¹ Axin'naka, va varinehu anatirehu, nirerihe mwa tjotene tjin'nikhaliha oohiloka mwerutthuni mwihu ni mun'nepani mwihu. Nirowele orera nimovaka Muluku. ² N'nikuxeke vamurimane venyu. Hiyano khan'nipaka tjotakhala wa atthu. ³ Nkinihimya eyo wira kohaxeni, okhala wira miyo kohimya wira nri vamurimeni vehu, wira otenihu nikhwe ni otenihu nikhale. ⁴ Kokhalana ororomela mwa nyuwano. Kokhalana omalihiya ni ventji ni nyuwano ni ohakalala, hata mohawani mwehu motene. ⁵ Okathi niwalehu Omacetoniya, irutthu tjihu khatjimumulale; ohiya vo, nohhaxiya mwa mithinto tjotene: ohawa wa ota ni wova wa n'hina. ⁶ Vano Muluku, onilipiha ottetteya, onilipiha ni ophiya wa titu. ⁷ Ni khahiyo pahi ni ophiya wawe Muluku onilipihalyawe, vano-tho oliopihiya owo akhelalyawe mwa nyuwano. Owo onihimerya orera winyu murima, ofenta winyu oxenkereya winyu ni miyano tvo kihakalalalyuaka ventji. ⁸ Hata wa epaphelwaka yoripihakani murima, nkiniituthuwa mwaha wa yeyo, enamwi kiittuthuwalene okathi kamonalyaka ole oripihaleni murima, ninlelo mwa okathi vakhini. ⁹ Vanova miyano kin'nihakalala khaiyo mwaha wa ohawa winyu, vano okhala wira ohawa winyu ohuwanelani wiituthuwa. Nyuwano n'hererya ohawa mwaha wa Muluku, vano khamuhawale woyelela etthu wa hiyano. ¹⁰ Okhala wira oripiya murima wa m'munepani, on'niruha wituthuwa onruha wopowa wohupuweleliya; oripiya murimawa nulaponi, tjitjo-nto on'niruha okhwa. ¹¹ Mone ohihiiya iwo wa Muluku worwana etthu wa nyuwano. Ohihiiya winyu wari ventji wira wonihereye ekekhayinyu. Wira ventji otikhina winyu, wova, wivahererya, wiyeviha, ni otthuna wona ekekhayi yiraneyaka! Ni tjotene n'honiherya okhala atthu ohittheka. ¹² Kinukhalaru ti mi kilepale, nkilepale mwaha wa nwanani, ni khahiyo mwaha wa ole ohaxiye, vano wira ekekhayinyu ni hiyo etjuweliye ni nyuwano wa Muluku. ¹³ Mwaha wa eyo, nin'nilipihiya. Wohikhala wolipihiya wihu, hiyano ni'nihakalala mwaha wa ohakalala wa itthu, okhala wira n'nepawe wopakiya-tho ni nyuwo. ¹⁴ Oholo kihikhurutula wa nyuwano wa owo ni n'kulihiye muru; ohiya va-o tjitjam'mo tjotene tjohimeryehuni tjari ikekhayi, wikhurutula wihu ni nyuwano oholo wa Titu wari wekekhayi. ¹⁵ Otthapa wawe ni nyuwano wotepexa watta, ti vanonto onupuwelawe wiwelela ventji ni tjitjo tjiniwakhelinyu ni wova ni ottettemela. ¹⁶ Miyano kin'nitthtapa okhala wira kokhalana ororomela womalela mwa nyuwano.