¹ Vano, vahinathi ophiya nira Napaska, anazuwelale Yesu wira Okathiawe wahiphiya wira avire olumwen'kula wirea arowe waPapawe, anaphentalene awawe yari mulukwenkuni, ahaphenta n'paka wumalihani. ² Ni yiraneyaka nira, mwitjani ahihela varohoni va Yutasi Sikarioti, mwana a Simoni, yole an'variha Yesu. ³ Yesu ahizuwela wira Apapawe yahin'vaha etthu zotene n'matatani mwawe, ni Yena awale wa N'Luku, ni ahokolowela wa'nluku. ⁴ Yena ahivenya vanirani, ni ahirula n'leia nawe. Vano ahikuxa etowalha ahiwara nýununi Mwawe. ⁵ Votharelana, Yena ahithela mazi m'paciani, khupatjera orapiha metho zarumei ni khiyawumiha ni etowalha yeyo yeyo Yena arinawe nýununi. ⁶ Yena ahimwathamela Simoni Peturu, amwirelale: "Pwiya, Nyu timwin'rapiha methozaka?". ⁷ Yesu ahakhula khumwira: "Eniraka My hata we khun'zuwela nen'na'va, masii onawa ozuwele oholo". ⁸ Peturu ahin'himerya: "We khun'khala orapihaka methozaka". Yesu ahimwakhula: "Khukhala wira Miyano n'kinurapiha, we khun'khalana m'phanthe Wami". ⁹ Simoni Peturu ahimwirela: "Pwiya, mwikirapiheni methozaka pahii masii matataka ni murwaka". ¹⁰ Yesu ahimwirela: "Ole orapale, khan'phela tho orapa wohikhala pahi methozawe, ni ori olikana othuwa. Nyuwano morthuwa, masii kahiyena otene". ¹¹ Okhala wira Yesu anin'zuwela yole arowa ontumiha. Timwahaya eralyawe wira: Kahi otene n'thuwale". ¹² Vamalalyawe Yesu warapiha methozaya, ahikuxa n'leyanawe, ahihokolela vamesa, ni ahakoha: "Nyuwano mozuwelaza etthu yiralyaka? ¹³ Nyuwano mwin'kazima 'funti' ni 'Mwene' ni mwin'niraza sana, okhala wira Miyano kiri. ¹⁴ Vano Miyano mwene ni funti, kihurapihani methozinyu, nyuwano zizan'mo mwarapiheke metho akhwinyu. ¹⁵ Okhala wira Miyano kihuvahani n'likaniho, wira ninyuwano mwireke manaa kiwirihalyakani nyu. ¹⁶ Vekhweli, vekhweli, kinawuhimeryani: nan'teko khanakhale mulupale on'vikana funtiawe; walani namarumiya khahi mulupale on'vikana ole on'rumale. ¹⁷ Mwazuwelaru etthu zen'ya, timoreriya mwatharihelaka. ¹⁸ Miyano kihiwira kin'lavula mwaha wa nyu otene, okhala wira Miyano kin'nazuwela ale yathan'lalyaka; masii kin'himya in'ya mwaha wa zolepiya ziraneye: 'Yole atja n'katheaka, ovenyiha ekwakwinyoawe wa miyano'. ¹⁹ Kinuhimeryani n'ya nenano vaa, zihinathi wiraneya, wirari zakhumelela vale, n'kupali wira Mi tin'yowo. ²⁰ Vekhweli, vekhweli kinawuhimeryani: "On'rowa omwakhela yole on'rowaka on'ruma, on'nikakhela Miyano; Ni ole on'kakhela, on'nimwakhela ole Okirumale". ²¹ Anahimyale n'yo, Yesu ahiniya roho, ni khuhimya eraka: "vekhweli, vekhweli kinawuhimeryani wira n'moza wa nyu onakitumiha". ²² Arumei yahiwehana n'moza nin'kwawe, emwanyiheraka wira Yena onimwaza pani. ²³ N'moza wawixuthi awe, yole Yesu am'phentawe, era uramelaka vathirimani va Yesu. ²⁴ Simoni Peturu ahin'vaha n'thonyero avekelaka: "N'kakoheni Yena onimwaza pani". ²⁵ Vano mwixuthi olee, uramelaka ethirima ya Yesu, ahin'koha: "Pwiya, tiipanii?". ^{26 27} Vano Yesu ahakhula: "Tin'yowo ole Miyano kin'rowaka on'vaha n'kathe woreriya". Ni anareryalene nipatuxan'ne nan'kathe, ahin'vaha Yutasii, mwana a Simoni Sikariotes. Ni numala otja n'kathe, Xetwani ahikela mwayena. Yesu vano ahimwirela: "Iryao wira, wire niwakuva". ²⁸ Khavo vameza azuwela exeni Yesu ahimeryawe n'ye mwaha wa yena. ²⁹ Anari Yutasi n'lupo avarelela n'fukho wan'zurukhu, akina yona mwana Yesu anulakela omwirela: "Othume etthu em'phelihu onirani", walani yena ahana avahaka etthu wamasiikhini. ³⁰ Vamalihalyawe Yutasi wakhela n'kathe, ahikhuma nin'nanoru; ni wari ohiyu. ³¹ Vakhumalyawe Yutasi, Yesu ahira: "Vano mwana Antthu othothopeliya, ni N'luku othothopeliya Wayena. ³² N'luku onan'thothopela Zizan'mo, Ni tho onan'thothopela. ³³ Axanaka, Miyano kiri ninyuwano okathi vakani. Nyu n'nakiphelaza, mana zahimeryalyaka mayuta: 'On'rowaka, nyuwano khin'khalalee orowa'. Vano kinahimya n'ya wa nyuwano. ³⁴ Ekano zizya kinawuvahani, wira n'phentaneke n'moza nin'khwawe; mana zuphentalyakani Miyano, Vano ninyu m'phentaneke n'moza nin'khwawe. ³⁵ Mwa zoo otene anazuwela wira nyu mwarumeiyaka: mwaphentanavale n'moza nin'khwawe". ^{36 37 38} Simoni Peturu ahin'nhimerya: "Mwenye, Mwin'rowa vaini". Yesu ahimwakhwula: "On'rowaka khimwin'kithara nen'nano vaa, masii wee onakithara okathi n'kina". Peturu ahimwirela: Mwenye, exeni miyano ohutharakani nin'nano vaa? Miyano kovaha ekumyaka mwaha wanyu". Yeswu ahimwakhwula: N'navaha erutthunyu mwaha wamiyano? vekhweli, vekhweli kinawuhimerya wira n'thupi khanipa weyano wikikhothale emara tharu"