikhaxikha, ⁴² wa emoza phahi en'nirerela. Maria othanla etthu yorerexa, ni eto khavo ontthuna omuakha''.