¹ Atumwi pabodzi na azibale wawo omwe akhali ku yudeya adabva kuti anyakubwera adatambirambo mafala ya Mulungu. ² Pomwe Pedru adakwira ku Jerusalemu, wale omwe akhadagwatidwa kakhanda ka ciwalo adawakanganisa ³ ndipo adati:"iwe ukugwirizana na wakusaya kugwata kakhanda ka ciwalo ca khati nipo ucinyanawo!" ⁴ Pedru,ndipo,adayamba kuwauza n'khani mwakulongosoka kuti: ⁵ Ndikha pen'phara ine mu zinda wa Jepe ndidakhala na masom'phenya ya cinthu cibobzi cikhabuluka,ngati nguwo ikulu ikubuluka kudzaulu,idamanikidwa ntsmba zinayi,kubwera kuna ine. ⁶ Ndidaciphatisisa ndipo ndidakumbuka mwa cimweci ndida wona bzinyama bza miyendominayi bza pantsi bzirombo bzanthengo bzinyama bzakufamba na mimba pabodzi na mbalame zakudzulu. ⁷ Ndipo ndidabva fala libobzi lomwe likhadiuza:Lamuka,Pedru ndipo n'phaya unye:" ⁸ Ine ndidawa uza :na nsambo winago Mbuya,palibe cinthu cakuipa na cakupswina comwe cidzapita pa kamwa pangu:" ⁹ Mwa ici fala lidanditawira pomwe kudzulu :"nampodi kucemera kuti bzadzikoli bzinthu bzomwe bzida cenesedwa na Mulungu." ¹⁰ Bzidacitika ibzi katatu, ndipo bzentsene bzida bwezedwa kudzaulu. ¹¹ Panthawi imweyo amuna atatu ada tumizidwa kwa ine bobzi waku sezareya,adayimirira kutsokholo kwa nyumba komwe tikhali. ¹² Zimu adandiuza kuti ndiyende kuna iwo.ndipo napodi kucita cisango kwa iwo.Abale atanthatuwa adayenda nande,ndipo tidayenda munyumba mwa mamuna. ¹³ Iye adatiuza malingana na momwe ndidaonera ngelo wakuimirira,mu nyumba mwace,aciti,tumiza amuna ku Jope,kuti akatenge Simiyau,anbacemeredwa Pedru. ¹⁴ Iye an'kakuuzani mafala yomwe yadzakupulumusani-iwe na wentse abale wako. ¹⁵ Ndipo ndidayamba kuwawuza,'mzimu wakucena adabwera kwa iwo na ifembo,kwakutoma. ¹⁶ Ndakumbukira mafala ya Ambuya,anda lewa kuti:Juwau mwacadidi akhabatiza na madzi,ndipo imwe mudzabatizidwa na m'zimu wakucena. ¹⁷ Mwa idzi,ngati Mulungu adawapasa cipo cibodzi ni moda adzatipasirambo ife,tinga bvuma Ambuya Jezu Kirixtu,ndine mbani ine kuti ni ngaletse Mulungu? ¹⁸ Ndipo adabva bzimwebzi,alibe kutawira,tsono adapen'phera Mulungu ndipo aciti:"kodiMulungu wapereka kwa anyakubwera kuti akupule acitambira moyo.? ¹⁹ Mwa ici wakupen'phera adamwazika thangwe kuteweredwa kumwe kuda yamba na kufa Estefano adambalalika kuyenda ku Fenisiya,cipre napombo ku atiyokiya,ndipo adalewa mafala ya Mbuya Jezu kwa mayuda basi. ²⁰ Ndipo anango wa iwo,amuna wakucipre na sirene,adabwera ku Antiyokiya ndipo acilewambo kwa agrego aciwauza mafala yabwino ya Mbuya Jezu. ²¹ Ndipo boko la Mbuya likhana iwo,na wanthu azinji adakhulupirira ndipo adatendeuka. ²² Khani zakukhudzana na iwo zidafika m'pakana makutu mwa nyumba ya Mulungu ku Jerusalemu,ndipo iwo adatumisa Barnabe m'pakana atiyokiya, ²³ pomwe iye adabwera adawona cipo ca Mulungu,adakomedwa ndipo adalimbikisa wentse kuti akhale na Ambuya mim'tima wawo wetse, ²⁴ Tsono iye akhali mamuna bobzi wabwino,wakudzala na zimu wakucenana cikhulupiriro,ndipo wanthuazinjiadathumizirika kuna Mbuya. ²⁵ Ndipo Barnabe adayeda ku Tarsoni,kunyangana Saulo. ²⁶ Pomwe adamuwona adayenda nayeku antjiokiya.adakhala m'pakana gole libodzi,iwo adagwezekana pobodzi mu nyunba ya Mulungu ndipo adawampfudzisa wanthu azinji.ampfudziri adacemeredwa ma" krisitu" kwakuyambirira ku Antiyokiya. ²⁷ Pantsiku imweyire,Mapolofita yanango yadabuluka ku Jerusalemu yaciyenda ku antiyokiya. ²⁸ Bodzi wa iwo,wakucemeredwa Agabo,adamuka ndipo adalata mu zimu kuti kungadakhala na njala ikulu pa dziko lentse, ndibzo bzidacitika ntsiku za Claudio. ²⁹ Ndipo wakumpfunzira, mwa nzeru malingana na bobzi na bobzi,adalibikisana kutumiza cinthandizo kwa azibale ku yudeya. ³⁰ Iwo adacita ici ndipo adawatumiza kombiri kwa akulu akulu manja mwa bernabe na Saulo.