^{1 2 3} Vano, Pilatu ahin'kuxa Yesu khuruma wira atjaphiye. Atoropa yahin'vaha ekhara yamwin'wa, yahihela vamuru wawe ni Yahin'wariha n'leya noxerya. Yahiwa wayena ni yahira: "Makhomazo mwene a Yuta". Ni yahin'hoxa. ⁴ Pilato, vano, ahikhumatho vazia khuwirela atthu: "Wehani, miyano Kinan'wiha wira n'zuwele wirari akiphwanyale n'latthu mwayena". ⁵ Yesu ahikhuma ni awarihiye n'leya noxeria ni ekhara. Pilato ahiwirela: "Mwin'wehe, vaa n'lopwana'ola!". ⁶ Okathi makhulupale a elapo ni maholeli anakhotho vamonalyaya Yesu, yahikhuwela yiraka: "Akhomeli-Ye, Akhomeli-Ye!. Pilato ahiwirela: "Mwinkuxa-Ze nyuwano, ni mwan'khomele-Ke. Miyano vaa, n'kiphwanyale n'latthu mwayena". ⁷ Mayuta yahimwakhula Pilato: "Hiyano nokhalana ekano zihu, ni mwaha waekano zen'yo Yena ohana akhwaka, okhala wira Yena ohipaka mekhaweru okhala mwana an'Luku". ⁸ Okathi Pilato vin'walyawe zolavuliya n'yo, yena ahitepa woova; ⁹ ni ahikelatho n'pani vazia, ni khumwirela Yesu : Weyano on'khuma vai?". Vano Yesu khamwakhulale etthu. ¹⁰ Pilato vano ahimwirela: We khun'kakhula? Khun'zuwela wira kihana owerya wira kiwopo-Le ni owerya wira kukhome-Le?". ¹¹ Yesu ahakhula: "We khiwakhalana owerya wa Miyano, wohikhala wira ovahiye wirimu. Tivoo, yole okiwanane wa we ohana etam'pi zin'tjene". ¹² Mwaha wan'yeyo, Pilato ahiphela omopo_La, masii mayuta yanikhuwela yiraka: Khukhala wira we onamopola n'lopwana Ola kuhiyena m'pathani a Cesari. Yole otene epakale okhala mwene alavulaka yonanara mwa Cesari". ¹³ Okathi Pilato vin'walyawe molumo n'toko ale, ahin'wana Yesu otaa, ni ahikilathi vakhukuluni zin'phukiya milatthu, nipuro nazimiya vatarato ya maluku, ni hepraiko Kapatá. ¹⁴ En'ne, nari nihuku narerihiyaya Pska, okathi wethaka thanu na moza. Pilato ahahimerya mayuta: "n'kawehani, olaa Mweninyu!". ¹⁵ Ayena yahikhuwela: Otaa, Otaa; akhomeli-Ye!". Pilato ahiwirela: "Kin'khomeleke Mweniinyu?". Akhulupale a etini yahakhula: "Khinirina Mwene, wohikhala Cesar". ¹⁶ Vano Pilato ahavaha Yesu wira akhomeliye. ¹⁷ Ahikuxiya Yesu arowaniyaka otaa, ni Yena akhumale anakuxale mwikimanyo arowaka nipuro nazimiya Kaveira, ¹⁸ wenwo ni epraiku nazimiya Kolkota. Wen'wo ahikhomeliya ni, Yena ni alopwana en'li, n'moza wakhula n'phanthe, ni Yesu variyari. ¹⁹ Pilato ahilepa nin'pau, ahihela vamwikimanyoni, ni yahilepiya: "YESU ONAZARETH, MWENE AYUTA". ²⁰ Mayuteu intjene yahikhuxa yolepiya ye'yo, okhala wira nipuro Yesu vakhomeliyawe wari wathamana opoma; ni ela yolepiya yalepiye Hepraiko, Latin ni Kreko. ²¹ Vano, maholeli an'kutho ni Mayuta yahimwirela Pilato: "Mwilepeni: 'Mwene ayuta', masii 'n'lopwana ola ahira: Miyano kamwene Ayuta""'. ²² Pilato ahakhula: "Elepalyaka, kolepa". ²³ Okathi atoropa van'khomelalyaya Yesu, yahin'rulaza ekuwo zawe ni yahikawanyaza ephan'the xexe, ephanthe wakhula toropa; ni n'leya nohitothiya, yakuruxiya yotene. ²⁴ Vano, yahiraza n'moza nin'khwawe: "Nihanyulazen-ni; masii notole parakha wira nimone tipani on'rowa okhalana". Eyo yakhumelelale wira zolepiya zonaneye: "Ayena akawana ekuyo zaka yayoru, ni mwaha wekuwozaka ahotolana eparakha". Atoropa yahiraza etthun'yo. ²⁵ Ni n~phantha wa mwikimanyo wa Yesu, yahavo, yemelale, a Mamawe, anunwawe amamawe, Mariya, mwara a klopas, ni Mariya makatala. ²⁶ Okathi Yesu vawehalyawe a Mamawe ni, anawathamelalene, N'rumei an'phentawe, ahiwirela a Mamawe: "N'thiyana, mwanaoowo!". ²⁷ Vano, khumwirela n'rumeiiole: "Amamao ayo!". Okhuma okathi yole orowaka ooholo, n'rumeiole ahakuxa arowanaka owan'nyawe. ²⁸ Vamalalyaya n'yoo, anazuwelalele wira etthu zotene zahikhumelela, wira zonihereye zolepiya, ahira: "Okivola n'thona". ²⁹ wahavo vavale n'rinki narina evinakri; vano yahiheleliya vaxiponxani ni khuyeliya van'tathini, khuthomen'ya n'paka owanuni Wawe. ³⁰ Okathi Yesu valatalyawe evinakri, ahira: "Zomalela". Yena ahuramiha murwawe ni khuvahererya N'nepawe. ³¹ Okhala wira nari nihiku nareheriyaya, wira erutthun'ye zihilokele vamwikimanyoni vavale nihiku na sapatu ( wira esapatuila yari nihiku nafaita), mayuta yahin'vekela Pilato wira atthuale yin'viye yuntakaziye methozaya, ni erutthu zaya zikumihiye. ³² Vano, atoropa yahiwa khuntakaza metho a opatjera ni n'lopwana anen'li yole akhomeliye vamoza ni Yesu. ³³ Okathi vamwathamelalyaya Yesu, Yahona wira ohokhwa; tivo khizuntakaziye methoza-We. ³⁴ Zizan'mo, toropa n'moza ahithorona m'phanthe n'moza wa niparari nawe ni nivaka, nin'nanoru khukhuma ephome ni mazi. ³⁵ Yole awehale, ahira oxahiti, ni oxahitiawe wari waxariya, wira ni nyu n'khupali. ³⁶ Etthu zen'yo zeraneyale wira zoniheereye zolepiya: "Wanikhuvanawe kinin'rowa wuntiya". ³⁷ Ni opuro okina wolepiya yohimya: "Anan'wehexexa yole amwivalyaya". ³⁸ Vamalalyaya etthun'nya, Yoseph o Arimateiya, ari n'rumei a Yesu, zizan'mo wassiri, mwaha wa woviya mayuta, ahin'vekela Pilato wira antthuniherye okuxa n'rutthu ya Yesu. Pilato ahitthuniha. Vano, Yoseph ahiwa kukuxaka n'rutthu ole khuranaka. ³⁹ Nivo'tho ahiwa Nikotemo, yole akumananale Yesu ohiyu. Yena ahiwana sotakanihhaziya ni rum'pani ni popoza, yahala vakhani olikana ni emiya emoza ya lipra ophimiyawaya. ⁴⁰ Vano yahikuxiya erutthu ya Yesu, ni yahiputaputeriya vakuwoni ya santa ni khunukelihaziya, mwana zalimalelalyaya mayuta wira essiikhe erutthu. ⁴¹ Nipuro vakhomeliyawe nahavo n'thapo; ni vathaponi vavo yahavo mahiye masia vavale vari ahinasiikhiye n'tthu. ⁴² Okhala wira nari nihiku narerihiyaya wira mayuta, ni okhala wira ekhapuri eyo yari vakhiviru, Yesu ahiheliya vavale.