1
Ni, okathi Mwapwittipwitthi atthukulalyawe nkhoyi wa nethanu napili, wakhilana omaala wirimu, vaphiyaka okmathi vakhani.
2
Vano kahona malikha mathanu napili yemenlene oholo wa Muluku, ni yahivahiya mpetta thanu napili.
3
Ni nlaikha nikina ahiwa akuxalene etijela enkhala tjowunkhela ya ewero ni nahemela oholo wa altari. Ahivahiya tjowunkhela tjintji wira avekelele atthu owarya otene, oholo wa altari oripa vehitjeni.
4
Ni m'matatani mwawe nlaikha nahiwela, oholo wa Muluku, mwixi wa tjowunkhela vamotja ni mavekelo a atthu owarya.
5
Numala nlaikha nahikuxa ele yowunkhela ni ahitjariha moro a waltari ni ahittikhela vathi; ni tjahikhumelela itari, wunla, overunya ni etetere.
6
Ni malaikha ale thanu napili yarin a mpetta thanu napili yahireherya wira arumihe.
7
Nlaikha noopatjerya nahirumiha mpetta-aya, ni v athi yahimora maluku ni moro yotakaniheya ephome: mphantti m'motja wa etthaya yahivya, mphantti m'motja wa miri tjahivya, ni malaxi otene makithi yahivya.
8
Nlaikha na enenli nahirumiha mpetta-aya, ni etthu ntoko mwako mulupale opattaka wahittikhelya m'matjini. Ni mphantti m'motja wa matji wahipakeya ephome,
9
ni mphantti m'motja wa axinama a m'matjini yahikhwa, ni mphantti m'motja wa ikalawa tjahikwakwanyuliya.
10
Ni nlaikha na eneraru yahirumiha mpetta-aya, ni etheneri yulupale yahimora wirimu, epattaka ntoko nthuko, eriyari ya mphantti m'motja wa miro ni vamphattuwa matji.
11
Ntjina-naya etheneri enihaniya Absinto. Mphantti m'motja wa matji yahipakeya ntoko absinto, ni atthu entji yahikhwa mwaha wa matji yawawa.
12
Nlaikha na netjese nahirumiha mpetta-aya, ni mphantti m'motja wa ntjuwa nahipakiya nikhwatta, ntoko mphantti wa mweri ni mphantti m'motja wa itheneri. Tjitjam'mo-tho mphantti m'motja wa itthu tjen'yo tjahiripa, ohiyo ni othana, khitjarya.
13
Ni kahiweha ni kahinwa nakhuku avavaka wirimu, okhuwelaka ventji: ''Ayi, ayi, ayi otakhaliya ole onkhala elapo ya vathi, mwaha wa oruma wa mipetta tja malikha mararu tjinkelaya orumiha''.