¹ Inthonhero mulupale ohoneya wirimu;nthiana nmotja owara nim ntjuwa ni mueri vathi wa muetho tjauwe nikorowawe erina enthontowa miloko mili vamuruwawe. ² Owo anorupala ni anokuwela ni okuwela wa namyari ,ewora envalavelauwe wira ayare. ³ Ni ethonyeryo ekina yahonaneya wirimu: Ahikhala dragao oxerya aarina miru mithanu napili ni manyaka muloko, ni tjahikhala ikhara thanu napili m'muru mwaya. ⁴ Mwiilaya waaneettiha mphantti m'motja wa itheneri tja wirimu, ottikhelaka vathi. Dragao aari oholo wa nthiyana apheela oyara, wira, numala owo oyara, owo onkhure mwanawe. ⁵ Owo an'hin'yara mwana awe nlopwana, mwana onrowa weettiherya ilapo tjotene ni ekopo ya yuma. Mwana awe ahikuxiya arowaka wari Muluku ni ehitje Awe, ⁶ ni nthiyana ahitjawela woothakoni, wenwo Muluku arehenryawe nipuro nawe, wira owo alyihiyeke n'hina wa mahiku ekonto emotja ni mahiku imiya pili ni mahiku miloko mithanu namotja. ⁷ Vano yahikhala ekhotto wirimu. Miguel ni maikha awe yaniwana ni dragao; ni dragao ni malaikha awe yanoova. ⁸ Vano dragao khaarina ikuro tjintji tjooxintta. Vano kharivo-tho opuro awe wirimu owo ni maikha awe. ⁹ Dragao mulupale, enowa ele yakhalayi enihani xotwani n'nakhala Satana, onwoka elapo yotene, ehomolanihiyeriya vathi, vamotja ni maikha aya. ¹⁰ Vano kahinwa ntju nookhuwela wirmu: ''Vano ohowa wopowa, owerya, omwene wa Muluku ehu ni owerya wa Kristu Awe. Vano anwanani a axin'nihu ohomolanihiya, ole awanana oholo wa Muluku ehu othana ni ohiyo. ¹¹ Awo anxintta mwaha wa ephome ya Mwapwittipwitthi ni mwaha wa molumo a namona aya, vano awo khaphentale okumi aya mpakha okhwa waya. ¹² Vano ntthapeke, nyuwo erimu, ni otene ankhalawo. Vano mootakhaliya etthaya ni matji, vano xotwani ookhuruwela wa nyuwano. Owo oonanariya ventji, okhala wira owo otjuwela wira orina okathi vakhini''. ¹³ Okathi dragao atjuwenlyawe wira otthikheliya vathi, owo ahimomolaniha nthiyana ole ayanre. ¹⁴ Vano nthiyana owo ahivahiya mapupha a xawawe mulupale, wira ovave arowaka nipuro nirehereriyawe woothakoni, wenwo akalawe okhala n'hina wa okathi, okathi, ni emeya ya okathi, ota wa enowa. ¹⁵ Enowa yahikumiha matji mwano mwaya ntoko muro, wira opake ephiro yaakela onkumiha nthiyana waryawewo. ¹⁶ Vano etthaya yahinkhaliherya nthiyana, entthukulaka iyano tjawe wira ewurye matji yakumihiye ni dragao. ¹⁷ Vano dragao ahonanariya ni nthiyana ni onarowa owana ekhotto ni nloko nawe nikina, ale antthara tjoruma tja Muluku ni animpweha namona a Yesu. ¹⁸ Vano dragao ahemela vatthayani va ntthiya.