¹ N'lopwana n'moza azimiya Lazaru anaweren~ya. Yena ari oPetaniya n~thethe wa Mariya ni nunwawe Marta. ² Owo ari Mariya yole anthikithen'le makhura Pwiya ni mira ni khumumiha methozawe ni kharari zawe, tho n'rokorawe Lazaru anaweren'ya. ³ Axirokorawe yahirumiha n'hupi wa Yesu, yiraka: "Pwiya, yole onin'phentinyu onaweren'ya". ⁴ Okathi Yesu win'walyawe molumoawo, ahakhula: "Eretheyo kahiyena wira akhwe, masii wira avuwihiye N'luku, wira ari Mwanawe N'luku athothopeliye mwaha wayeyo". ⁵ Yesu anin'phenta Marta, nrokorawe ni Lazaru. ⁶ Okathi Vin'walyawe wira Lazaru onaweren'ya, ahikhala tho mahiku men'li nipuro nen'ne naryawe. ⁷ Numala voo, ahahimerya arumeiyawe: "N'rowenitho Oyuteiya". ⁸ Awixuthi yahimwirelka: Mwene, Mayuta okathi vakani yaphela wuvonyakazany, zizan'mo mwin'phela ohokolowela wen'wo?". ⁹ Yesu ahakhula: "Nihiku kinirina okathi n'loko napili? akhala wira n'tthu onetha othana, khan'kwathuliya, okhala wira on'nona ni warya wothana. ¹⁰ Ori zoo, owo etha ohiyu, onakwathuliya, okhala wira khuvo warya wayena". ¹¹ Yesu ahimyale etthun'ya ni, numala ohimya n'yo, ahiwirela: "M'pathanihu Lazaru orupa, masii miyano kinarowa kan'venyihe n'khoveni". ¹² Awixuthi yahin'himerya: "Mwenye, yena arupaka, onavona". ¹³ Yesu ahimya okhwa wa Lazaru, masii ayena yanyihera wira onamumula wakhove. ¹⁴ Vano, Yesu ahahimerya ekhweli: "Lazaru ohokhwa. ¹⁵ Mwaha wa nyu, kin'nitheliya roho mwaha wohikhala wen'wo, wira n'kupali. Masii n'roweni m'paka wen'wo". ¹⁶ Vano Tomas, azimiya Titimu, ahiwirela arumey akina: "N'roweni nihiyano nakhweke ni Yesu". ¹⁷ Vaphiyalyawe Yesu, Yena ahona wira Lazaru ori omahiye mahiku matjexe. ¹⁸ Petaniya wari wathamela Oyerusalem, wanyihera waya ekilomo n'loko ni thanu orakama waya. ¹⁹ Mayuteu intjene yanuwa on'zuru Marta ni Maria, Mwaha wa n'rokorawe. ²⁰ Vano Marta vazuwelalyawe wira Yesu on'niwa, ahirowa Wayena, vano Maria Ahalale owani. ²¹ Marta, vano, ahimwirela Yesu: "Mwenye, mwari vava, n'rokoraka khakhwa. ²² Hata nin'nano vava, miyano kin'nizuwela wira wakhula wtthu mwin'tthunen'nyu onvekela N'luku, Yena Onawuvahani". ²³ Yesu ahimwakhula yena: "N'rokorao onahihimuwa". ²⁴ Marta ahimwakhula wira: "Miyano kozuwela wira onahihimuwa ohihimuwa wa nihiku nomaliha". ²⁵ Jesu ahimwirela: "Miyano ohihimuwa ni okumi, yole on'kikupali Miyano, hata akhwaka, onakhala, ²⁶ ni yole on'khala ni khukikhupali Miyano khan'khwatho. On'nikupali eyo?". ²⁷ Yena ahin'himerya: "Ayoni, pwiya, miyano kin'nikupali wira Nyu mwa Kristo, Mwana an'luku, ari para owa mulumwen'kuni". ²⁸ Vahimyalyawe n'yo, yena ahikhumavo ni khumwazima Maria n'phanthe n'kina iraka: "A Funti ari vava, anawazimani". ²⁹ Vano vin'walyawe Maria zoo, ahivenya niwakuva ni ahirowa omwathamela waryawe. ³⁰ Yesu n'nan'lelo ari ahinaphiye n'mathokoni,. masii ari opuro Marta wan'phwanyalyawe. ³¹ Mayuta yan'zuru, vamonalyaya Maria avenhaka niwakuva ni khukhuma, yahin'tharela, okhala wira yona mana yena on'rowa omahiye wira on'leke. ³² Maria, vano, vaphiyalyawe nipuro naryawe Yesu, Vamonalyawe, ahikokhora vamethoni vawe eraka: "Pwiya, mwakhalale vava, n'rokoraka khakhwa". ³³ Vamonalyaya on'laka zaa, hata nale Mayuta yan'hola, Yesu ahikhala on'phwanyaka othun'ku varohoni. Ni otharana wa makhalelwawe, ³⁴ ahiwirela: "Mwin'helale vainii?". Ayena yahakhula: "Pwiya, n'kawani n'wehe". ³⁵ Yesu ahuun'laa. ³⁶ Amayuta akina yanira yaworu: "N'kan'weheni omota zan'phentawe Lazaru". ³⁷ Vano akina yahira: "Khawerya n'lopwana olaa, avahale wona atthu ohona, wira ari n'lopwana ola ahikhwe?". ³⁸ Vano Yesu enan,phwanyalene othunku, ahirowa n'pakha vamakhapureni. Yari n'khuhuni ni nahavo n'luku nulupale. ³⁹ Yesu ahira: "Kumihani n'luku". Marta, n'rokorawe Lazaru, yole akhwale, ahimwirela Yesu: "Pwiya, owo ohuntha, okhala wira okhwale elelo nihiku nanetjexe". ⁴⁰ Yesu ahimwakhula: Miyano n'kuhimeryale wira wakupaliru, onawona owerya Wan'Luku?". ⁴¹ Vano, nahikumihiya n'luku. Yesu ahiweha wirimu ni Khwira: "Paapa, kin'nixukhuro okhala wira mwin'nikiwa. ⁴² Miyano kin'nizuwela wira mwin'khala okin'wa, masii mwaha watthuala ari vava enemelale ni khukirukurerya Vahimyalyaka n'yo, wira ekhupali wira n'nukiruma". ⁴³ Vamalyalyawe olavula etthun'ya, Yesu ahivekela akhuwelaka mwintjene: Lazaru, owe othan'no!". ⁴⁴ Nan'khwa ahikhumela ni matatawe ni metho zawe zinathukiye, ni winthu'wawe onakhuneliye ni santa. Yesu aharuma: "N'kanthukuleni ni mwin'hiye aroweke". ⁴⁵ Vano Mayuta intjene yawale on'thotola Maria, ni yawehale etthu ziralyawe Yesu, yahimwamini Yena; ⁴⁶ masii akina yahirowa m'paka yariziaya mafarizi, ni yahahimerya etthu zotene zapakalyawe Yesu. ⁴⁷ Vano akhulupale anan'kutho ni mafarizi yahithukumana m'pwaro, ni yahira: "Niire exenii? N'lopwanowo onamwira zotikiniha ni mithonyero. ⁴⁸ Nan'hiya zizan'mo, intjene anan'kupali Yena; vano, maromano anawa ni anaanakha opuro ni elapwiihu". ⁴⁹ Varizyaya, n'moza azimiya Kaifaxi, yakha yele ari n'holeli anan'kutho, ahivekela molumu ni khwahimerya: ⁵⁰ "Nyu khimwin'zuwelaza etthu. Walani khimwin'zuwela wira hata ekhalaka yorera wa nyu wirari n'lopwana n'moza akhwele atthu, ovirikana opweteya elapo yotene". ⁵¹ Yena khahimiale inyo mwayena mekhawe, masii, okhala wira ari n'holele an'kuttho yakheele, ahimwira namona Yesu iraka onakhwela elapo. ⁵² Ni wohikhala elapo pahi, masii tho waxana an'luku, yale amwareyale, wira athukumanye ekhale n'xovo m'moza. ⁵³ Vano, nihikunen'ne orowaka oholo, yanithon'kaza mwirelo wira emwin've Yesu. ⁵⁴ Yesu khethatho oneyazaka variyari vamayuta, masii ahikhuma arowaka n'hina, n'thethe n'moza wathamana wuthakoni, wa elapo moza yazimiya Efraim, opuro wakhalalyawe narumeyawe. ⁵⁵ Wa epaska yamayuta yahathamela, ni intjene yahirowa wan'thethe yole erowaka Yerusalem, wura yirerihe. ⁵⁶ Vano, ayena yanin'phelaza Yesu, ni yanira n'moza ni'khwawe n'pani mwan'luku: "N'nonela zaii? Khukhala wira Yena khan'wa onirani? ⁵⁷ Maholele an'kurho nafarizii yahihimya wira, yakala wira ohavo onzuwela opuro oryawe Yesu, ahimerye, wira arowee avariye.