¹ Vekhweli, vekhweli, kinawuhimeryani wira yole ohin'vira van'khora vanzizi, masii on'vira nipuro nikina, owo latarau ni namatuphela. ² Ole on'vira van'khora owo makam'puzi apwithipwithi. ³ Wa yena , namathukula onahula; epwithipwithi en'nin'wa n'zunawe, yena on'nazima epwithip[withizawe wa mazinaya, khurowihaka oota. ⁴ Anamalihale okumihera zenýe zawawe, on'nirowa oholo waya, ni epwithipwithi zin'ninthara, okhala wira zin'nizuwela n'zunawe. ⁵ N'Yo khizinin'thara n'malapo; masi ohiya zoo, enan'thawa, okhala wira kin;zuwela n'zunawe n'malapole". ⁶ Jesu ahimerya n'likanihon'no, masii ayena wala khiyanyihera exeni ahimeryawe. ⁷ Vano, ahahimeryatho vazia: "Vekhweli, vekhweli, kinawuhimeryani: Miyano kan'khora wa pwithipwithi. ⁸ Otene yale awale oholowaka anawinýe ni anamatuphela, masii epwithipwithi kaziwiwelelale. ⁹ Miyano kakn'khora. akhala n'tthu on'vira wamiyano, onawopowa; onakela ni onakhuma ni onaphwanya malaxi. ¹⁰ Nawinýa khan'wa wohokhala winýa, wiva ni onyanya. Miyano kiwale wira n;khalane okumi, ni n'khalane mwintjene. ¹¹ Miyano kamakan'puzi orerela. Makan'puzi orerela on'nivaha ekumiawe mwaha wa pwithipwithi zawe. ¹² Ole owi nakhotho ni, ohiri makan'puzi, ohiri mwanene apwithipwithi, amona mitji awaka, onahiya ni khuthawaka. Ni mitji khiyin; vakaza ni khinamwarya. ¹³ Yena onathiawa, exeni okhala wira kahiyena zawawe ni khantjali etthu ni pwithipwithinýe. ¹⁴ Miyano kamakan'puzi orera, ni kin'nizuwela epwithipwithi zaka, ni nýa zin'nikizuwela. ¹⁵ Apapa an'nikizuwela, Miyano kin'nazuwela Apapa, ni kin'nivaha okumiaka wa pwithipwithi. ¹⁶ Kihana epwithipwithi zikina zihikhalale n'zizi nen'na. W zenýa, kihana kiwanaka, ni nýo zinawin'wa n'zunaka, wira nipuro nimoza ni makan'puzi n'moza. ¹⁷ Tivo, Apapa an'nikiphenta: "Miyano kin'nivaha okumiaka ekhalale. ¹⁸ Khavo on'kumiha wamiyano, masii Miyano kamwanene kin'vaha. Kihana owera wira kivahe ni wira kikhuxetho kamwanene okihokolelaka. Kakhelale ekanon'yo wa Papa". ¹⁹ Wahimkhumelela okawaneyatho wamayuta mwaha wamolumo yawo. ²⁰ Intjene yanira: "Yena ohana xetwani, ni tovahuwa. N'nimwinwelela exeni?". ²¹ Akina yanira: "Molumo n'toko awo khan'lavula n'tthu orina xetwani. Khiyakhala wira xetwani onathukula men'tho antthu ohinona?". ²² Yari, okathi, ya nira yoheliya n'kutho, Oyerusalem. ²³ Yari elimwe, ni Yesu etha m'pani mwan'luku, oholo wa Salomau. ²⁴ Vano, nýuta n'moza ahimwathamela Yena kwira: "M'pakha mwani mwin'rowa onihiya okapakapeya? Yakhala wira nyu Mwakristu, Nihimwryeni ekhweli". ²⁵ Yesu ahakhula: "Kihuhimeryani, masii nyu khimwaminale. miteko kin'varaka nin'zina napapa nin'ninvaha namona wa miyano. ²⁶ Nyuwano khinkikupalale Miyano okhala wira kimwihiyo epwithipwithi zaka. ²⁷ Epwithipwithi zaka zin'niwa n'zunaka; Miyano kin'nizuwela, nin'nýo zin'nikithara. ²⁸ Miyano kin'nivaha ekumi yohimala; khazin'rimelatho, ni khavo on'tthuna okuxa n'matatani mwaka. ²⁹ Apapaka, akivahale Miyano, olupale wavikana otene, ni khavo onthuna okuxa n'matatani mwaya. ³⁰ Miyano na'Papa niri nipuro nimoza". ³¹ Vano mayuta yahipatjera okuxatho maluku vazia, wira N'vonyakaze. ³² Yesu ahira: "Kin'nathonyera miteko zintjene zin'khuma wapapa. Wa zenýo nyuwano mwin'phelenyu okivonya?" ³³ Yahimwakhula mayuta: "Kahiyena mwaha wa miteko zorera, masii mwaha woruwana, okhala wira we, onari n'lopwana, onikhaliha On'luku". ³⁴ Yesu ahiwakhula: "Khilepiye ekano issia: 'Miyano kirale: Nyuwano mwa miluku?'. ³⁵ Yakhala wira Yena owazimale milukuyale wen'wo Molumo an'Luku akhumalyaya ni zolepiya zihikhan'lyaya zifutjiyaka - , ³⁶ nyuwano mwin'lavula mwaha wa ole Mwanene N'luku on'rerihalyawe ni khun'ruma: 'onaruwana', mwaha Miyano kihira: 'Kamwana An'luku'?. ³⁷ Miyano kahivare miteko Zapapa, mwikikupalini Miyano. ³⁸ Zizan'mo, kipakaka, n'nan'lelo khimwin'kikupali Miyano, khupalini miteko, wira n'zuwele ni n'fikhiri wira Apapa ari Nimiyano, ni Miyano Niyena". ³⁹ Yahiphelatho okathi n'kina on'vara, masii Yena ahisuurunyuwa n'matatani mwaya. ⁴⁰ Yesu ahirowatho vazia okhopela ya Oyortani, nipuro Yohani apatizawe, ni ahikhala wen'wo. ⁴¹ Atthu in'tjene Yan'wela, ni yanira: "Yohani, ekhweli, khapakane n'thonyero n'moza, masii zotene yena zahimyawe mwaha wan'lipwana ola ekhweli". ⁴² N'tjene vale yahimwamini Yesu.