¹ APWIYA, nkirele etjariyen'nyu, vano miyo kinnetta ni nlema; ni miyo kinaroromela APWIYA, kihotjeyaka. ² Ntokotse nrimaka, APWIYA, ni nkehererye; nttehattehe wupuwela wakq ni nrim'aka. ³ Okhala wira okipheta winyu onnikiholela va methoni vaka; ni miyo kinnettela ikhweli tjinyu. ⁴ Miyo nk'okomale n'alavilavi, nkatanale n'atthu a mirima minli. ⁵ Miyo kinninyokha mithukumano tj'atakhali; ni nk'okomale nale anukhottani. ⁶ Miyo kinninyawa kithonyeryaka ohittheka waka, ni kinetta karukureryaka altarin'nyu, APWIYA; ⁷ KIwipelakani ntjipo notthapa, ni kilaleyaka tjotikinisa tjinyu tjotene. ⁸ APWIYA, miyo kinniphenta enupen'nyu, ni nipuro ninkhala ovuwa winyu. ⁹ N'hikipwetexe wamotja n'atakhali, n'hikitakhalihe mohawani mw'alipa owinva; ¹⁰ Matat'aya alamalela wira tjotakhala; ni ntata naya nolopwana notjareya miyavulo tjohiloka. ¹¹ Nto miyo kinnetta nuroromeleya waka; nkimorele ikharari ni nkopole. ¹² Inawu tjaka tjinvira ephiro yorera; kinamwattottopela APWIYA mmithukumanoni.