¹ Muluku ti nthyawelo nihu nolipa; olikanana onikhaliherya okathi woxanka. ² Tjitjo hiyo khannova, ohiya elapo othukumela, ohiya miyako omorela mphareya mowinxa; ³ Matji enarumakaru n'utekhuma, miyako tjinatetereyakaru nekuru hiyo khannova. ⁴ Matji anvira annireriha nttetthe wothanliya ni Muluku, enupa yowarya ya Muluku a wirimu. ⁵ Muluku yowo onikhala mwinttettheni mwemmo; nttetthe yowo khuniwerya ohononiya; wa khula oxa APWIYA anrwaa okhaliherya. ⁶ Amalapo anninyakula, ilapo tjinnittikinyeya; vano Muluku onnirunya, elapo enniphweya. ⁷ APWIYA anene tjitthu tjotene ari ni hiyo; Muluku a Yakobo nthyawelo nihu nulupale. ⁸ Nwe, mone miteko tjovuwa w'APWIYA, mone tjotikiniha tjiralyaya vathi-va; ⁹ Awo amaliha ekhotto nlaponi motene; ahuntakatja miyura ni mavaka e'khotto; ahpnona ni mora iyuma tjotene tj'ekhotto. ¹⁰ Khwira mmalihe ekhotto, ntjuwele wira miyo ki Muluku; miyo kinavuwihiya wa maloko otene; kinavuwihiya nlaponi motene. ¹¹ APWIYA anene ekuru ari ni hiyo; Muluku a Yakobo nthyawelo nihu nulupale.