¹ APWIYA t'alupalexa ni ovuwihaxiya, mwinttettheni mwa Mulukw'ehu, vamwako vowarya. ² Siyoni ti mwako onkhalawewo Muluku mwako worekama ni wowarya, onnireriha elapo yotene ya vathi; mittetthe tja mwene mulupalexa. ³ Muluku onkhala mmittettheni mwawe, ni to tjuweliya okhala nthyawelo nulupale. ⁴ Nkawehani mamwene yahithukumana; khurwaa wamotja wira etuphele Osiyomi. ⁵ Awo, awehakaru, nttetthe ottayi yahitikinihiya; yahopopihiya, khutthyawa-wo wohipitja-pitja. ⁶ Vavo othukumela wahawela, yahona ohawa ntoko nthiyana ayaraka. ⁷ Ntoko ikalawa tjulupale ipwexiye n'ipheyo y'onaphuvu. ⁸ Hiyo nahinwa tjotikinisa tjiralyawe Muluku, nave-tho nihona-tho tjen'yo mwinttettheni mw'APWIYA a tjitthu tjotene, mwinttettheni mwa Muluku; Muluku onatjuka mahuku otene. ⁹ Muluku, ninnupuwela ofenta winyu nikelalene mumpani mwinyu. ¹⁰ Nittharihelaka ntjina ninyu, ho Muluku nno wutthapelani nyuwo, mpakha wokitjeryani welapo; ntata ninyu nolopwana notjareya exariy'ennyu. ¹¹ Atthu oSiyoni annutthapelani, asana aYuda annitteliya nrima, mwaha wowalamula wenyu worera. ¹² Mwetteke nrukureryaka oSiyoni, ni mwinuwihe; mwalikele ohawa waya. ¹³ Mpwehe mirima tjinyu nkakoni molipa, nwehexexe inupa tjaya tjorera, wira mwalele aninyu n'otjulu'innyu. ¹⁴ Wira Muluku Muluku'ehu a mahuku otene; owo t'onnettiha mpakha okhwa.