¹ Muluku, nihinwa ni maru'ihu, axitithinnyu analikelela miteko tjinyu tjovuwa tjen'yo tjiralinnyu mahuku aya, mahuku okhalayi. ² Nyuwo mwahomola maloko atthu nlaponi mwaya; khwakhaliha atthu'inyu elapo yeyo, mwahihukhumu atthu a maloko makina, khwareriha atthu'innyu. ³ Awo khiyakhale elapo eyo ni mavak'aya, wala khiyaweryale n'ekuru tjaya, ekuru tja mono'inyu ti tjaweryale ti nyuwo mwaholelale nurera winyu nrima; tthiri nyuwo n'haphenta. ⁴ Muluku nyuwo mwa mwene aka; nyuwo n'haxinttiha atthu'inyu a Ykobo. ⁵ N'ekuru tjinyu hiyo nihaxintta awanan'ihu; ni ntjina ninyu hiyo nahapwtexa yanivirikanya. ⁶ Hiyo khinaroromelale matthere; khinailipihale ni mavaka. ⁷ Tthiri ti nyuwo mwanakiheryale awanan'ihu, ti nyuwo mwamwaraxale ale yaninyokha. ⁸ Tivo nnothamalihuni mahuku otene; nivuwihaka ntjina ninyu vohihiyererya. ^{9 11} Nto vano APWIYA nyuwo moninyanyala monuliha muru; khannetta-tho n'anakhotto'ihu. ¹⁰ Monihiya nomoliyaka n'awananihu awo akusa mihakhu tj'ihu tjotene. Monivelela winviya ntoko ipuri tjinrwaa ohitiya monimwaraxela variyari v'amalapo. ¹² Nyuwo n'hatumiha atthu'inyu mahalene etjitjapo aya khamphwanyanne etthu. ¹³ Anamattamanan'ihu tjinirelalinnyu; awo anninitheya anniniveha vonulihiha muru. ¹⁴ Maloko makina annona tjinirelal'innyu; amalapo annininyokha ettikinyaka muru. ¹⁵ Mahuku otene kinnetta kiripiyene nrima, kinnuliya muru owitho onnikiripa, ¹⁶ Kinwaka maruwano nutheya; awanan'ihu annininlela ikuhu. ¹⁷ Tjotakhala n'ya tjotene tjinnikhumelela nihonyanyaleni; wala nihivirikanye watana wahu ni nyuwo. ¹⁸ Nrim'ehu khiwattharuwale worumelani, mwettelo ahu khiwahapuwale ephiro'ennyu. ¹⁹ Nyuwo monomolela eriyari ya inama tj'owali, moninyanyalela mwepiphini m'okhwa. ²⁰ Nattharuwaleru onkokhorela Muluku'en'hu, nantexeryaleru matat'ehu muluku nkina, ²¹ Nyuwo mwantjuwela etamp'iyo mana nyuwo munnitjuwela mirima tj'atthu. ²² Nto vano mwaha wa nyuwo ninnihaxiya mahuku otene mpakha okhwa; ninnilikanyihiya n'ipuri tjinrwaaniya ohitiya. ²³ APWIYA mwinrupelani? Nvenye; n'hininyanyale mpakha wohimala. ²⁴ Nvithelaleni ekhov'inyu, munliyalelani ohaxiya wehu n'upuheriya wehu? ²⁵ Okum'ihu womwarexeliya vantthupini; mirima tjihu tjophara mmattopheni. ²⁶ APWIYA nvenye nnakuvele; nnopole mwaha w'oniphenta winyu.