^{1 2} 1 Tumirani zvifuiyo kuna wakulu wakulu wapadziko kutanga ku Sela ku mulusale, kuswika kuphiri la mwana wa nsiao. 2 Ninga ntchiri zakupatika, zanthusiwa kudza kuanthanga, wakadzi waku Moabe, wanga ntanta kankulo kaku Arnom. ^{3 4} 3 "Wamba pangula, wambaita chokuadi, tiswene kuna wanyamarwa masikate kuite ninga mausiku, koiyani waiya wakunthauwa, musawapereka kuna wanyamarwa waiya wakuda kupona. 4 Wasieni wagale agaoga wanthawi waku Moabe; kunaiyo nibuto wakuswika kuna wa phudzi". Thangwe kulingirke ku chaemeima, nadyalo ku phudziwa kuchaema, wene waiya wambantsika wanadzagombeka mu dziko. ⁵ 5 Mpando wamambo unadzakhala wa kuda na kutenda. Mwaiyo iynadzagara dzinza wa David, iye anadzagara khulukhulu wakutonga wachokuadi, anaiyta zvamuche. ^{6 7} 6 Tinakhazva kulonga kuti Moabe na kuzvikuza, namakuzi wauyo na chungu yauyo, apo zventse izvi nazvisendzi zvinhu. 7 Nadyalo Moabe wentse wanadzalila kuakukhuwa dziko lentse la Moabe lanadzabatikana nadyalo Moabe ananguza, ananguzila Moabe pabhodzipo natenepo lilani nakus'woma nanthangwe la wamuna yakukheri. ⁸ 8 Ma nthambwe waku Hesbom yadauoma, ninga mu vinyu waku Sibma. Watongi wamadziko wadantsikantsika mivunyu wakusakhuliwa wadakuanisa kubata Jazer nadyalo wadzamwazana kuswika ku mulu sale. Mabukira wauyo yadamuazika yachiyerera napadzaulo yambala. ^{9 10} 9 Chakuadi chackuadi, ndichalila pabodzi na Jazer: munthambi wa Sidma. Ndimunthira na misozi wangu, Hesbom na Eleale, na ma nthambi yauyo wa zvibereko zva malimo zva kukokha, ine ndamala na kukhuwa wakunfantsa. 10 Kudekerka nakunfantsa kugombeka kua kusima kua miti wachibereko; futi mu nthambi yauyo, hamuyembiwi, hakunazve kukhuwa kua nfantso. Hakuna wantsiki wakuntsika ma vinyu mubuto; ine dayemesa kukhuwa kua wantsiki. ^{11 12} 11 Nadyalo moiyo wangu wanfantsa maningi na Moabe, namukhati khati mwangu, kuna Quir-Heres. 12 Pana yeda Moabe kazvipangiza kubuto wapedzaulo wachipinda munyumba wauyo wakunamatira wachinamata, minamato wa hai suyendzi. ^{13 14} 13 Aiya ndi mafala ya Yahweh wache adalonga kalakalapo nanyaiya ya Moabe. 14 Iye Yahweh adalongazve: " mukhati mwa makole wanakuana matatu 3, kukunzuwa kua Moabe kunadzapera; na kuda kua wanhu wakuwanda, wanango wana wanadzasala.