¹ Patche Djeso adabuda mu mbuto yakunamatira, mubodzi wa wapfunzi watche adati:" mupfunzisi, onani cudeca kwa mauwe aya na zvacugadziliwa!". ² Djeso adadaira:" Imwe mulikuona cugadziliwa kudaita izvo? Hapadzakali buwe panalinango buwe alisinga gomoliwi". ³ Futi, iye adakala mubango la miyolivi pakundu linango la mbuto yakunamatira, Petulo, Tiago, Juwau na Andireya iwo wadamubvunza pakundu: ⁴ "Tibvunzeni zvinaitika lini zvinhu izvi? Nchanyi tchinakala tchipangisiro cuti zvense zvinhu zvikale pakati pacuitika?". ⁵ Djeso ada toma kulanga: "Kalani wakuchenjera kuti pasaonekwe wanyacucunyegezani. ⁶ Wazinji wanadzauya na dzina langu futi watchadzati: 'Ine dine MuKrisitu,' futi wanadzanyeza wazinji. ⁷ Lekani kutya mungabva zva nkondo, zvinhu izvoizvi zvinada kuti zviitike, apo hazvidzakali cunkomo. ⁸ Nathangwe lakuti dziko linadza mukira lina dziko, utongi kumukira unango utongi .Kunadzawoneka kutekenyeka mumbuto ziginji, futi nanzala. uku ndiko kutoma kwakukonza pa kubala. ⁹ Mukale muda tchengela. Iwo wanadza kuperecani cuwatongi, munadza neriwa cuswica pakufa mumasinagoga. Napenepo munadza endesiwa pamberi pawa tongi na wamambo, nathangwe la Ine, ninga kuleulira kuna iwo. ¹⁰ Apo zvinada cuthanga kuti pfala liende kuna wense wanhu. ¹¹ Pawo wanadzakusungani futi kucutolani kwenda kiyatongwa lecani ,kupatica nazvakulanga. Nathagwe lakuti mu ngani yeneyo, munadza pasiwa zvakulanga; hamudzalangi ndimwe nkabe so ndimu Zimu wakutchena; ¹² mubale anadzapereca mubale cuti afe, futi mwana wanadza phindukira wababa wawo cuswica pakuwaulaya. ¹³ Imwe munadza zondiwa nawense nakuda kwaDzina langu. Apo uyo anadzapilira pakakupera kwazvo, uyo anadza ponesiwa. ¹⁴ Mungadzaona zvakutyisa zvitchiuya muzimbuto zakuti haziite ba kuitica(Cuti nyacurenga azvibvesese), wale wali mu judiya walirani cuenda mumabango, ¹⁵ wale wali padzaulu panyumba waleke cutchitha, ne cubata tchinhu tchiritchense, ¹⁶ uyo anadzakala ali mumunda ngadzaleke cutola tchacubvala tchatche. ¹⁷ Kuna wawo Wananzakala nanhenga pabodzi nawo walicuyamwisa nansicu izo! ¹⁸ Namatani cuti izvo zvireke cuoneca pa ngani yamhepo. ¹⁹ Nathangwe panadzawonekwa cubonela kuculu, Zviculu zvacuti zvisati zvawonekwa cubudila pakutoma, patche Mulungu adalonza dziko cuswikira lelo, futi hazvidzawonekizve. ²⁰ Deca Tchangamile atchileca cufupisa nsicu zacubonela, hapana angadzaponesiwe. Apo nathangwe lawanya cusankuliwa, awo watche adasankula, afupisa dyali nsicuzo. ²¹ Apo munhu angaculangirani:' Cuti dinepano Kirisitu !"Panango: Diye Mesia aliuco", lecani cutenda. ²² Nathamgwe lacuti Makirisitu yamangama nawapolofiti watchadzaita zvipanguizo nama minimini zvacutsausa, cuswica wanyacusankuliwa. ²³ Kalani mwacutchejera! Munawona cuti ndidaculangirani zvense izvi zvisati zvaitica. ²⁴ Pacupera kwa nsicu, zacubonela ,dzuwa linadzaswipa, mwezi haudzaoneki cubveneca kwao, ²⁵ nyenyezi zinadzagwa kubuda mudzaulu, nsimba zacudzaulu zinadzavuluziwa. ²⁶ Napenepo panadzaoneca Mwana Wamunhu atchiuya namumacuti nasimba iculu pabodzi nacucuziwa. ²⁷ Iye achadzatumira Ngirozi futi anadzacanhaniza na wanyacusankuriwa wa mumakona manai, adziko cubudira cunkomo kwenda cunkomo kwadziko. ²⁸ Ndida pfunza namuti wa muzambiringa. Nadyali pacufhinfira kwao utchipangizira masamba matswa, munanga mutchidziwa cuti malimo alicufedzera. ²⁹ Mungaona zvinhu ninga izvi, zvichiitica mukale mudadziwa kutiIye alicufedzera paduze, mwa mwamatsasa. ³⁰ Ndinaculangilani nditchiti, madzinza ninga hadzapindi zvinhu ningaizvi zvisati zvatoma cuitica. ³¹ Cudzaulu na pansi zvitchadzapinda, masoco angu tchipo hadzapindi. ³² Apo, pakodzo lansicu ineyo nangani, hapana anadziwa, cana nengirozi zacudzaulu, ne naMwana, eka Baba. ³³ kalani mudatchengera! lindani munamate nathangwe amudziwi ndingani ipi. ³⁴ Zvidaita ninga munhu adaenda ulendo: Iye adasiya nyumba yatche adaika wanyabasa watche cuti waonerere nyumbayo,mubodzi na mubodzi akana basa latche. Futi iye adapa mutemo cunawalindi cuti mukale mudapenya. ³⁵ Napenepo lindani! Thangwe hamudziwi cuti mwenetchiro wa nyumba atchadzahirira lini, penu cumaulo, patsangwi lausicu, patche djongwe lingadzalira, penango tchacumatchibese. ³⁶ Angauya Iye mutchibvumbu, cuti Iye aleke cucuswikirani mudagona. ³⁷ Zvangu Ine ndinacubvunzani, cuna mwense: Lindani!".