¹ APWIYA, mwene onnotthapelani tthiri nyuwo monvaha ekuru; owo onitteliya nrima tthiri nyuwo monvaha waxintta awanan'ihu! ² Nyuwo monvaha tjaphavela nrimawe; ni nyuwo khammwimanale tjulapelawni. ³ Nyuwo montjaliha muntjarihaka tjovaha tjinyu; nyuwo monwariha mmuruni nleha na wero yorikexa. ⁴ Owo ahulapelani ekumi, nyuwo khunvaha; mahuku mentji, vohimala-tho. ⁵ Nyuwo monxinttiha khunvuwiha; monvaha nttittimiho ni munnuwelo . ⁶ Oreriya onvahalinyu onakhala mahuku otene; nkhalaka ni mwene munnintjereriha otteliya wawe nrima. ⁷ Okhala wira mwene onnaroromela APWIYA; alipihiyaka n'uwerya waya khanttikinyeya. ⁸ Mwene onuwomola awanani awe otene onamwamwarexa otene ale aninvirikanya. ⁹ Aphwanyakaru awanani awe onamwapwetexa ntoko moro olaliha ikhuni; n'unanariya waya APWIYA onamwahonona; moro onamwapahatja. ¹⁰ Anumaliha maloko aya nlaponi; otjulu aya khumphwanyaneya-tho vathi-va. ¹¹ Okhala wira awo anulakela ompakela yotakhala mwene; yavanelela vonvirikanya mwene, nto khanreriya yapaka ekhotto anamotjela. ¹² Okhala wira nyuwo nnanvaha wavirikanya nekuruu tjawe tjotene onamona ittuli-ru pahi. ¹³ APWIYA nvenye moniherye ekuru tjinyu; hiyo ninawipelani nittottopelaka owerya winyu.