¹ Mwikhaleni xukhuli varohoni venyu. Mwinkupali N'luku; ni n'kikhupali Miyano. ² Owan'nyaya Apapa kharere mapuro; yahari zizan'mo, Miyano kanawuhimeryani, wira kin'rowa ophelaza oipuro. ³ Ni, Miyano karowa karowa wurerihelani nipuro, kinawatho, ni kinawakhelani wa Miyano, wira nipuro kin'rowaka okhala, ninyuwano n'khale vavo. ⁴ "Nyuwano mozuwela ephiro on'rowaka Miyano". ⁵ Tomas ahin'himerya Yeso: "Pwiya, khinin'zuwela mwin'rowinyu. Namuna xeni nin'rowihu ozuwela ephiro?". ⁶ Yesu ahimwirela: "Miyano kephiro, ekhweli , ni Okumi; khavo on'wa wa Papa wohikhala wamiyano. ⁷ Yari wira nyuwano mwahikizuwela, mwanawazula vamozaru Apapaa; okhuma nen'na va nirowaka oholo, Mwin'nazuwela ni Mwin'nawehaka". ⁸ Filipe ahimwirela Yeso: "Pwiya, nithonyereni Papen'nyu, ni eyo enaphiyera wahinyano". ⁹ Yeso Ahimwirela: "Kikhalale okathi mwintjene ninyuwano, ni m'pakha va khimwin'kizuwela, Filipe? Ole onikona Miyano, Ohaweha Apapa; On'kirela zai: 'Onithonyere Apapao'? ¹⁰ Khun'kupali wira Miyano kiri Napapa, ni Apapa ari Nimiyano? Molumo anuhimeryakani, akin'himya nuweria waka; ohiya zoo, Tapapa akhala mwa Miyano khinapaka miteko zaya. ¹¹ Mwinikikhupali wira kiri naPapa, ni Apapa ari Nimiyano; walani mwin'nikhupali mwaha wa miteko zin'varaka. ¹² Vekhweli, vekhweli, kinawuhimeryani, wira yole on'kiphela Miyano, niyena onavara miteko zin'varaka Miyano, ni onavara zulupale ovikana zin'varaka Miyano, okhala wira Miyano kin'rowa Wapapa. ¹³ Zotene zin'thuninyu ovekela Mwan'zinanaka, Miyano kinapaka, wira Apapa ekhale othothopeliya wa Mwanaya. ¹⁴ Mwakivekelaru etthu Mwan'zinanaka, Miyano kinapaka. ¹⁵ Mwa khiphentaru, n'nawinyathi ekano zaka. ¹⁶ Miyano kinawavekela Apapa, ni Ayena anawuvahani namakhaliyera n'kina, wira akhale ni'nyuwano okathi wotene, ¹⁷ N'nepa wekhweli, yole olumwen'ku ohinakhelaya, exeni, Khunona walani Khwun'zuwela. Nyuwano, ekhweli mwin'nizuwela, Okhala wira on'khala ninyuwano, ni ori ninyuwano. ¹⁸ Miyano akinuhiyani mekhen'nyu; Mi kinahokolowa wa nyu. ¹⁹ Okathi wohipiza, olumwen'ku khun'rowa Okona tho, masii nyuwano n'Nakona. Okhala wira Miyano kin'nikhala, ninyuwano n'nakhala. ²⁰ Nihikun'ne, n'nazuwela wira Miyano kiri Napapa, ni nyuwano n'ri mwa Miyo, ni Miyano mwanyu. ²¹ Yole orina ekano zaka ni kinen'tjathi, owo tan'kiphenta; ni ole on'kiphenta tan'rowa okhala ophentiya na'Papa, ni Miyano kinan'phenta ni kinawithonyihera wa yena. ²² Yutasi ( wohikhala Sikariote) ahin'koha Yeso: "Pwiya, exeni withonyiheraka wahinyano, kinahiya olumwen'ku?". ²³ Yeso ahiwakhula: "Akhala N'tthu on'kiphenta, onawinyathi molumwaka. Apapaka anan'phenta, ni ninawa wayena ni ninapan'ka wayena ethokwihu. ²⁴ Ole ohin'kiphenta, khaninýathi molumwaka. molumo anin'wenyu kahiyena awaka, masii ta Papa akirumale. ²⁵ Etthun'ya kinawuhimeryani n'nan'lelo kinari ni Nyuwano. ²⁶ Mwavo namamaliha, N'nepa wowela, yole Apapa anrowaya oruma wan'zinanaka, owo onawusoomihani etthu zotene ni onawupuxerani etthu zotene zilavulalyaka. ²⁷ Kinuhiyerani n'rethele, n'rethelyaka kinawuvahani. Miyano akinuvahani mwana zin'vahaya olumwen'ku. Mwixen'kereyeni varohoni vinyu, walani mwihoveni. ²⁸ Mwihin'wa zuhimeryalyakani: 'Kinarowa ni kinawuhokolelani tho wa nyu'. Mwakiphenta mwanakhala otheliya roho, okhala wira Miyano kin'rowa wa Papa; N'toko zoo Apapa tari olupale okivikana Miyano. ²⁹ Miyano kinawuhimeryani n'ya nin'nano vaa, ehinathi okhumelela, wira ari yakhumelela vale, n'kupali. ³⁰ Vano n'kinlavulatho ni nyu, okhala wira mwene olumwen'ku onira awaka, ni yena kharina owerya wa miyano. ³¹ Masii wirari olumwen'ku ozuwele wira Miyano kin'napheta Apapa, kin'vara zizan'mo Apapa zikirumalyaya. N'kavenyani, n'roweni nihiye opuro olaa".